สีง ฑูง 116 - ฉบับอักษรลาว

ສີງ ດສູງ 116

ເທສງ ຕສ໊ຽວ ເຫວີ່ຍ ຕສຸ ນິ່ນ ໂອຈ໋ວ ມ່ຽນ ເປຢົ໋າ ດຸ໊ດ ຕສຸ ໄຕ່ ເຍີຍ ເຈົ໊າ

¹ ເຢຍ ຮນ້ຳ ຕສ໊ຽວ ເຫວີ່ຍ ຕສຸ ນິ່ນ ໝວັງ ເຢຍ ເຍີຍ ເຖຈຍ ເຖສົາ ເຢຍ ໂຈ້ວ ເຍີຍ ຫວ່າ.

² ນິ່ນ ແປງ ມນ່ອມ ໝວັງ ເຢຍ, ເຢຍ ຕສ່ຽວ ຢຽດ ເສີຍ ໂຈ້ວ ນິ່ນ.

³ ຕສຸ ໄຕ່ ເຍີຍ ຮລາງ ແຕສງ ເວີ່ຍ ກ໋ອມ ເຢຍ. ຢ້ຽມ ເກນ ຕສຸ ໂຄ້ວ ເຍີຍ ເຈົ໊າ ເຕສ໊າະ ຈ໊ຽນ ເຢຍ. ເຢຍ ປວັ້ງ ຕສຸ ຕົ້ມ ໜ່ານ ຕສີ້ງ, ຕສຸ ເດສົ້າ ໂຄ້ວ.

⁴ ວົ້ວ ຕສັ່ນ ເຢຍ ເຫ່ວ ຕສ໊ຽວ ເຍີຍ ບົ໋ວ, “ໂອ ຕສ໊ຽວ ອ່າ, ໂທ້ ເມີ່ຍ ໂອຈ໋ວ ທສວດ ເຢຍ ເຍີຍ ແໝ່ງ.”

⁵ ຕສ໊ຽວ ມ່າຍ ເອນ-ຕສີ້ງ ຢ່າ ແປ້ງ ຟິມ ເຍີຍ. ເຢຍ ບົວ ເຍີຍ ທິນ-ຮູ່ງ ມ່າຍ ໂຮຍ້ວ ຄໍ້-ລ່ຽນ ມ່ຽນ.

⁶ ຕສ໊ຽວ ເປວ ຈ໊ຽນ ໄມ້ ຮິ້ວ ທສ້ຳ ເຍີຍ ມ່ຽນ. ເຢຍ ຕສຸ ໂຄ້ວ ໄຫ່ ເຍີຍ ຕສຢັ້ງ ໂຫ່ ນິ່ນ ໂອຈ໋ວ ເຢຍ.

⁷ ໂອ ເຢຍ ເຍີຍ ໂຮຍ້ວ ອ່າ, ເມີ່ຍ ອ໋ອຍ ຕສຸ ແອ໋ງ ແປ້ງ ອອນ ອ໊ະ, ເຫວີ່ຍ ຕສຸ ຕສ໊ຽວ ຕສະເກ້ງ ໂຕສ໋ວ ຫລົງ ປຸນ ເມີ່ຍ.

⁸ ຕສ໊ຽວ ອ່າ, ເມີ່ຍ ໂອຈ໋ວ ເຢຍ ໄມ້ ຕສຸ ໄຕ່, ປຸນ ເຢຍ ເຍີຍ ມຕສີງ ໄມ້ ຫລ່ຽວ ວວມ-ເໝວີ່ຍ, ປຸນ ເຢຍ ເຍີຍ ເຕສົ໋າ ຢ່າ ໄມ້ ດິ໊ ຕສຸ ດອບ.

⁹ ເຢຍ ຢຽມ ຕສ໊ຽວ ເຍີຍ ດສະຮມຽນ, ຢັ້ງ ຕສຢັ້ງ ຈ໊ຽນ ເຍີຍ ມ່ຽນ ເຍີຍ ເຈົ໊າ.

¹⁰ ເຢຍ ຖສໍ່ ສຽນ ໄມ້ ກຸ໊ນ ເຢຍ ກ໊ອງ, “ເຢຍ ຕສຸ ຕົ້ມ ໜ່ານ ຕສີ້ງ.”

¹¹ ເຢຍ ໂຮຍ້ວ ຫລຸ່ນ ຈ໊ຽນ ເຍີຍ ຕສຢັ້ງ ໂຫ່ ເຢຍ ກ໊ອງ, “ຕສວັ໋ງ ມ່ຽນ ຂູງ ກ໊ອງ-ແປະ ຮນັ້ງ.”

¹² ເຢຍ ໄຮ່ ເຕສ໊າະ ຫາຍ ຫຍູ່ງ ວິ່ນ ປຸນ ຕສ໊ຽວ ເຫວີ່ຍ ນິ່ນ ເຖສີຍ ເຍີຍ ຢຽດ ຕສູ໊ງ ເອນ?

¹³ ເຢຍ ໂປ້ວ ເຈ໌ຍ ໂອຈ໋ວ ເອນ ເຍີຍ ຕສ໊ານ, ຢ່າ ເຫ່ວ ຈ໊ຽນ ຕສ໊ຽວ ເຍີຍ ບົ໋ວ.

¹⁴ ເຢຍ ອ໋ອຍ ຢຽມ ນິ່ນ ເຍີຍ ຕສວັ໋ງ ແປະ ຝີງ ເຍີຍ ດສະຮມຽນ ຈ໊າວ ຊູງ ເຢຍ ເຖສົາ ຕສ໊ຽວ ແລ໌ງ ເຍີຍ ແຫງ່ງ ຫວ່າ.

¹⁵ ຕສິ໋ວ ຕສ໊ຽວ ໝັ່ງ, ນິ່ນ ເຍີຍ ທສີງ-ເດສ່ງ ແປະ ຝີງ ໄຕ່ ເຊ ເວີ່ຍ ຈ໋າຍ.

¹⁶ ໂອ ຕສ໊ຽວ ອ່າ, ເຢຍ ເຊ ເມີ່ຍ ເຍີຍ ໂປວ, ເຢຍ ເຊ ເມີ່ຍ ເຍີຍ ໂປວ, ເມີ່ຍ ເຍີຍ ມເຊັຍ ໂປວ ເຍີຍ ຕອນ. ເມີ່ຍ ໄຈ໊ ອກອຍ ໂດ້ ເຢຍ ເຍີຍ ຫລິ່ມ.

¹⁷ ເຢຍ ອ໋ອຍ ຕໍ-ເຕສ່ຍ ເຫວີ່ຍ ຝົ່ງ ຫໍ່ ເຕສ່ຍ ປຸນ ເມີ່ຍ, ຢ່າ ອ໋ອຍ ເຫ່ວ ຈ໊ຽນ ກ໊ອງ ຕສ໊ຽວ ເຍີຍ ບົ໋ວ.

¹⁸ ເຢຍ ອ໋ອຍ ຢຽມ ນິ່ນ ເຍີຍ ຕສວັ໋ງ ແປະ ຝີງ ເຍີຍ ດສະຮມຽນ ຈ໊າວ ຊູງ ເຢຍ ເຖສົາ ຕສ໊ຽວ ແລ໌ງ ເຍີຍ ແຫງ່ງ ຫວ່າ,

¹⁹ ເຊ ຢຽມ ຕສັ່ງ ຕສ໊ຽວ ເຍີຍ ເປຢົ໊າ, ຫລາດ ກະຍົ໌ວ, ເຢ​ລູ​ຊາ​ເລມ ຕສີ້ງ ບຸດົ໋ງ. ອ໋ອຍ ຕສຸ ເທສງ ຕສ໊ຽວ.