MIHKA 2 - Jinghpaw Common Language Bible 2009

Matsan Mayan Masha Ni Hpe Dip Sha Ai Ni A Maka

¹ Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.

² Shanhte gaw hkauna pa ni hpe ra marit wa ai shaloi, dai ni hpe kashun la ma ai; shanhte gaw dum nta ni hpe ra marit wa ai shaloi, dai ni hpe la kau ma ai. Kade a dinghku mung, sut gan mung shim nga ai n rai.

³ Dai rai nna dai Madu gaw, “Ngai gaw nanhte a ntsa e tsin-yam tsindam shabyin dat na matu yaw lajang da nga nngai; dai kaw na nanhte hprawng lawt lu na myit dai n rai. Nanhte gaw nanhte hkum nan ru yak jamjau ai hpe tam la nga myit dai, shaloi nanhte gaw grai gumrawng ai hte loi mi mung hkawm sa lu na myit dai ai n rai.

⁴ Dai aten du ai shaloi, masha ni gaw nanhte a tsin-yam tsindam hpe ga shadawn zawn tsun na mara ai; shanhte gaw nanhte a mahkrum madup hpe ndai gawng run mahkawn hte mahkawn mangoi na mara ai: Anhte gaw atsai awai hten run hkrum nga saga hka! Dai Madu gaw anhte a lamu ga la kau ya nna, Anhte hpe rim mat wa ai ni a lata hta ap kau ya nu ai.”

⁵ Dai re ai majaw, dai Madu a amyu masha ni a lata de lamu ga bai nhtang jaw na matu aten du ai shaloi, dai shara hta nanhte langai hte langai a matu gambum lu la na n rai nga myit dai.

⁶ Amyu masha ni gaw ngai hpe hkaw tsun ai hte, “Anhte hpe mungga hkum hkaw mi. Dai hte seng ai lam yawng hkum hkaw hkum tsun myit. Karai Kasang gaw anhte hpe sari jahpa ya nga ai n rai.

⁷ Israela amyu masha ni gaw dagam dala hkrum nga ma ai ngu nna nang myit lu nga a ni? Dai Madu hta hkam sharang ai myit n rawng mat nu ai kun? Shi gaw dai zawn re ai amu hpe teng teng galaw wa na rai nga a ni? Shi gaw teng man ai amu galaw ai ni hpe matsan dum lama ai myit hte tsun shaga ai n rai ni?,” ngu nna tsun ai.

⁸ Dai Madu gaw, “Nanhte gaw nye a amyu masha ni hpe gumlau hpyen hpe zawn gasat madai. Majan ginra kaw na nhtang wa ai masha ni gaw dum nta ni hta shim lum nga ai ngu myit la nga ma ai, rai ti mung dai shara hta nanhte gaw shanhte a bu hpun palawng ni hpe lagu amya la na matu ala nga myit dai.

⁹ Nanhte gaw nye a amyu masha num ma ni hpe shanhte myit manoi nga ai dum nta kaw na shaden kau nga myit dai; shanhte a ma kaji ni hpe jaw ya ai nye a htani htana shaman chyeju hpe nanhte hpya kau ya myit dai.

¹⁰ Rawt sa wa su; ndai shara hta bansa shim lum ai lam hpa mung n nga nga sai. Ndai shara hten run mat na matu, nanhte galaw ai yubak ni gaw tara jeyang ai hkrum nga manit dai.

¹¹ “Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

¹² “Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

¹³ Karai Kasang gaw shanhte a matu lam hpaw ya na ra ai; shanhte hpe bawng dung ai kaw nna woi lakawn wa na ra ai. Shanhte gaw mare chyinghka ni hpe adawt agrawp kau na mara ai hte ndut ndang hkawm sa lu na mara ai. Shanhte a hkawhkam rai nga ai dai Madu shi nan shanhte hpe woi shapraw wa na ra ai.