หล่าว ย่าง 13 - ฉบับอักษรลาว

ອີ ເຕົ້າ ເຮ່ຍ ກະນ້າຍ

¹ ເຢຍ ຕສ່ຽວ ປວັດ ເຕົ້າ ເຮ່ຍ ກະນ້າຍ ຢຽມ ວົ້ວ ຄ້ອຍ ທສວດ ຕ້າຍ. ວົ້ວ ເຕົ້າ ເຮ່ຍ ກະນ້າຍ ມ່າຍ ເສ່ຍ ນອມ ມອກ໊ອງ, ຕສຽບ ນອມ ຈອງ. ນອມໆ ຈອງ ດົ໋ງ ຈ໊ຽນ ນີ້ງ. ນອມໆ ມອກ໊ອງ ເຟ້ຍ ຈ໊ຽນ ຄີ ທິນ-ຮູ່ງ ເຍີຍ ບົ໋ວ.

² ເຢຍ ປວັດ ເຍີຍ ເຮ່ຍ ກະນ້າຍ ຝັງ ເຕສີ໊ຍ ຮນັ້ງ ດະມ່າວ ເບ໋ວ, ເຕສົ໋າ ຮນັ້ງ ຈ໊ຽບ ເຍີຍ ເຕສົ໋າ ນໍ, ດສຸ້ຍ ແປ໋ງ ຮນັ້ງ ຊ່ຽນ ເຍີຍ ດສຸ້ຍ ແປ໋ງ. ວົ້ວ ຕິ້ວ ຈູງ-ຮູ່ງ ຕສ່ຽວ ຈິວ ນິ່ນ ກັ້ນ ເຍີຍ ຫລີ່ງ ເຖສົາ ນິ່ນ ເຍີຍ ເຫວີ່ຍ ເຖສົາ ຕົ້ມ ຫັດ ມ໌າ ປຸນ ວົ້ວ ເຕົ້າ ເຮ່ຍ ກະນ້າຍ.

³ ເຮ່ຍ ກະນ້າຍ ເຍີຍ ເສ່ຍ ນອມ ມອກ໊ອງ ມ່າຍ ນອມ ປວັດ ຮນັ້ງ ຕສຸ ເຈ໋ຍ ຊຢັງ, ໄຮ່ ໄຕ່ ເຍີຍ, ມປ່າ ຕສຸ ມຸນ ເຍີຍ ຕ໋ອງ ຫລົງ ໝີ່ ອ໊ະ. ລູ່ງ ເດ໊ຍ ມ່ຽນ ບົວະ ຮ່ອງ ໄຫ່ ຕສ່ຽວ ກັນ ໜ່າຍ ເຕົ້າ ເຮ່ຍ ກະນ້າຍ.

⁴ ຕສວັ໋ງ ມ່ຽນ ປ໋າຍ ວົ້ວ ຕິ້ວ ຈູງ-ຮູ່ງ ເຫວີ່ຍ ຕສຸ ຈູງ-ຮູ່ງ ຈິວ ນິ່ນ ເຍີຍ ຫລີ່ງ ປຸນ ໜ່າຍ ເຕົ້າ ເຮ່ຍ ກະນ້າຍ. ນິ່ນ ບົວ ຢ່າ ປ໋າຍ ເຮ່ຍ ກະນ້າຍ ຕສ່ຽວ ກ໊ອງ, “ຫາຍ ເຕົ້າ ໄຮ່ ຮນັ້ງ ນ້າຍ ເຕົ້າ ເຮ່ຍ ກະນ້າຍ? ຫາຍ ເຕົ້າ ໄຮ່ ເຖສົາ ນິ່ນ ເບ໊າະ ຈ໋າ?”

⁵ ວົ້ວ ເຕົ້າ ເຮ່ຍ ກະນ້າຍ ຕຸ໊ ຕສິ໊ບ ດສຸ້ຍ ປູ໋ງ ຫວ່າ-ເໝົາ ຢ່າ ກ໊ອງ ຄີ ທິນ-ຮູ່ງ. ນິ່ນ ຢ່າ ຕຸ໊ ຫລີ່ງ ເຊວີ່ຍ ເອີ໋ຍ ໂຕສ໋ວ ເຝີຍ ຕສຽບ ເຫຍີ່ຍ ຫຮລາ ເຫຍັຍ.

⁶ ເຮ່ຍ ກະນ້າຍ ຕສ່ຽວ ອກອຍ ດສຸ້ຍ ກ໊ອງ ໂຕະ ຄີ ທິນ-ຮູ່ງ, ຄີ ທິນ-ຮູ່ງ ເຍີຍ ບົ໋ວ, ຄີ ທິນ-ຮູ່ງ ຢຽມ ເຍີຍ ຕ໋ອງ, ຢ່າ ຄີ ຢຽດ ຕສູ໊ງ ຢຽມ ທິນ-ຕ້ອງ ວົ້ວ ເຕີ໋ຍ.

⁷ ເຮ່ຍ ກະນ້າຍ ຢ່າ ຕຸ໊ ເຊວີ່ຍ ເອີ໋ຍ ເຖສົາ ທິນ-ຮູ່ງ ເຍີຍ ແປະ ຝີງ ເບ໊າະ ຈ໋າ ຢ່າ ຮີ່ງ ເຈ໋ຍ ນິ່ນ ບົວ. ນິ່ນ ຢ່າ ຕຸ໊ ຫລີ່ງ ກຸ໊ນ ໝ່ານ ກົ໊ວະ, ໝ່ານ ຝີງ, ໝ່ານ ຫຍູ່ງ ຫວ່າ ເຖສົາ ໝ່ານ ຫຍູ່ງ ມ່ຽນ.

⁸ ລູ່ງ ເດ໊ຍ ໝ່ານ ມ່ຽນ ຕສ່ຽວ ຕສັ່ງ ວົ້ວ ເຕົ້າ ເຮ່ຍ ກະນ້າຍ, ທສວດ ລິ໌ວ ມ່າຍ ບົ໋ວ ເຟ້ຍ ຈ໊ຽນ ຕສຢັ້ງ ແໝ່ງ ຕານ ວົ້ວ ເຕີ໋ຍ, ຕົ້ງ ຢຽມ ເຕສີ໋ຍ ລູ່ງ ເຕສີ໋ຍ ເດົາ ວົ້ວ ຕສັ່ນ ຕສຸ ໄຕ໋ ໄຕ່ ວົ້ວ ເຕົ້າ ປະກີ ຢູ້ງ ຕອນ ເຍີຍ ຕານ.

⁹ “ຫາຍ ເຕົ້າ ມ່າຍ ມນ່ອມ ອ໋ອຍ ຕສຸ ແປງ ມນ່ອມ ໝວັງ ຫລົງ.

¹⁰ ຫາຍ ເຕົ້າ ແໝ່ງ ຕ໋າຍ ຕສຸ ເຕສ໊າະ ຫວວນ ໂລ່, ວົ້ວ ເຕົ້າ ຕສະເກ້ງ ຕສຸ ເຕສ໊າະ ຫວວນ ໂລ່. ຫາຍ ເຕົ້າ ແໝ່ງ ຕ໋າຍ ຕສຸ ດສຸ ດ໊າວ ໄຕ໋ ໄຕ່, ວົ້ວ ເຕົ້າ ຕສະເກ້ງ ຕສຸ ດສຸ ດ໊າວ ໄຕ໋ ໄຕ່. ເຫວີ່ຍ ນ້າຍ ທິນ-ຮູ່ງ ເຍີຍ ມ່ຽນ ອ໋ອຍ ຕສຸ ມ່າຍ ໜ່ອຍ ເຕ໊ຍ ຢ່າ ຫລົງໆ ເຍີຍ ສຽນ ທິນ-ຮູ່ງ.”

¹¹ ເຢຍ ແອ໋ງ ປວັດ ເຕົ້າ ເຮ່ຍ ກະນ້າຍ ຢຽມ ເດົາ-ເດ໊ຍ ທສວດ ຕ້າຍ. ມ່າຍ ອີ ນອມ ຈອງ ຮນັ້ງ ປະກີ ຢູ້ງ ຕອນ ເຍີຍ ຈອງ ຢ່າ ກ໊ອງ ຫວ່າ ຮນັ້ງ ຈູງ-ຮູ່ງ ນໍ.

¹² ນ້າຍ ເຕົ້າ ເຮ່ຍ ກະນ້າຍ ຕຸ໊ ຕອງ ຈ໊ຽນ ຕະຢ໊ຽດ ເຕົ້າ ເຮ່ຍ ກະນ້າຍ ເຍີຍ ດສະຮມຽນ ຫລົ່ງ ເດສ່ງ ຕະຢ໊ຽດ ເຕົ້າ ເຍີຍ ຫລີ່ງ. ນິ່ນ ອ໊າບ ປ້າມ ເກນ ເຖສົາ ຢຽມ ປ້າມ ເກນ ເຍີຍ ມ່ຽນ ປ໋າຍ ຕະຢ໊ຽດ ເຕົ້າ ເຮ່ຍ ກະນ້າຍ, ຕົ້ງ ຕສຸ ເຈ໋ຍ ຊຢັງ ມປ່າ ຫລົງ ຕ້າຍ ວົ້ວ ເຕົ້າ.

¹³ ຕະເຫຍີ່ຍ ເຕົ້າ ເຮ່ຍ ກະນ້າຍ ໂຕສ໋ວ ຕົ້ມ ຈັ໋ງ-ໂຫ່, ຕສູ໊ງ ໂຕສ໋ວ ປຸນ ໂຕ໌ວ ຢຽມ ລູ່ງ ດ໊ອດ ເອຈ່ຍ ເດົາ ປຸນ ໝ່ານ ມ່ຽນ ປວັດ.

¹⁴ ນິ່ນ ຕຸ໊ ຢຽມ ຕະຢ໊ຽດ ເຕົ້າ ເຮ່ຍ ກະນ້າຍ ເຍີຍ ດສະຮມຽນ ໂຕສ໋ວ ບົວະ ຮ່ອງ ເຍີຍ ຈັ໋ງ-ໂຫ່ ຕສ່ຽວ ຫລົ່ງ ນ້າຍ ເຕີ໋ຍ ຈັ໋ງ-ໂຫ່ ດົ໊ວ ລູ່ງ ເດ໊ຍ ມ່ຽນ. ນິ່ນ ຢ່າ ຫັດ ຕສວັ໋ງ ມ່ຽນ ເຕສີ໋ຍ ນອມ ຝັງ ເຫວີ່ຍ ທ່າຍ ຕສຸ ດສຸ ດ໊າວ ຮງະ ເຈ໋ຍ ຊຢັງ ເຍີຍ ມປ່າ ໄມ້ ໄຕ່ ວົ້ວ ເຕົ້າ ເຮ່ຍ ກະນ້າຍ.

¹⁵ ຕະເຫຍີ່ຍ ເຕົ້າ ເຮ່ຍ ກະນ້າຍ ຢ່າ ຕຸ໊ ຫລີ່ງ ໄຮ່ ປຢົ໊ມ ເຖຈຍ ເປັຍ ຕະຢ໊ຽດ ເຕົ້າ ເຮ່ຍ ກະນ້າຍ ເຍີຍ ຝັງ. ຝັງ ຕສ່ຽວ ໄຮ່ ກ໊ອງ ຫວ່າ ຢ່າ ໄຮ່ ປຸນ ຢຽດ ຕສູ໊ງ ໄມ້ ປ໋າຍ ນິ່ນ ວົ້ວ ເຕີ໋ຍ ມ່ຽນ ຕສຸ ໄຕ໋ ໄຕ່.

¹⁶ ນິ່ນ ຢ່າ ອ໊າບ ມ່ຽນ, ໄມ້ ກຸ໊ນ ໂຮລ ໄຟ ໄຝ, ປຸ໊ດ ຕສ້ອຍ ໄຟ ຈົ່ມ, ໂຕສ໋ວ ໂນ່ວ ໄຟ ໄມ້ ໂຕສ໋ວ ໂນ່ວ ເຍີຍ, ຢຽດ ຕສູ໊ງ ອ໋ອຍ ຕສຸ ອກ໊າບ ຈ໊ຽນ ຢ໋ຽນ ຢຽມ ບຢ່າວ ເຈັ໊ຍ ປົ໌ວ ໄຟ ປຢ້ອງ.

¹⁷ ຮນັ້ງ ໜ່າຍ, ຫາຍ ເຕົ້າ ໄມ້ ຕຸ໊ ອກ໊າບ ຈ໊ຽນ ເຮ່ຍ ກະນ້າຍ ເຍີຍ ບົ໋ວ ເຍີຍ ຢ໋ຽນ ໄຟ ຕີ໊ ເຮ່ຍ ກະນ້າຍ ເຍີຍ ບົ໋ວ ວົ້ວ ເຕີ໋ຍ ດສັ່ງ, ວົ້ວ ເຕົ້າ ຕສ່ຽວ ໄມ້ ໄຮ່ ມ໌າຍ ໝ່າຍ.

¹⁸ ນ້າຍ ເຕີ໋ຍ ສີ່ ອ໋ອຍ ຕສຸ ຫລົ່ງ ທສົງ-ເມ່ງ. ຫາຍ ເຕົ້າ ໄກວ, ວົ້ວ ເຕົ້າ ໄຮ່ ຝຸນ ຕຸ໊ ທສວດ ເຮ່ຍ ກະນ້າຍ ເຍີຍ ບົ໋ວ ເຍີຍ ດສັ່ງ, ເຫວີ່ຍ ຕສຸ ເປ໋ນ ຢຽດ ເຕົ້າ ມ່ຽນ ເຍີຍ ບົ໋ວ ເຍີຍ ດສັ່ງ. ນ້າຍ ເຕົ້າ ມ່ຽນ ເຍີຍ ບົ໋ວ ເຍີຍ ດສັ່ງ ເຊ ຫລົວະ ແປ໊ະ ຫລົວະ ຕສຽບ ຫລົວະ.