JABUR 54 - Kitab Sutji

MASMUR 54 Pandonga ing sajrone adu-arep karo mungsuh 54:1-9

¹ Kanggo lurah pasindhen. Binarung ing swaraning clempung. Kidung piwulange Prabu Dawud,

² rikala wong ing Zifi padha seba marang ing ngarsane Prabu Saul lan munjuk: “Dawud ndhelik wonten ing panggenan kawula.”

³ Dhuh Allah, Paduka mugi karsaa mitulungi kawula margi saking asma Paduka, kawula mugi Paduka paringi kaadilan margi saking kasantosan Paduka.

⁴ Dhuh Allah, Paduka karsaa miyarsakaken pandonga kawula, sarta mugi karsaa nilingaken unjukipun cangkem kawula.

⁵ Awit wonten tiyang kumingsun ingkang sami nglawan kawula; tiyang ingkang gumunggung sami ngangkah nyawa kawula; tiyang-tiyang wau sami boten maelu dhateng Gusti Allah. (Selah)

⁶ Satemene Gusti Allah iku kang mitulungi aku; Pangeran iku kang ngemong uripku.

⁷ Pialane nampeka marang satru-satruku, mugi sami Paduka tumpes awit saking kasetyan Paduka.

⁸ Kawula badhe nyaosi kurban kanthi eklasing manah, dhuh Yehuwah, kawula badhe memuji asma Paduka, amargi asma Paduka punika sae.

⁹ Amargi Paduka ngluwari kawula saking sakathahing karibedan, saha mripat kawula nyawang dhateng mengsah kawula.