หล่าว ย่าง 2 - ฉบับอักษรลาว

ເຟ້ຍ ປຸນ ເອ​ເຟ​ໂຊ ຈິວ-ປາງ ເຍີຍ ຝຽນ

¹ “ເມີ່ຍ ອ໋ອຍ ຕສຸ ເຟ້ຍ ຝຽນ ປຸນ ເອ​ເຟ​ໂຊ ຈິວ-ປາງ ເຍີຍ ຟິນ-ມ່ຽນ ບົ໋ວ ນິ່ນ, ‘ນ້າຍ ເຊ ບຢ່າວ ເຈັ໊ຍ ປົ໌ວ ນັ້ນ ຈ໊ຽນ ເສ່ຍ ນອມ ເຫຮລີຍ ຢ່າ ຢຽມ ເສ່ຍ ນອມ ຕົນ ຕັງ ເຍີຍ ຈຽມ-ຈ໋າ ບຸດົ໋ງ ຢັ້ງ ມີ່ງ ຢັ້ງ ຕ້າຍ ວົ້ວ ເຕົ້າ ຮນັ້ງ ນ້າຍ ນໍ ກ໊ອງ.

² ເຢຍ ຮິ້ວ ຕຸ໊ ເມີ່ຍ ໂຕສ໋ວ ເຍີຍ ສີ່. ຮິ້ວ ຕຸ໊ ເມີ່ຍ ໂຕສ໋ວ ກົງ ໂຄ້ວ ໄຫ່ ຢ່າ ຫລົ່ງ ໜ່ອຍ ເຕ໊ຍ. ເຢຍ ຢ່າ ຮິ້ວ ຕຸ໊ ເມີ່ຍ ຫຍ່າງ ໄມ້ ເອຈ່ຍ ມ່ຽນ ເອ໊າະ ມ່ຽນ. ເມີ່ຍ ຕສູ໊ງ ເສີຍ ເຈ໋ຍ ຕົ້ງ ເທສງ ກັ້ນ ໂຕສ໋ວ ກົງ-ໂຕສ້ ມປ່າ ໄມ້ ເຕສີ໌ຍ. ເມີ່ຍ ຢ່າ ເສີຍ ຕຸ໊ ທສວດ ນິ່ນ ບົວ ເຊ ຈ໊າ ເຍີຍ.

³ ເຢຍ ຮິ້ວ ຕຸ໊ ເມີ່ຍ ມ່າຍ ໜ່ອຍ ເຕ໊ຍ ຢ່າ ເຫວີ່ຍ ເຢຍ ເຍີຍ ບົ໋ວ ສ່ຽວ ໂຄ້ວ, ເມີ່ຍ ຢ່າ ໄມ້ ເຊວີຍ.

⁴ ‘ມປ່າ ເຢຍ ມ່າຍ ຢຽດ ຕິ່ວ ອ໋ອຍ ກ໊ອງ ເມີ່ຍ. ເຊ ເມີ່ຍ ອີ້ ຕສັ່ນ ໄມ້ ຮນ້ຳ ເຢຍ ຮນັ້ງ ຕ້າວ ຕັ້ງ ວົ້ວ ນໍ ຮນ້ຳ.

⁵ ຮນ້ຳ ໝັ່ງ ກ໋າ, ຕ້າວ ຕັ້ງ ເມີ່ຍ ຮນ້ຳ ເຢຍ ມປ່າ ອີ້ ຕສັ່ນ ດ໊ອດ ດົ່ງ ຫາຍ ໂກ! ອ໋ອຍ ຕສຸ ກ໊ອຍ ໂຮຍ້ວ ດສ໋ວນ ໂຕສ໋ວ ຮນັ້ງ ຕ້າວ ຕັ້ງ ວົ້ວ ນໍ. ເຊ ກ໊ອງ ເມີ່ຍ ໄມ້ ກ໊ອຍ ໂຮຍ້ວ, ເຢຍ ອ໋ອຍ ມີ່ງ ເມີ່ຍ ໜ່າຍ ແອ໋ງ ເຕສ໊າະ ອກອຍ ເມີ່ຍ ເຍີຍ ຕັງ-ຈ໋າ.

⁶ ມປ່າ ເມີ່ຍ ມ່າຍ ຕິ່ວ ຫລົງ ເຍີຍ. ເມີ່ຍ ດສອງ ນີ​ໂຄ​ເລົາ ວົ້ວ ເຈົ໊າ ມ່ຽນ ໂຕສ໋ວ ເຍີຍ ສີ່ ຮນັ້ງ ເຢຍ ດສອງ ວົ້ວ ນໍ.

⁷ ‘ຫາຍ ເຕົ້າ ມ່າຍ ມນ່ອມ ອ໋ອຍ ຕສຸ ແປງ ມນ່ອມ ໝວັງ ຫລົງ ສີງ ລີ່ງ ຮນັ້ງ ຫາຍ ນໍ ບົ໋ວ ຕສວັ໋ງ ຈິວ-ປາງ. ຫາຍ ເຕົ້າ ຕຸ໊ ຮີ່ງ ເຈ໋ຍ ນໍ, ເຢຍ ອ໋ອຍ ປຸນ ມ່າຍ ເລີ໌ຍ ຫຍັ່ນ ຢຽມ ທິນ-ຮູ່ງ ເຍີຍ ຫຮວີງ ກະຍົ໌ວ ວົ້ວ ຕສູ້ງ ຕສຢັ້ງ ແໝ່ງ ດຢັ໋ງ ເຍີຍ ປ໊ຽວ.’

ເຟ້ຍ ປຸນ ສະ​ເມ​ນາ ຈິວ-ປາງ ເຍີຍ ຝຽນ

⁸ “ເມີ່ຍ ອ໋ອຍ ຕສຸ ເຟ້ຍ ຝຽນ ປຸນ ສະ​ເມ​ນາ ຈິວ-ປາງ ເຍີຍ ຟິນ-ມ່ຽນ, ບົ໋ວ ນິ່ນ, ‘ໂຕສ໋ວ ກອນ ເຖສົາ ເຊດ ເມວີ໌ຍ, ໄຕ່ ມີ່ງ ແອ໋ງ ນັ່ງ ຕ້າຍ ວົ້ວ ເຕົ້າ ຮນັ້ງ ນ້າຍ ນໍ ກ໊ອງ,

⁹ ເຢຍ ຮິ້ວ ຕຸ໊ ເມີ່ຍ ເຍີຍ ໂຄ້ວ ໜ່ານ ຢ່າ ຮິ້ວ ຕຸ໊ ເມີ່ຍ ຈົ່ມ ໄຫ່ ມປ່າ ເມີ່ຍ ຕສະເກ້ງ ປຸ໊ດ ຕສ້ອຍ. ເຢຍ ຮິ້ວ ຕຸ໊ ເມີ່ຍ ຕສຸ ສ່ຽວ ມ່ຽນ ກ໊ອງ ໂຕະ. ກ໊ອງ ເມີ່ຍ ວົ້ວ ເຕີ໋ຍ ເຊ ເທສງ ກັ້ນ ໂຕສ໋ວ ຢິວ​ໄທ ມ່ຽນ ມປ່າ ໄມ້ ເຕສີ໌ຍ. ນິ່ນ ບົວ ໂຕສ໋ວ ຊາ​ຕານ ເຍີຍ ຫວຸ່ຍ ຮນັ້ງ.

¹⁰ ໄມ້ ຕູ໋ງ ກ້ຳ ເດສ໋ຍ ເມີ່ຍ ໄມ້ ເລົ່າ ອ໋ອຍ ຕສຸ ສ່ຽວ ເຍີຍ ໂຄ້ວ ໜ່ານ. ມ້ຽນ ເຍີຍ ຮູ່ງ ອ໋ອຍ ເຕສ໊າະ ເຕີ໋ຍ ເມີ່ຍ ບົວ ເຍີຍ ມ່ຽນ ຫວວນ ຈ໊ຽນ ໂລ່ ເສີຍ ເມີ່ຍ ບົວ. ເມີ່ຍ ບົວ ຕສ່ຽວ ສ່ຽວ ຕສຽບ ຮນອຍ ເຍີຍ ໂຄ້ວ ໜ່ານ. ມປ່າ ອ໋ອຍ ຕສຸ ສຽນ ວ້ວນ ເຖົາ ໄຕ່, ເຢຍ ຕສ່ຽວ ເຖສີຍ ຕສຢັ້ງ ແໝ່ງ ເຍີຍ ນີ້ງ ປຸນ ເມີ່ຍ.

¹¹ ‘ຫາຍ ເຕົ້າ ມ່າຍ ມນ່ອມ ອ໋ອຍ ຕສຸ ແປງ ມນ່ອມ ໝວັງ ຫລົງ ສີງ ລີ່ງ ຮນັ້ງ ຫາຍ ນໍ ບົ໋ວ ຕສວັ໋ງ ຈິວ-ປາງ. ຫາຍ ເຕົ້າ ຕຸ໊ ຮີ່ງ, ວົ້ວ ເຕົ້າ ຕສ່ຽວ ໄມ້ ຕສຸ ສ່ຽວ ຕະເຫຍີ່ຍ ດສຸ່ນ ໄຕ່ ເຍີຍ ໂຄ້ວ ໜ່ານ.’

ເຟ້ຍ ປຸນ ເປ​ກາ​ມຳ ຈິວ-ປາງ ເຍີຍ ຝຽນ

¹² “ເມີ່ຍ ອ໋ອຍ ຕສຸ ເຟ້ຍ ຝຽນ ປຸນ ເປ​ກາ​ມຳ ຈິວ-ປາງ ເຍີຍ ຟິນ-ມ່ຽນ, ບົ໋ວ ນິ່ນ, ‘ມ່າຍ ຕສູງ ອີ ແໝງ ໄຫລ່ ເຍີຍ ດສຸ ດ໊າວ ວົ້ວ ເຕົ້າ, ຮນັ້ງ ນ້າຍ ນໍ ກ໊ອງ,

¹³ ເຢຍ ຮິ້ວ ຕຸ໊ ເມີ່ຍ ຢຽມ ເຍີຍ ຕ໋ອງ, ເຊ ຊາ​ຕານ ເຍີຍ ເຫວີ່ຍ ຢຽມ ວົ້ວ ນອມ ຕ໋ອງ. ມປ່າ ເມີ່ຍ ເຂົາ ວ້ວນ ເຢຍ ເຍີຍ ເມ່ງ ຢ່າ ໄມ້ ກວັ່ງ ເຢຍ, ຖສໍ່ ສຽນ ເຢຍ, ໄມ້ ກຸ໊ນ ເຢຍ ເຍີຍ ຕສຽບ ຕສົ໊ວະ ເຍີຍ ຕສອງ-ເຕສ໋ງ ມ່ຽນ, ອັນ​ທິ​ປາດ, ຢຽມ ເມີ່ຍ ບົວ ບຸດົ໋ງ, ຕົ້ງ ຊາ​ຕານ ຢຽມ ເຍີຍ ຕ໋ອງ, ຕສຸ ໄຕ໋ ໄຕ່.

¹⁴ ‘ມປ່າ ມ່າຍ ເຕສ໋ຍ ຕິ່ວ ເຢຍ ອ໋ອຍ ກ໊ອງ ເມີ່ຍ. ຢຽມ ໜ່າຍ ມ່າຍ ເຕີ໋ຍ ມ່ຽນ ກັນ ບາ​ລາ​ອຳ ອຈ໋າວ ເຍີຍ ເລີ໌ຍ. ໂລ໌-ຮນອຍ ບາ​ລາ​ອຳ ອຈ໋າວ ບາ​ລາກ ຕໍ້ ອິ​ສະ​ລາ​ເອນ ມ່ຽນ ປ໌າມ ຕສຸ໌ຍ, ດົ໊ວ ນິ່ນ ບົວ ຫຍັ່ນ ເຕສ່ຍ ເຈ໋ຍ ປຸນ ໝິ່ວ-ຝັງ ເຍີຍ ກະນ້າຍ ຢ່າ ໂຕສ໋ວ ປວັ້ງ ລ່ຽວ ເຍີຍ ສີ່.

¹⁵ ຢຽມ ເມີ່ຍ ໜ່າຍ ຢ່າ ມ່າຍ ເຕີ໋ຍ ກັນ ນີ​ໂຄ​ເລົາ ວົ້ວ ເຈົ໊າ ມ່ຽນ ອຈ໋າວ ເຍີຍ ເລີ໌ຍ.

¹⁶ ຮນັ້ງ ໜ່າຍ, ອ໋ອຍ ຕສຸ ກ໊ອຍ ໂຮຍ້ວ ກວັ່ງ ຕສຸ໌ຍ. ໄມ້ ເຕສີຍ ແອ໊ະ, ເຢຍ ອ໋ອຍ ຊຽບໆ ເຍີຍ ມີ່ງ ເມີ່ຍ ໜ່າຍ ຫລົ່ງ ຢຽມ ເຢຍ ເຍີຍ ດສຸ້ຍ ທສວດ ວົ້ວ ຕສູງ ດສຸ ດ໊າວ ເຖສົາ ວົ້ວ ເຕີ໋ຍ ມ່ຽນ ເບ໊າະ ຈ໋າ.

¹⁷ ‘ຫາຍ ເຕົ້າ ມ່າຍ ມນ່ອມ ອ໋ອຍ ຕສຸ ແປງ ມນ່ອມ ໝວັງ ຫລົງ ສີງ ລີ່ງ ຮນັ້ງ ຫາຍ ນໍ ບົ໋ວ ຕສວັ໋ງ ຈິວ-ປາງ. ຫາຍ ເຕົ້າ ຕຸ໊ ຮີ່ງ ນໍ, ເຢຍ ອ໋ອຍ ເຕສ໊າະ ເຕີ໋ຍ ປີ໋ງ ຈ໊ຽນ ເຍີຍ ມາ​ນາ ປຸນ ນິ່ນ. ຢ່າ ອ໋ອຍ ປຸນ ນອມ ຫລະເປຢີ໊ຍ-ແປະ. ນ້າຍ ນອມ ຫລະເປຢີ໊ຍ ເຟ້ຍ ຈ໊ຽນ ຊຢັງ-ບົ໋ວ. ທສວດ ລິ໌ວ ຕຸ໊ ຕສິ໊ບ ຫລະເປຢີ໊ຍ ວົ້ວ ເຕົ້າ, ໄມ້ ມ່າຍ ຫາຍ ເຕົ້າ ຮິ້ວ ຕຸ໊ ວົ້ວ ນອມ ບົ໋ວ.’

ເຟ້ຍ ປຸນ ທິ​ຢາ​ທິ​ລາ ຈິວ-ປາງ ເຍີຍ ຝຽນ

¹⁸ “ເມີ່ຍ ອ໋ອຍ ຕສຸ ເຟ້ຍ ປຸນ ທິ​ຢາ​ທິ​ລາ ຈິວ-ປາງ ເຍີຍ ຟິນ-ມ່ຽນ, ບົ໋ວ ນິ່ນ, ‘ທິນ-ຮູ່ງ ເຍີຍ ຕອນ, ຕົ້ງ ມ່າຍ ມຕສີງ ຮນັ້ງ ໂຕ໌ວ-ບຽດ, ເຕສົ໋າ ຢ່າ ໂຢ່ວ! ໂຢ່ວ ຮນັ້ງ ສິນ ຕ້າຍ ເຍີຍ ຕົ້ງ ຊິ ວົ້ວ ເຕົ້າ, ຮນັ້ງ ນ້າຍ ນໍ ກ໊ອງ.

¹⁹ ເຢຍ ຮິ້ວ ຕຸ໊ ເມີ່ຍ ໂຕສ໋ວ ເຍີຍ ເຈົ໊າ. ເຢຍ ຮິ້ວ ຕຸ໊ ເມີ່ຍ ຮນ້ຳ ເຢຍ, ສຽນ ເຢຍ, ເມີ່ຍ ຟູ-ສູ ມ່ຽນ ຢ່າ ມ່າຍ ໜ່ອຍ ເຕ໊ຍ. ເຢຍ ຢ່າ ຮິ້ວ ຕຸ໊ ເມີ່ຍ ອີ້ ຕສັ່ນ ໂຕສ໋ວ ເຍີຍ ກົງ ເຊ ເກົ້າ ທສ້ຳ ຕ້າວ ຕັ້ງ ໂຕສ໋ວ ເຍີຍ.

²⁰ ‘ມປ່າ ມ່າຍ ຢຽດ ຕິ່ວ ເຢຍ ອ໋ອຍ ກ໊ອງ ເມີ່ຍ. ເມີ່ຍ ເຊວີ່ຍ ເທສງ ກັ້ນ ໂຕສ໋ວ ໂຕ່ວ ຫວ່າ ມ່ຽນ ວົ້ວ ເຕົ້າ ມເຊັຍ ຕອນ, ເຢ​ເຊ​ເບນ, ອຈ໋າວ ເຢຍ ເຍີຍ ໂປວ, ດົ໊ວ ນິ່ນ ບົວ ໂຕສ໋ວ ປວັ້ງ ລ່ຽວ ເຍີຍ ສີ່ ຢ່າ ຫຍັ່ນ ເຕສ່ຍ ເຈ໋ຍ ໝິ່ວ-ຝັງ ເຍີຍ ກະນ້າຍ.

²¹ ເຢຍ ປຸນ ຕສຢັ້ງ ໂຫ່ ເຢ​ເຊ​ເບນ ມ່າຍ ຖຈັງ ກ໊ອຍ ໂຮຍ້ວ ກວັ່ງ ຕສຸ໌ຍ ມປ່າ ນິ່ນ ໄມ້ ຄັ້ງ ກວັ່ງ ນິ່ນ ຫຮຢຽນ ເຍີຍ ເຈົ໊າ.

²² ໝັ່ງ ມ່າະ! ເຢຍ ອ໋ອຍ ເຕສ໊າະ ນິ່ນ ຕສົງ ເອຈ່ຍ ໂຖສວ ປຸ໊ດ ແປ່ງ ໂຄ້ວ. ເຊ ກ໊ອງ ຫຮຢຽນ ນິ່ນ ວົ້ວ ເຕີ໋ຍ ຢ່າ ໄມ້ ກ໊ອຍ ໂຮຍ້ວ ກວັ່ງ ນິ່ນ ບົວ ຫຮຢຽນ ນິ່ນ ເຍີຍ ສີ່, ເຢຍ ອ໋ອຍ ປຸນ ນິ່ນ ບົວ ສ່ຽວ ເຮນ້ຍ ໄຫ່ ເຍີຍ ໂຄ້ວ ໜ່ານ.

²³ ເຢຍ ຢ່າ ອ໋ອຍ ໄຕ໋ ເດສ່ງ ເຢ​ເຊ​ເບນ ເຍີຍ ຝຸຈ໊ວຍ. ຮນັ້ງ ໜ່າຍ ຕສວັ໋ງ ຈິວ-ປາງ ຕສ່ຽວ ຮິ້ວ ຕຸ໊ ເຢຍ ໂຕສ໋ວ ຕສ້າ ມ່ຽນ ເຍີຍ ໂຮຍ້ວ ເຖສົາ ມ່ຽນ ຮນ້ຳ ເຍີຍ ສີ່ ວົ້ວ ເຕົ້າ. ເອີຍ ເມີ່ຍ ບົວ ເກ໊າະ-ມ່ຽນ ໂຕສ໋ວ ເຍີຍ, ເຢຍ ຢ່າ ອ໋ອຍ ວິ່ນ ປຸນ ເມີ່ຍ ບົວ.

²⁴ ມປ່າ ຢຽມ ທິ​ຢາ​ທິ​ລາ ເຕສ່ງ ເອຈ່ຍ ວົ້ວ ເຕີ໋ຍ, ຕົ້ງ ໄມ້ ກັນ ນ້າຍ ຫຍູ່ງ ອຈ໋າວ ເຍີຍ ເອ໊າະ ເລີ໌ຍ, ຢ່າ ໄມ້ ໂຫະ ຕົ້ງ ມ່ຽນ ເຫ່ວ “ຊາ​ຕານ ປີ໋ງ ຈ໊ຽນ ໂດ ໄຫ່ ເຍີຍ ສີ່,” ເຢຍ ບົ໋ວ ເມີ່ຍ ບົວ, ເຢຍ ໄມ້ ຈາ ຫາຍ ຫຍູ່ງ ປຸນ ເມີ່ຍ ບົວ ດາມ.

²⁵ ມປ່າ ເມີ່ຍ ມ່າຍ ເຍີຍ ອ໋ອຍ ຕສຸ ໂກ໋ວ ຫລົງ ຕສົ໊ວ ເຖົາ ເຢຍ ແອ໋ງ ຕ້າຍ.

^26-27 ‘ຫາຍ ເຕົ້າ ຕຸ໊ ຮີ່ງ, ຢ່າ ເອີຍ ຈ໊ຽນ ເຢຍ ເຍີຍ ເອີ໋ຍ ໂຕສ໋ວ ເຖົາ ເຊດ ເມວີ໌ຍ, ເຢຍ ຕສ່ຽວ ປຸນ ວົ້ວ ເຕົ້າ ມ່າຍ ຫລີ່ງ ກຸ໊ນ ໝ່ານ ຝີງ, ຮນັ້ງ ເຢຍ ເຍີຍ ເຕຍ ປຸນ ຫລີ່ງ ເຢຍ ກຸ໊ນ ໝ່ານ ຝີງ. “ນິ່ນ ອ໋ອຍ ຫລົ່ງ ເຮລັຍ-ປຢ໊າ ກຸ໊ນ ໝ່ານ ຝີງ. ນິ່ນ ອ໋ອຍ ເບ໊າະ ນິ່ນ ບົວ ໝ່ວນ ເດສ່ງ ຮນັ້ງ ເບ໊າະ ເນຍ-ມໍ ໝ່ວນ ເດສ່ງ ວົ້ວ ນໍ.”

²⁸ ເຢຍ ຢ່າ ອ໋ອຍ ເຕສ໊າະ ຖາຍ-ແປະ ຟີງ ປຸນ ນິ່ນ.

²⁹ ‘ຫາຍ ເຕົ້າ ມ່າຍ ມນ່ອມ ອ໋ອຍ ຕສຸ ແປງ ມນ່ອມ ໝວັງ ຫລົງ ສີງ ລີ່ງ ຮນັ້ງ ຫາຍ ນໍ ບົ໋ວ ຕສວັ໋ງ ຈິວ-ປາງ.’