JABUR 128 - Kitab Sutji

MASMUR 128 Berkahing kulawarga 128:1-6

¹ Kidung jiyarah. Rahayu saben wong kang ngabekti marang Pangeran Yehuwah, sarta kang ngambah ing dalan pitedahe.

² Manawa kowe mangan wohing kangelane tanganmu, rahayu kowe lan becik kaananmu!

³ Rabimu bakal dadi kaya wit anggur kang subur ana ing jerone omahmu; lan anak-anakmu kaya trubusaning wit jaitun kang ngupengi mejamu.

⁴ Lah kaya mangkono anggone bakal kaberkahan wong lanang kang ngabekti marang Pangeran Yehuwah.

⁵ Sang Yehuwah muga mberkahana kowe saka ing Sion, sarta kowe muga menangana karaharjane Yerusalem sajegmu urip,

⁶ sarta muga menangana anak-anake anak-anakmu! Tentrem rahayu anaa ing Israel!