ทิ​ตัด 3 - ฉบับอักษรลาว

ກີ​ຕູ່ ມ່ຽນ ອ໋ອຍ ຕສຸ ຮນັ້ງ ຫາຍ ນໍ ຢຽມ

¹ ອ໋ອຍ ຕສຸ ເຖງ ສຽນ ເຢ​ຊູ ເຍີຍ ມ່ຽນ ຈັ໋ງ ຈ໊ຽນ. ນິ່ນ ບົວ ອ໋ອຍ ຕສຸ ບົວະ ຮູ່ງ ຈາ ຈຽນ-ໂຟ້ວ ກຸ໊ນ. ອ໋ອຍ ຕສຸ ເອີຍ ຈ໊ຽນ ນິ່ນ ບົວ ເຍີຍ ຫວ່າ ໂຕສ໋ວ ຢ່າ ຫລິ່ວ ເລີ໌ຍ ຕສຢັ໋ງ ໂຕສ໋ວ ຫຍູ່ງໆ ຄູ້ ສີ່.

² ອ໋ອຍ ຕສຸ ບົ໋ວ ມ່ຽນ ໄມ້ ຕູ໋ງ ກ໊ອງ ໂຕະ ຫາຍ ເຕົ້າ, ໄມ້ ຕູ໋ງ ເຫງ ແດສງ ຈ໋າ. ອ໋ອຍ ຕສຸ ຮໍ່ ນໍ່ ເຍີຍ, ຢ່າ ເຖສົາ ມ່ຽນ ສ່ວນ ຕສີ້ງ ສ່ວນ ເອີ໋ຍ ເຍີຍ ຢຽມ.

³ ຕສິ້ນ ດ່າງ ບົວ ກັ້ນ ຢ່າ ຫຮງົງ, ໄມ້ ໝວັງ ຫວ່າ, ຕສຸ ດົ໊ວ ຢ່າ ຕສຸ ໂຮຍ້ວ ຫັ່ນ ໂຕສ໋ວ ເຍີຍ ຫຍູ່ງໆ ສີ່ ເຖສົາ ເສີຍ ຕສັ່ງ ເຍີຍ ອຈຽນ-ໂຢ້ວ ກຸ໊ນ ຈ໊ຽນ ບົວ. ບົວ ຢ່າ ຢຽມ ເສີຍ ຕສັ່ງ ໂຕສ໋ວ ຫວ່າຍ ສີ່ ປຸນ ມ່ຽນ, ຫັ່ນ ມ່ຽນ, ດສອງ ມ່ຽນ, ຢ່າ ຕສຸ ມ່ຽນ ດສອງ ບົວ.

⁴ ມປ່າ ບົວ ເຍີຍ ໂອຈ໋ວ ຕສ໊ຽວ ທິນ-ຮູ່ງ ປຸນ ທສີງ ນິ່ນ ໂຕສ໋ວ ຫລົງ ຢ່າ ຮນ້ຳ ມ່ຽນ ວົ້ວ ຕສັ່ນ,

⁵ ນິ່ນ ໂອຈ໋ວ ບົວ. ເຊ ໄມ້ ເຕສີ໌ຍ ເຫວີ່ຍ ບົວ ໂຕສ໋ວ ເຍີຍ ຫາຍ ຫຍູ່ງ ຄູ້ ສີ່, ເຊ ເຫວີ່ຍ ທິນ-ຮູ່ງ ກັ້ນ ຄໍ້-ລ່ຽນ ບົວ. ນິ່ນ ຫລົ່ງ ສີງ ລີ່ງ ດສ໋າວ ບົວ, ປຸນ ບົວ ຊຢັງ-ຢູ໌ງ ເຈ໋ຍ.

⁶ ທິນ-ຮູ່ງ ຢ່າ ຫລົ່ງ ບົວ ເຍີຍ ໂອຈ໋ວ ຕສ໊ຽວ ເຢ​ຊູ ກີ​ຕູ່ ໂຕ໋ ສີງ ລີ່ງ ທສ້ຳໆ ເຍີຍ ປຸນ ບົວ,

⁷ ຕສ່ຽວ ປຸນ ບົວ ເຫວີ່ຍ ນິ່ນ ເຍີຍ ເອນ ໄຮ່ ຕຸ໊ ເຖສົາ ທິນ-ຮູ່ງ ຫອບ ໂຮຍ້ວ ຢ່າ ຕຸ໊ ຕສິ໊ບ ຢຽດ ລິ໌ວ ເຍີຍ ແໝ່ງ, ຕົ້ງ ບົວ ມ່າຍ ລ່ຳ ຮນ້ຳ ອ໋ອຍ ຕຸ໊ ເຍີຍ ແໝ່ງ.

⁸ ນ້າຍ ໂຈ໋ວ ຫວ່າ ຕສະເກ້ງ ຕສຽນ ເຍີຍ. ເຢຍ ອ໋ອຍ ເມີ່ຍ ເຮນ້ຍໆ ເຍີຍ ກ໊ອງ ນ້າຍ ເຕີ໋ຍ ສີ່ ເຫວີ່ຍ ປຸນ ສຽນ ເຂົາ ທິນ-ຮູ່ງ ເຍີຍ ມ່ຽນ ຈອມ ໂຮຍ້ວ ໂຕສ໋ວ ຄູ້ ສີ່. ນ້າຍ ເຕີ໋ຍ ສີ່ ເຊ ຫລົງ ເຍີຍ ຢ່າ ເຫວີ່ຍ ຕສວັ໋ງ ມ່ຽນ ມ່າຍ ລ່ຳ ຫລົ່ງ.

⁹ ມປ່າ ອ໋ອຍ ຕສຸ ຊິ້ມ ອກອຍ, ໄມ້ ຕູ໋ງ ແດສງ ຫຮງົງ ໄຫ່ ເຍີຍ ສີ່, ໄຟ ອົງ-ຖາຍ ຕ່ອຍ ເຈ໋ຍ ຕ່ອຍ ເຍີຍ ບົ໋ວ. ຢ່າ ໄມ້ ຕູ໋ງ ຕະເຮົ້າ, ໄມ້ ຕູ໋ງ ແດສງ ເລີ໌ຍ-ຫລັດ ເຍີຍ ສີ່, ເຫວີ່ຍ ຕສຸ ນ້າຍ ເຕີ໋ຍ ສີ່ ໄມ້ ລ່ຳ ຫລົ່ງ, ເຖງ ໄມ້ ຕຸ໊ ຫາຍ ເຕົ້າ.

¹⁰ ຫາຍ ເຕົ້າ ເຖສວ ຫລຸ່ນ ໂຕສ໋ວ ປຸນ ຈິວ-ປາງ ປຸນ ອກອຍ, ອ໋ອຍ ຕສຸ ຂວິນ ຢຽດ ດສຸ່ນ ອີ ດສຸ່ນ ລິ໌ວ, ອກະຮ້າ ໄມ້ ຕູ໋ງ ມີ່ງ ທສ້ອຍ ນິ່ນ ອ໊ະ.

¹¹ ເຫວີ່ຍ ຕສຸ ເມີ່ຍ ບົວ ຮິ້ວ ຕຸ໊ ນ້າຍ ຫຍູ່ງ ມ່ຽນ ເຊ ຫວ່າຍ ເດສ່ງ ໝີ່ ອ໊ະ. ນິ່ນ ເຍີຍ ຕສຸ໌ຍ ປິ໋ວ ເມ່ງ ນິ່ນ ເຊ ຕ່ອງ.

ເຊດ ເມວີ໌ຍ ຫວ່າ

¹² ເຢຍ ພ້າຍ ອານ​ເທ​ມາດ ໄຟ ທີ​ຄິ​ກັດ ມີ່ງ ເມີ່ຍ ໜ່າຍ ວົ້ວ ຕສັ່ນ, ເມີ່ຍ ອ໋ອຍ ຕສຸ ກ໊ານ ມີ່ງ ນິ​ໂຄ​ບຸ​ລີ ມູ້ງ ເຖສົາ ເຢຍ ກັ໊ບ ຕ່ອຍ, ເຫວີ່ຍ ຕສຸ ເຢຍ ຕີ່ງ ຢຽມ ໜ່າຍ ເຈ໋ຍ ຕົງ-ເກນ ຮນອຍ.

¹³ ຢ່າ ອ໋ອຍ ຕສຸ ຫລົ່ງ ໂຮຍ້ວ ເຖງ ແຖສງ ສີ່ ມ່ຽນ, ເສ​ນາດ, ເຖສົາ ອາ​ປໍ​ໂລ ທສວດ ເຈົ໊າ. ໄມ້ ຕູ໋ງ ປຸນ ນິ່ນ ບົວ ທສາ ນິ່ນ ບົວ ຖຈຽມ ຫລົ່ງ ເຍີຍ ຫາຍ ຫຍູ່ງ.

¹⁴ ອ໋ອຍ ຕສຸ ບົ໋ວ ບົວ ເຍີຍ ມ່ຽນ ໂຫະ ຫລົ່ງ ນິ່ນ ບົວ ເຍີຍ ຕສຢັ້ງ ໂຫ່ ໂຕສ໋ວ ຫລົງ ເຍີຍ ສີ່, ເຫວີ່ຍ ຕຸ໊ ຮນອຍໆ ຖຈຽມ ຫລົ່ງ ເຍີຍ ກະນ້າຍ. ໄມ້ ອ໋ອຍ ນິ່ນ ບົວ ຢຽມ ເສີຍ ຕສັ່ງ ໂຕສ໋ວ ໄມ້ ທສວດ ຫາຍ ຫຍູ່ງ.

¹⁵ ເຖສົາ ເຢຍ ຢຽມ ນ້າຍ ເຍີຍ ຕສວັ໋ງ ມ່ຽນ ຈັ໋ງ ເຖົາ ເມີ່ຍ. ແອ໋ງ ບົ໋ວ ຕົ້ງ ຮນ້ຳ ເຢຍ ບົວ, ເຖສົາ ເຢຍ ບົວ ລົ່ມ ດສ້ອຍ ສຽນ ເຢ​ຊູ ວົ້ວ ເຕີ໋ຍ, ເຢຍ ບົວ ຈັ໋ງ ເຖົາ ນິ່ນ ບົວ. ໂທ້ ທິນ-ຮູ່ງ ເຖສີຍ ເອນ ປຸນ ເມີ່ຍ ບົວ ຕສວັ໋ງ ມ່ຽນ.