AYUB 25 - Kitab Sutji

Wangsulane Bildad, ora ana wong tanpa kaluputan ing ngarsane Gusti Allah 25:1-6

¹ Bildad, wong Suah mangsuli calathune:

² “Pangwasa lan kaanan kang nggegirisi iku ana ing Panjenengane, kang nitahake karukunan ana ing ngaluhur.

³ Wadya-balane apa ana kang bisa ngetung? Lan sapa kang ora kasunaran ing pepadhange?

⁴ Manungsa kapriye anggone bisa bener ana ing ngarsaning Allah? Tuwin kang lair saka wong wadon kapriye anggone suci?

⁵ Lah ta, sanadyan rembulan iya ora padhang, sarta lintang-lintang uga ora resik ana ing ngarsane.

⁶ Apa maneh manungsa kang prasasat eset, anake manungsa kang prasasat singgat!”