JABUR 113 - Kitab Sutji

MASMUR 113 Pangeran Yehuwah njunjung wong asor 113:1-9

¹ Haleluya! He para abdining Pangeran Yehuwah, padha saosa puji, padha saosa puji marang asmaning Sang Yehuwah.

² Asmaning Sang Yehuwah kasuwurna, ing saiki lan ing salawase.

³ Asmaning Sang Yehuwah pinuji-pujia saka papan pletheking srengenge nganti tekan ing papan surupe;

⁴ Pangeran Yehuwah iku luhur ngungkuli sakehe para bangsa, kamulyane ngungkuli langit.

⁵ Sapa kang kaya Pangeran Yehuwah, Allah kita, kang dedalem ing ngaluhur,

⁶ kang ngesorake sarira prelu nguningani, swarga lan bumi?

⁷ Wong asor dijunjung saka ing lebu lan wong mlarat dientas saka ing blethokan,

⁸ kalungguhake awor lan para panggedhe, awor lan para panggedhe bangsane.

⁹ Wong kang gabug dilungguhake ing omah, dadi ibune bocah-bocah, mulane kebak kabungahan. Haleluya!