ฟี​เล​โมน 1 - ฉบับอักษรลาว

¹ ເຢຍ, ເປົາ​ໂລ, ເຫວີ່ຍ ກີ​ຕູ່ ເຢ​ຊູ ຕສຸ ຫວວນ ຈ໊ຽນ ໂລ່. ເຢຍ ເຖສົາ ບົວ ເຍີຍ ໂຢ໌ວ, ທິ​ໂມ​ໄທ, ເຟ້ຍ ຝຽນ ປຸນ ເຢຍ ບົວ ຮນ້ຳ ເຍີຍ ຕ່ອຍ, ຕົ້ງ ເຖສົາ ເຢຍ ບົວ ຈວັ່ງ ກົງ ໂຕສ໋ວ ເຍີຍ ມ່ຽນ, ຟີ​ເລ​ມົນ,

² ຢ່າ ເຟ້ຍ ປຸນ ເຢຍ ບົວ ເຍີຍ ໝົ່ວ, ອັບ​ເຟຍ, ແອ໋ງ ເຖສົາ ເຢຍ ບົວ ລົ່ມ ດສ້ອຍ ໂຕສ໋ວ ແປງ ວົ້ວ ເຕົ້າ ອານ​ຄິບ​ປັດ, ເຖສົາ ຢຽມ ຟີ​ເລ​ມົນ ເຍີຍ ເປຢົ໊າ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ ເຍີຍ ຈິວ-ປາງ.

³ ໂທ້ ບົວ ເຍີຍ ຕສັ່ງ ເຕ໋ຍ ທິນ-ຮູ່ງ ເຖສົາ ຕສ໊ຽວ ເຢ​ຊູ ກີ​ຕູ່ ເຖສີຍ ເອນ ເຖສີຍ ແປ້ງ ອອນ ປຸນ ເມີ່ຍ ບົວ.

ຟີ​ເລ​ມົນ ສຽນ ຫລົງ

⁴ ຟີ​ເລ​ມົນ ໂຢ໌ວ ອ່າ, ເຢຍ ເຕົ໋າ ເກົ໋າ ເຍີຍ ຕສຢັ້ງ ໂຫ່ ເຢຍ ຈັ໋ງ ຕສຸ ເມີ່ຍ ຢ່າ ຕສັ່ນໆ ເຫວີ່ຍ ເມີ່ຍ ແລ໌ງ ຕສີ້ງ ເຢຍ ເຍີຍ ທິນ-ຮູ່ງ,

⁵ ເຫວີ່ຍ ຕສຸ ເຢຍ ໄຮ໌ ກ໊ອງ ເມີ່ຍ ສຽນ ຫລົງ ຕສ໊ຽວ ເຢ​ຊູ ຢ່າ ຮນ້ຳ ໄຫ່ ທິນ-ຮູ່ງ ເຍີຍ ຕສວັ໋ງ ມ່ຽນ.

⁶ ເຢຍ ໂທ້ ທິນ-ຮູ່ງ ປຸນ ບົວ ເຫວີ່ຍ ບົວ ຕົ້ງ ຫຍູ່ງ ສຽນ ມ່າຍ ເຍີຍ ຈິວ ທົງ, ເຖງ ບົວ ຈາ ຮິ້ວ ຕຸ໊ ບົວ ເຖສົາ ກີ​ຕູ່ ຈວັ່ງ ແໝ່ງ ຕສຢັ້ງ ຕຸ໊ ຕ້າຍ ຫລົງ ເຍີຍ ຢຽດ ຕສູ໊ງ.

⁷ ໂຢ໌ວ ອ່າ, ເມີ່ຍ ດົ່ງ ໜ່າຍ ຮນ້ຳ ມ່ຽນ ປຸນ ເຢຍ ເກ້ງ ອຈຽນ-ໂຢ້ວ ອອນ-ເຫລາະ ໄຫ່, ເຫວີ່ຍ ຕສຸ ເມີ່ຍ ເຖງ ທິນ-ຮູ່ງ ເຍີຍ ຕສວັ໋ງ ມ່ຽນ ເຍີຍ ໂຮຍ້ວ ເຮ້ນ ເຈ໌ຍ ຕ້າຍ.

ເປົາ​ໂລ ເຖງ ໂອ​ເນ​ສິ​ມັດ ໂທ້ ຟີ​ເລ​ມົນ

⁸ ເຫວີ່ຍ ຕສຸ ບົວ ເຊ ລົ່ມ ດສ້ອຍ ສຽນ ກີ​ຕູ່ ເຍີຍ ກໍ໋-ໂຢ໌ວ, ເຢຍ ໄຮ່ ປູ໋ງ ຫລ່າງ ເຍີຍ ພ້າຍ ເມີ່ຍ ໂຕສ໋ວ ເມີ່ຍ ຫອບ ຕສຸ ໂຕສ໋ວ ເຍີຍ ສີ່.

⁹ ມປ່າ ເຫວີ່ຍ ຕສຸ ເຢຍ ຮນ້ຳ ເມີ່ຍ, ເຢຍ ຖສີງ ຕ້າຍ ໂທ້ ເມີ່ຍ ຮນັ້ງ. ເຢຍ, ເປົາ​ໂລ, ມ່ຽນ ໂກ໋ ມ່ຽນ, ອີ້ ຕສັ່ນ ຢ່າ ເຫວີ່ຍ ກີ​ຕູ່ ເຢ​ຊູ ຕສຸ ຫວວນ ຈ໊ຽນ ໂລ່.

¹⁰ ເຢຍ ເຖງ ເຢຍ ເຍີຍ ຕອນ, ໂອ​ເນ​ສິ​ມັດ, ໂທ້. ເຢຍ ຕສຸ ຫວວນ ຈ໊ຽນ ໂລ່ ເຍີຍ ຕສຢັ້ງ ໂຫ່ ເຢຍ ຕຸ໊ ໂອ​ເນ​ສິ​ມັດ ຕ້າຍ ໂຕສ໋ວ ເຢຍ ເຍີຍ ຕອນ.

¹¹ ຕສິ້ນ ດ່າງ ເມີ່ຍ ປວັດ ນິ່ນ ໄມ້ ລ່ຳ ຫລົ່ງ. ມປ່າ ອີ້ ຕສັ່ນ ນິ່ນ ເຫວີ່ຍ ເມີ່ຍ ຢ່າ ເຫວີ່ຍ ເຢຍ ມ່າຍ ລ່ຳ ຫລົ່ງ ໄຫ່ ອ໊ະ.

¹² ອີ້ ຕສັ່ນ ເຢຍ ຝູງ ນິ່ນ ດສ໋ວນ ເມີ່ຍ ໜ່າຍ, ເຊ ຮນັ້ງ ແມະ ຢຽດ ປ່ວນ ເຢຍ ເຍີຍ ບະດສິວ ກັນ ຈ໊ຽນ ມີ່ງ ໝີ່ ອ໊ະ ນໍ.

¹³ ເຢຍ ເຫວີ່ຍ ຄູ້ ຝຽນ ຕສຸ ຫວວນ ຈ໊ຽນ ໂລ່ ຢ່າ ໄຮ໌ ອ໋ອຍ ລ່ຽວ ນິ່ນ ຢຽມ ນ້າຍ ຕີ໊ ເມີ່ຍ ເຖງ ເຢຍ.

¹⁴ ມປ່າ ເຢຍ ໄມ້ ແກ້ງ ໂຕສ໋ວ ຫາຍ ຫຍູ່ງ ເຖົາ ເມີ່ຍ ອກອຍ ດສຸ້ຍ, ເຫວີ່ຍ ປຸນ ເມີ່ຍ ໂຕສ໋ວ ຫາຍ ຫຍູ່ງ ຫລົງ ເຊ ຢຽມ ເມີ່ຍ ກັ້ນ ມ່າຍ ໂຮຍ້ວ ໂຕສ໋ວ, ໄມ້ ເຕສີ໌ຍ ອ໊າບ ໂຕສ໋ວ.

¹⁵ ເດສ໋ຍ ໂອ​ເນ​ສິ​ມັດ ເລີ່ຍ ຖສາມ ປ໊າ ເມີ່ຍ ເຊ ເຫວີ່ຍ ປຸນ ເມີ່ຍ ຕຸ໊ ນິ່ນ ດສ໋ວນ ຕ້າຍ ຢຽດ ລິ໌ວ ຢຽມ.

¹⁶ ມປ່າ ອີ້ ຕສັ່ນ ນິ່ນ ໄມ້ ເຕສີ໌ຍ ຂູງ ໂຕສ໋ວ ໂນ່ວ, ນິ່ນ ໂຕສ໋ວ ເກົ້າ ຫລົງ ເຈ໋ຍ ໂນ່ວ, ເຊ ໂຕສ໋ວ ຮນ້ຳ ເຍີຍ ກໍ໋-ໂຢ໌ວ. ເຢຍ ຕສະເກ້ງ ຮນ້ຳ ນິ່ນ, ມປ່າ ເມີ່ຍ ຕສູ໊ງ ອ໋ອຍ ຮນ້ຳ ນິ່ນ ເກົ້າ ທສ້ຳ ເຫວີ່ຍ ຕສຸ ນິ່ນ ເຊ ເມີ່ຍ ເຍີຍ ມ່ຽນ ຢ່າ ເຖສົາ ເມີ່ຍ ໂຕສ໋ວ ສຽນ ຕສ໊ຽວ ເຍີຍ ກໍ໋-ໂຢ໌ວ.

¹⁷ ຮນັ້ງ ນ້າຍ, ເຊ ກ໊ອງ ເມີ່ຍ ຝຸນ ເຢຍ ເຖສົາ ເມີ່ຍ ຈວັ່ງ ກົງ ໂຕສ໋ວ ເຍີຍ ມ່ຽນ, ອ໋ອຍ ຕສຸ ຕສິ໊ບ ໂອ​ເນ​ສິ​ມັດ ຮນັ້ງ ຕສິ໊ບ ເຢຍ ນໍ.

¹⁸ ເຊ ກ໊ອງ ນິ່ນ ໂຕສ໋ວ ຫາຍ ຫຍູ່ງ ຕ່ອງ ເມີ່ຍ ໄຟ ຖຈຽມ ເມີ່ຍ ເຍີຍ ຫາຍ ຫຍູ່ງ ແຕສ໊ະ, ອ໋ອຍ ຕສຸ ຝຸນ ເປ໋ນ ເຢຍ ເຍີຍ.

¹⁹ ເຢຍ ຫລົ່ງ ເຢຍ ກັ້ນ ເຍີຍ ປົ໌ວ ເຟ້ຍ ນ້າຍ. “ເຢຍ, ເປົາ​ໂລ, ແລ໌ງ ຈ໊າວ ຊູງ ເມີ່ຍ.” ເຢຍ ໄມ້ ກ໊ອງ ເມີ່ຍ ຖຈຽມ ເຢຍ ເຍີຍ ແຕສ໊ະ, ເຊ ເມີ່ຍ ຕສູ໊ງ ຖຈຽມ ເມີ່ຍ ກັ້ນ ເຢຍ.

²⁰ ໂຢ໌ວ ອ່າ, ໂທ້ ເມີ່ຍ ເຫວີ່ຍ ຕສ໊ຽວ ຮນັ້ງ ນ້າຍ ນໍ ເຖງ ເຢຍ, ປຸນ ເຢຍ ເຍີຍ ໂຮຍ້ວ ອອນ-ເຫລາະ, ເຫວີ່ຍ ຕສຸ ບົວ ລົ່ມ ດສ້ອຍ ສຽນ ກີ​ຕູ່.

²¹ ເຢຍ ເຟ້ຍ ນ້າຍ ເຕສີ໊ຍ ຝຽນ, ເຢຍ ຮິ້ວ ຕີ່ງ ເມີ່ຍ ອ໋ອຍ ເອີຍ ຈ໊ຽນ ເຢຍ ໂທ້ ເຍີຍ ໂຕສ໋ວ. ຢ່າ ຮິ້ວ ຕຸ໊ ເມີ່ຍ ຕສູ໊ງ ອ໋ອຍ ໂຕສ໋ວ ທສ້ຳ ເຈ໋ຍ ດ່າງ ເຢຍ ໂທ້ ເຍີຍ.

²² ແອ໋ງ ມ່າຍ ຕິ່ວ. ໂທ້ ເມີ່ຍ ບົວ ຫລິ່ວ ເລີ໌ຍ ຕ໋ອງ ປຸນ ເຢຍ ຮິດ. ເຢຍ ຮນ້ຳ ຕ້າຍ ທິນ-ຮູ່ງ ອ໋ອຍ ເຕົາ ເມີ່ຍ ບົວ ເຕົ໋າ ເກົ໋າ ເຍີຍ ຫວ່າ ປຸນ ເຢຍ ໄມ້ ເລົ່າ ແອ໋ງ ຕຸ໊ ດສ໋ວນ ເມີ່ຍ ບົວ ໜ່າຍ.

ເຊດ ເມວີ໌ຍ ຫວ່າ

²³ ເອ​ປາ​ຟາ, ຕົ້ງ ເຫວີ່ຍ ກີ​ຕູ່ ເຢ​ຊູ ຕສຸ ເຖສົາ ເຢຍ ຫວວນ ຈ໊ຽນ ນ້າຍ ໂລ່ ວົ້ວ ເຕົ້າ, ຈັ໋ງ ເຖົາ ເມີ່ຍ ບົວ.

²⁴ ເຖສົາ ເຢຍ ຈວັ່ງ ກົງ ໂຕສ໋ວ ເຍີຍ ມ່ຽນ, ມາ​ໂຄ, ອາ​ລິດ​ທາ​ຄັດ, ເດ​ມາດ ເຖສົາ ລູ​ກາ ຢ່າ ຈັ໋ງ ເຖົາ ເມີ່ຍ ບົວ.

²⁵ ໂທ້ ຕສ໊ຽວ ເຢ​ຊູ ກີ​ຕູ່ ເຖສີຍ ເອນ ປຸນ ເມີ່ຍ ບົວ.