สีง ฑูง 86 - ฉบับอักษรลาว

ສີງ ດສູງ 86

ປວັ້ງ ຕສຸ ສີ່ ເຕົ໋າ ເກົ໋າ ໂທ້ ທິນ-ຮູ່ງ ເຖງ

ດາ​ວິດ ເຕົ໋າ ເກົ໋າ ເຍີຍ ຫວ່າ.

¹ ໂອ ຕສ໊ຽວ ອ່າ, ໂທ້ ເມີ່ຍ ແປງ ມນ່ອມ ໝວັງ ເຢຍ ຢ່າ ເຕົາ ເຢຍ, ເຫວີ່ຍ ຕສຸ ເຢຍ ຈົ່ມ ຢ່າ ຕັ໋ງ-ຕົ໋ນ.

² ໂທ້ ເປວ ເຢຍ ເຍີຍ ແໝ່ງ ເຫວີ່ຍ ຕສຸ ເຢຍ ກັນ ຫລົງ ເມີ່ຍ. ໂທ້ ໂອຈ໋ວ ເຢຍ, ເມີ່ຍ ເຍີຍ ໂປວ. ເຢຍ ສຽນ ເຂົາ ເມີ່ຍ. ເມີ່ຍ ໂຕສ໋ວ ເຢຍ ເຍີຍ ທິນ-ຮູ່ງ.

³ ໂອ ຕສ໊ຽວ ອ່າ, ໂທ້ ຄໍ້-ລ່ຽນ ເຢຍ, ເຫວີ່ຍ ຕສຸ ເຢຍ ຕສຢັ້ງ ຮນອຍ ເຫ່ວ ຈ໊ຽນ ໂທ້ ເມີ່ຍ.

⁴ ໂອ ຕສ໊ຽວ ອ່າ, ໂທ້ ປຸນ ເຢຍ, ເມີ່ຍ ເຍີຍ ໂປວ, ເຍີຍ ໂຮຍ້ວ ມ່າຍ ອຈຽນ-ໂຢ້ວ, ເຫວີ່ຍ ຕສຸ ເຢຍ ເຍີຍ ໂຮຍ້ວ ເຂົາ ເມີ່ຍ ມ່າຍ ລ່ຳ ຮນ້ຳ ຕ໋ອງ.

⁵ ໂອ ຕສ໊ຽວ ອ່າ, ເມີ່ຍ ເຊ ຫລົງ ໄຫ່ ຢ່າ ມ່າຍ ໂຮຍ້ວ ກວັ່ງ ມ່ຽນ ເຍີຍ ຕສຸ໌ຍ. ເມີ່ຍ ຕສຽບ ຕສົ໊ວະ ເຍີຍ ຕສຽນໆ ຮນ້ຳ ຢຽດ ຕສູ໊ງ ເຫ່ວ ຈ໊ຽນ ໂຈ້ວ ເມີ່ຍ ເຍີຍ ມ່ຽນ.

⁶ ໂອ ຕສ໊ຽວ ອ່າ, ໂທ້ ແປງ ມນ່ອມ ໝວັງ ເຢຍ ເຕົ໋າ ເກົ໋າ ເຍີຍ ຫວ່າ. ໂທ້ ໝວັງ ໄຮ໌ ເຢຍ ທຈະ ເຫ່ວ ຈ໊ຽນ ໂຈ້ວ ເຍີຍ ຊີງ-ເຖຈຍ.

⁷ ປວັ້ງ ຕສຸ ໂຄ້ວ ໜ່ານ ເຍີຍ ຮນອຍ-ເຫຍັຍ ເຢຍ ເຫ່ວ ເມີ່ຍ, ເຫວີ່ຍ ຕສຸ ເມີ່ຍ ເຕົາ ເຢຍ.

⁸ ໂອ ຕສ໊ຽວ ອ່າ, ຢຽມ ຢຽດ ຕສູ໊ງ ຕສ້ຽນ ບຸດົ໋ງ, ໄມ້ ມ່າຍ ຫາຍ ເຕົ້າ ຮນັ້ງ ເມີ່ຍ. ເມີ່ຍ ໂຕສ໋ວ ເຍີຍ ກົງ, ໄມ້ ມ່າຍ ຫາຍ ຫຍູ່ງ ໄຮ່ ເປີ໊ຍ ຕຸ໊.

⁹ ໂອ ຕສ໊ຽວ ອ່າ, ເມີ່ຍ ເຕສີ໋ຍ ຕ້າຍ ເຍີຍ ໝ່ານ ກົ໊ວະ ໝ່ານ ຝີງ ອ໋ອຍ ຕ້າຍ ຢຽມ ເມີ່ຍ ເຍີຍ ດສະຮມຽນ ເກວີ່ຍ ເອຈ່ຍ ປ໋າຍ, ຢ່າ ອ໋ອຍ ເທສງ ເມີ່ຍ ເຍີຍ ເມ່ງ.

¹⁰ ເຫວີ່ຍ ຕສຸ ເມີ່ຍ ຕສະເກ້ງ ໂຮລ ໄຫ່ ຢ່າ ໂຕສ໋ວ ບົວະ ຮ່ອງ ເຍີຍ ສີ່. ຂູງ ເມີ່ຍ ກັ້ນ ເຊ ທິນ-ຮູ່ງ.

¹¹ ໂອ ຕສ໊ຽວ ອ່າ, ໂທ້ ເມີ່ຍ ອຈ໋າວ ເຢຍ ຮິ້ວ ຕຸ໊ ເມີ່ຍ ເຍີຍ ເຈົ໊າ ເຫວີ່ຍ ປຸນ ເຢຍ ໄຮ່ ເອີຍ ເມີ່ຍ ເຍີຍ ຕສຽນ ເລີ໌ຍ ຢັ້ງ. ໂທ້ ປຸນ ເຢຍ ຕສຸ໊ນ ຕີ່ງ ໂຮຍ້ວ, ເຫວີ່ຍ ທ່າຍ ເມີ່ຍ ເຍີຍ ບົ໋ວ.

¹² ໂອ ຕສ໊ຽວ, ເຢຍ ເຍີຍ ທິນ-ຮູ່ງ ອ່າ, ເຢຍ ຫລົ່ງ ເດສ່ງ ໂຮຍ້ວ ຕໍ-ເຕສ່ຍ ເມີ່ຍ. ເຢຍ ອ໋ອຍ ຢຽດ ລິ໌ວ ເທສງ ເມີ່ຍ ເຍີຍ ບົ໋ວ.

¹³ ເຫວີ່ຍ ຕສຸ ເມີ່ຍ ຕສຽບ ຕສົ໊ວະ ຮນ້ຳ ມ່ຽນ ເຍີຍ ໂຮຍ້ວ ເຊ ໂຮລ ໄຫ່. ເມີ່ຍ ຢ່າ ໂອຈ໋ວ ເຢຍ, ປຸນ ເຢຍ ໄມ້ ຕສຸ ມີ່ງ ຢ້ຽມ ເກນ, ໂດ ໄຫ່ ເຍີຍ ຕ໋ອງ.

¹⁴ ທິນ-ຮູ່ງ ອ່າ, ໂຕສ໋ວ ເໝົາ ເຍີຍ ມ່ຽນ ທສວດ ຕ້າຍ ອ໋ອຍ ຫ່ອຍ ເຢຍ. ມ່າຍ ກວັ້ນ ມ່ຽນ ໂຕະ ມ່ຽນ ອ໋ອຍ ເຕສ໊າະ ເຢຍ ເຍີຍ ແໝ່ງ. ນິ່ນ ບົວ ຢ່າ ໄມ້ ເຕສ໊າະ ເມີ່ຍ ອັນ ຈ໊ຽນ ນິ່ນ ບົວ ເຍີຍ ດສະຮມຽນ.

¹⁵ ມປ່າ ຕສ໊ຽວ ອ່າ, ເມີ່ຍ ເຊ ຄໍ້-ລ່ຽນ ມ່ຽນ, ເຖສີຍ ເອນ ປຸນ ມ່ຽນ ເຍີຍ ທິນ-ຮູ່ງ. ເມີ່ຍ ໄມ້ ເຖຈຍ ເຈ໌ຍ ຊຽບ, ມ່າຍ ໂຮຍ້ວ ຕສຽນໆ ຮນ້ຳ ມ່ຽນ, ຢ່າ ຕສຽບ ຕສົ໊ວະ ເຍີຍ.

¹⁶ ໂທ້ ຮວິນ ດສ໋ວນ ຄໍ້-ລ່ຽນ ເຢຍ, ໂທ້ ເຖສີຍ ເມີ່ຍ ເຍີຍ ທຈະ ປຸນ ເຢຍ, ເມີ່ຍ ເຍີຍ ໂປວ, ຢ່າ ໂອຈ໋ວ ເມີ່ຍ ເຍີຍ ມເຊັຍ ໂປວ ເຍີຍ ຕອນ.

¹⁷ ໂທ້ ປິ໋ວ ເມ່ງ ເມີ່ຍ ໂຕສ໋ວ ຫລົງ ເຫວີ່ຍ ປຸນ ດສອງ ເຢຍ ວົ້ວ ເຕີ໋ຍ ມ່ຽນ ປວັດ ຕສ່ຽວ ໄຍ້. ເຫວີ່ຍ ຕສຸ ຕສ໊ຽວ ອ່າ, ເມີ່ຍ ເຖງ ເຢຍ ຢ່າ ອອນ ເຢຍ ເຍີຍ ໂຮຍ້ວ.