EZRA 10 - Jinghpaw Common Language Bible 2009

Kayau Kaya Dinghku De Ai Hpe Jahtum Kau Na Yaw Shada lam

¹ Ezra gaw Nawku Htingnu ndaw e gum dagup let myi prwi pru nna dai yubak mara ni hpe yin la nhtawm akyu hpyi nga yang, Israela masha wunawng wuwa kaba rai nga ai numsha lasha ni hte ma kaji ni nye a grup grup hkan e sa hpawng nga let ahkup ahka nga hkra hkrap nga ma ai.

² Dai hpang Elam amyu lakung na Yehiela a kasha Shehkania gaw Ezra hpe, “Anhte gaw maigan numsha ni hpe hkungran la ai hte Karai Kasang hta kam sham nga ai lam hpe jahten sharun kau saga ai; rai ti mung Israela a matu myit mada shara naw nga nga ai.

³ Ya chyawm gaw, ndai numsha ni hte shanhte a kashu kasha ni hpe anhte kau tawn da na saga ai ngu, anhte a Karai Kasang hpe ga sadi langai shaka da lu na rai ga ai. Nang mung, Karai Kasang a hkang da ai ga ni hpe shagrau sha-a ai kaga masha ni mung, anhte galaw na matu hpaji jaw mi ai hte maren anhte galaw na ga ai. Karai Kasang hkang da ai Tara hte maren anhte galaw na ga ai.

⁴ Dai amu galaw na, na a lit rai nga ai. Anhte gaw na a hpang hkan ai ni rai nga ga ai, dai majaw nang shawng sa nhtawm dai amu hpe galaw u,” ngu nna tsun wu ai.

⁵ Dai rai nna, Shehkania hpaji jaw tang shawn ai hte maren, shanhte hkan galaw lu hkra nga, Ezra gaw hkinjawng ningbaw ni, Lewi masha ni hte ngam nga ai amyu masha ni hpe dagam shangun hpang wa wu ai.

⁶ Dai hpang shi gaw Nawku Htingnu ndaw kaw nna Eliashib a kasha Yehohanan a nga shara nta de shang sa nhtawm bawng lawt ai ni a n kam n sham ai a majaw dai yang e shana tup yawn madai let nga shalai kau wu ai. Shi gaw hpa mung n lu n sha rai nga ai.

⁷ Bawng dung ai kaw nna nhtang wa sai ni yawng gaw amyu masha ni a ningbaw ni hkang dat ai hte maren, Yerusalem mare e jawm hkrum na matu Yuda mung hte Yerusalem mare hproi hkra shiga shana dat mu ai.

⁸ Masum ya laman n du ai wa kadai hpe mung shi a sut gan yawng magawn la ai hkrum nna rau nga ai hpung kaw na shapraw kau hkrum na rai wu ai.

⁹ Masum ya laman ngu na shata jahku a hkun ya shani e, Yuda hte Benyamin lamu ga hta nga nga ai lasha ni yawng Yerusalem mare de sa nna, Nawku Htingnu a dam lada ai ndaw yang e zup hpawng ma ai. Shaloi, du hkra ladaw a majaw marang ja ja htu nga ai rai nna ahkyak ai zuphpawng hta shang lawm nga ai masha shagu hte wa gari ashun nga ma ai.

¹⁰ Hkinjawng Ezra rawt tsap nna shanhte hpe ga tsun wu ai. Shi gaw, “Nanhte gaw n kam n sham manit dai hte maigan numsha ni hpe hkungran la let Israela hta mara dun shakap da nga manit dai.

¹¹ Dai re ai majaw, dai Madu nanhte a kaji kawa ni a Karai Kasang hta nanhte a yubak mara ni hpe yin la nna, shi sharawng awng ai amu hkan galaw nga mu. Anhte a mungdan hta nga nga ai maigan masha ni hte nanhte kaga san san rai nga nna nanhte a maigan madu jan ni hpe yeng seng kau mu,” ngu nna tsun wu ai.

¹² Dai amyu masha ni gaw jahtau let, “Nang tsun ai hte maren, anhte galaw na ga ai,” ngu nna htan mu ai.

¹³ Rai ti mung shanhte chyawm gaw, “Shawa hpawng nau wa chyat ai hte marang mung laja lana htu nga ai. Ndai zawn rai nna shinggan e anhte n tsap lu ga ai. Anhte law law wa ndai yubak mara shut hpyit ai hta lawm nga ga ai majaw, dai amu gaw langai ya, lahkawng ya hte sha ngut wa lu na n rai.

¹⁴ Anhte a du salang ni hpe Yerusalem e nga shangun nhtawm ndai amu ni hpe hparan shangun mi. Shaloi maigan num lu ai wa kadai mung madat da ai aten hta ningbaw ni hte mare tara agyi ni hte rau sa du shangun mu. Ndai lam a majaw, Karai Kasang a masin pawt ai gaw kawp mat wa na ra ai.

¹⁵ Meshulam hte Lewi masha Shabehtai yan a madi shadaw ai hpe hkam la lu ai Asahela a kasha Yonahtan hte Tikwa a kasha Yazeia yan hta lai nna kaga kadai mung dai zawn yaw shada ai amu hpe ningdang nga ai n rai.

¹⁶ Bawng dung ai kaw nna nhtang wa sai ni mung dai yaw shada lam hpe hkap la shajang nga ma ai rai nna, hkinjawng Ezra gaw amyu lakung ningbaw ni kaw na lasha ni hpe san tawn nhtawm shanhte a mying ni hpe ka matsing da wu ai. Shing rai shata shi a shawng shani e, shanhte sawk sagawn hpang wa ma ai rai yang,

¹⁷ shata masum laman hta maigan num lu ai lasha ni yawng a amu ni hpe shanhte sawk sagawn la lu ma ai.

Maigan Madu Jan Lu Ai Lasha Ni

¹⁸ Ndai gaw maigan madu jan lu ai lasha ni a jahpan rai nga ai: Yehozadak a shadang sha ni rai nga ai Yawshu hte shi a kahpu kanau ni a lakung: Masea, Elieza, Yarib hte Gedalia hte rai ma ai.

Hkinjawng ni, amyu lakung hku hkan nna jahpan la ai:

¹⁹ Shanhte gaw shanhte a madu jan ni hpe jahka kau na nga ga sadi jaw ma ai, shanhte shut kau ai yubak mara a matu sagu la langai mi shagu hkungga shatai let nawng ya ma ai.

²⁰ Imera amyu lakung na: Hanani hte Zebadia

²¹ Harim amyu lakung na: Masea, Elia, Shemaia, Yehiela hte Uzia.

²² Pashura amyu lakung hta na: Elioenai, Masea, Ishmaela, Nehtanela, Yozabad hte Elasa hte rai ma ai. Yozabad, Shime, Kelaia (Kelita mung ngu ai), Pehtahia, Yuda, hte Elieza hte rai ma ai. Eliashib Shalum, Telem hte Uri Parosha amyu lakung: Ramia, Izia, Malhkiya, Miyamin, Eleaza, Malhkiya hte Benaia hte rai ma ai.

Lewi masha ni Mahkawn mangoi chye ai ni Nawku Htingnu sin langa ni Kaga ni

²⁶ Elam a lakung: Matania, Zehkaria, Yehiela, Abdi, Yeremot, hte Elia ni rai nga ai.

²⁷ Zatu a amyu lakung: Elioenai, Eliashib, Matania, Yeremot, Zabad, hte Aziza hte rai ma ai.

²⁸ Bebai amyu lakung hta na: Yehohanan, Hanania, Zabai hte Atlai hte rai ma ai.

²⁹ Bani amyu lakung hta na: Meshulam, Maluk, Adaia, Yashub, Sheala hte Yeremot hte rai nga ai.

³⁰ Pahat Moba amyu lakung hta na: Adna, Hkelala, Benaia, Masea, Matania, Bezalela, Benui hte Manashe hte rai ma ai.

^31-32 Harim amyu lakung hta na: Eleize, Ishiya, Malhkiya, Shemaia, Shimeon, Benyamin, Maluk hte Shemaria hte rai nga ai.

³³ Hashum amyu lakung hta na: Matenai, Matata, Zabad, Elihpelet, Yeremai, Manashe hte Shime ni rai nga ai.

^34-37 Bani amyu lakung hta na: Madai, Amram, Uela, Benaia, Bedia, Hkeluhi, Wania, Meremot, Eliashib, Matania, Matenai hte Yasu hte rai nga ai.

^38-42 Binui a amyu lakung hta na: Shime, Shelemia, Nahtan, Adaia, Maknadebai, Shashai, Sharai, Azarela, Shelemia, Shemaria, Shalum, Amaria hte Yosep hte rai ma ai.

⁴³ Nebo a amyu lakung hta na: Yeiela, Matihtia, Zabad, Zebina, Yadai, Yoela, hte Benaia hte rai ma ai.

⁴⁴ Ndai lasha ni yawng gaw maigan num lu shajang ma ai. Shanhte gaw dai ni yawng hpe jahka kau nhtawm shanhte hte shanhte a kashu kasha ni hpe wa kau shangun ma ai.