EZRA 2 - Jinghpaw Common Language Bible 2009

Bawng Dung Hkrum Ai Kaw Na Nhtang Wa Sai Ni A Jahpan

¹ Bawng dung ai masha law law hte gaw Babelon mungdaw hta na pru wa nhtawm Yerusalem mare hte Yuda mung de nhtang wa nna tinang nang a mare de wa shajang ma ai. Shanhte a dinghku ni gaw Hkawhkam Nebuhkadneza shanhte hpe bawng masha ni hpe zawn rim mat wa ai shani kaw nna, Babelon mung e bawng dung hkrum let nga nga sai ni rai ma ai.

² Shanhte a ningbaw ni gaw Zerubabela, Yawshu, Nehemia, Seraia, Relaia, Mordehkai, Bilshan, Mispa, Bigawai, Rehum hte Bana hte rai ma ai. Ndai gaw bawng dung ai kaw nna nhtang wa ai Israela lakung lama shagu a jahpan rai nga ai:

^3-20 Parosha - 2,172 Shepatia - 372 Ara - 775 Pahat Moba (Yeshua hte Yoab yan a amyu matu ni) - 2,812 Elam - 1,254 Zatu - 945 Zahkai - 760 Bani - 642 Bebai - 623 Azgad - 1,222 Adonikam - 666 Bigwai - 2,056 Adin - 454 Atera (Hezekia mung ngu ai) - 98 Bezai - 323 Yora - 112 Hashum - 223 Gibara - 95

^21-35 Ndai lawu de na mare ni hta nga lai wa sai kaji kawa ni a amyu masha ni mung nhtang wa ma ai: Betlehem - 123 Netohpa - 56 Anahtot - 128 Azmawet - 42 Kiriat Yarim, Hkehpira hte Berot - 743 Rama Hte Geba - 621 Mikmasha - 122 Behtela hte Ai - 223 Nebo - 52 Magbisha - 156 Kaga Elam - 1,254 Harim - 320 Loda, Hadi hte Ono - 725 Yerihko - 345 Sena - 3,630

^36-39 Ndai gaw bawng dung ai kaw nna nhtang wa sai hkinjawng amyu lakung ni a jahpan rai nga ai: Yedaia (Yeshua a amyu matu) - 973 Imera - 1,052 Pashura - 1,247 Harim - 1,017

^40-42 Bawng dung ai kaw nna nhtang wa sai Lewi lakung ni: Yeshua hte Kadmiela (Hodawia amyu matu ni) - 74 Nawku Htingnu mahkawn mangoi masha ni (Asap a amyu matu ni) - 128 Nawku Htingnu sin langa ni (Shalum, Atera, Talamon, Akub, Hatita hte Shobai ni a amyu matu ni) - 139

^43-54 Bawng dung ai kaw nna nhtang wa ai Nawku Htingnu amu galaw masha ni a lakung lama ni: Ziha, Hasuhpa, Tabaot, Kero, Siaha, Padon, Lebana, Hagaba, Akub, Hagab, Shamlai, Hanan, Gidela, Gahara, Reaia, Rezin, Nekoda, Gazam, Uza, Pasea, Besai, Asna, Meunim, Nehpisim, Bakbuk, Hakuhpa, Harahura, Bazluhta, Mehida, Harsha, Barko, Sisera, Tema, Nezia hte Hatihpa ni rai nga ai.

^55-57 Bawng dung ai kaw na bai nhtang wa ai Shawlumon a shangun ma ni a amyu lakung ni: Sotai, Hasohperet, Peruda, Yala, Darkon, Gidela, Shehpatia, Hatila, Pohkerit, Hazebim hte Ami ni rai nga ai.

⁵⁸ Bawng dung ai kaw nna nhtang wa ai Nawku Htingnu amu galaw masha ni a amyu matu ni hte Shawlumon a shangun ma ni yawng hte marai 392 rai nga ai.

^59-60 Bai Tela Mela, Tela Harsha, Hkeruba, Adan hte Imera kahtawng ni kaw nna nhtang wa ai Delaia, Tobia hte Nekoda amyu lakung hte seng ai ni 652 hte rai nga ma tim, shanhte gaw Israela amyu matu ni rai nga ma ai hpe tup hkrak sakse n madun lu nga ai.

^61-62 Ndai Habaia, Hakoza hte Barazilai hkinjawng lakung lama ni a kaji kawa ni a labau hpe n gawn da lu nga ai. (Barazilai hkinjawng lakung lama ni a kaji kawa gaw Gilead mung na Barazilai amyu lakung na numsha langai hkungran la wu ai majaw shi katsa a amyu lakung mying hta hkan mying wu ai.) Shanhte a kaji kawa ni kadai rai nga ma ai hpe n gawn lu nga ai majaw shanhte hpe hkinjawng hku n hkap jashawn la lu nga ai.

⁶³ Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha hpe shanhte n sha lu na lam, Yuda munggyi shanhte hpe hkang da wu ai.

^64-67 Bai nhtang wa lu sai bawng dung masha ni yawng 42,360 rai nga ai. Shanhte a shangun ma lasha, numsha ni - 7,337 Mahkawn mangoi chye ai numsha, lasha ni - 200 Gumra ni - 736 Lawze ni - 245 Gawla-uk ni - 435 Laugung ni - 6,720

⁶⁸ Ya bawng dung ai masha ni Yerusalem na dai Madu a Nawku Htingnu de du shang wa ma yang, amyu lakung ni a ningbaw nkau mi gaw mi na shara dingsa hta Nawku Htingnu bai gaw gap karum na matu, tinang jaw mayu ai hkungga ni sak jaw ma ai.

⁶⁹ Shanhte gaw dai amu a matu dang lu ai made shaw mu ai rai nna, aja pawng 1,030, gumhpraw pawng 5,740 hte hkinjawng ni a matu palawng galu 100 lu la nga ai.

⁷⁰ Hkinjawng ni, Lewi masha ni hte amyu masha nkau mi gaw Yerusalem mare hte grup yin hkan nga nga ma ai; mahkawn mangoi chye ai ni, Nawku Htingnu sin ai ni hte Nawku Htingnu amu galaw masha ni chyawm gaw mare kahtawng makau mayan hkan e nga ma ai; ngam ai Israela masha ni mahtang shanhte a kaji kawa ni nga ai mare ni hta nga nga ma ai.