aYakub 4 - Izere New Testament

No̱o̱k yin Adakunom ace yin.

¹ Akye̱ ne be̱s be kuren, be riwo̱ng nanu kaye̱e̱r yin e̱? I be̱s kamok ike̱re̱ yin ta shim yin iya i ta nye itso̱m kaye̱e̱r aye̱ yin aꞌa?

² yin shim yin ikeng ikak amma i se̱ yin baꞌ, yin fe̱s ne shim yin ike̱re̱ ikak dide̱ng, amma yin ta kyem se̱ yin ikeng iya yin ta shim yin baꞌ. Yin ras yin riwo̱ng ne ko̱ro̱ng yin, yin se̱ yin baꞌ, kamok yin ta rip yin Adakunom baꞌ.

³ Izen iya yin rip yin i se̱ yin baꞌ, kamok yin rip yin be amaan kuto̱ro̱ng nong ta wei yin ikeng iya yin ta se̱ yin nike̱re̱ rice yin.

⁴ yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

⁵ Ke yin di yin ye Kufumung Adakunom fe̱ tsek ye Kabik wu ta sak ka ta sor kaye̱e̱r yir, be rishishim dide̱ng a?

⁶ Amma a ti barang ku ni nye yir ritek, kamok anong ne rife̱ Adakunom fe̱ ye, “Adakunom shim afe kuka baꞌ, amma a nye afe a ta mees rice ba ritek.”

⁷ No̱o̱k yin Adakunom rice yin, kam yin be Ishetan nong wu ta kam be yin.

⁸ Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

⁹ Nye yin riyo̱m ne daam yin, tus yin, shishing rimanang yin ri tu te riyo̱m, riye̱ rikan yin tu te riye̱ riwe.

¹⁰ Mees yin rice yin nasho̱o̱n Kunom Wu ta ka tiyiik yin.

¹¹ Ároneng, tu fe̱ amaan ikeng natoon áfudang wan baꞌ, koangan ne a ti fe̱ amaan ikeng natoon aronyining wu, ka a tu to̱ amok ayi, i nye a ti fe̱ amaan ikeng natoon rife̱ Adakunom ne a ni to̱ amok natoon'e. Ke wan to̱ itsi amok, i nye ye wan kuus itsi'me baꞌ.

¹² Adakunom tsek ne a nye afe kuno̱o̱k itsi be kuto̱ amok. Wu ne a kyem a shesh ne a fe̱r. Amma wan nye angan tana to̱ aner agbak wan amok e̱?

missing section head

¹³ Kyo̱o̱rna wesek yin kuto, yin áfe i ta fe̱ yin ye, “Katuur ka natson yir ta tseng yir na agbang kuwo̱p kuyu ka kukya nong ta se nye yir riye̱ rizining azong ta ya yir kasho̱o̱n be rijik ne i se yir itso̱m.”

¹⁴ Sang yin ren yin ikeng i tana nye natson gum baꞌ, kutser yin se ane̱ e̱? Yin se yin kyo̱ndi ishiko̱o̱r na ta wuruk nizen cie̱k ni na bun na wei.

¹⁵ Gye̱r ke yin fe̱ yin ye, “Ke Adakunom shim, yir ta sor yir ne i nye yir iyu be ikya.”

¹⁶ Kyo̱ndi i ta se, yin nye yin kuka ne i kok yin rice naza, Cice̱r iriri kuka nye imaan'e.

¹⁷ Koangan afe a ta ren ikeng itek i ta se gye̱r ke a nye, a ra nye ba, i sor rine̱n.