ຊ້າວ ມ່ຽນ 29 - ฉบับอักษรลาว

ປຢົ໊ມ ດສັດ ເຍີຍ ຕສິ໊ບ

¹ “‘ທສຽດ ຫຮລາ, ແຊງ-ຢ໊ຽດ, ອ໋ອຍ ຕສຸ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ, ຢ່າ ໄມ້ ຕູ໋ງ ໂຕສ໋ວ ຫາຍ ຫຍູ່ງ ຮນອຍໆ ໂຕສ໋ວ ເຍີຍ ກົງ. ນ້າຍ ເຊ ເມີ່ຍ ບົວ ປຢົ໊ມ ດສັດ ເຍີຍ ຮນອຍ.

² ອ໋ອຍ ຕສຸ ຕໍ້ ກະນ້າຍ ປົ໊ວ ເຕສ່ຍ ຝົ່ງ ຫໍ່, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ. ເຊ ຕໍ້ ຢຽດ ເຕົ້າ ງົ່ງ ໂກ໊ວ ທສານ, ຢຽດ ເຕົ້າ ປະກີ ຢູ້ງ ໂກ໊ວ, ເສ່ຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

³ ງົ່ງ ໂກ໊ວ ທສານ ອ໋ອຍ ຕສຸ ມ່າຍ ຈຸ໊ ເມາະ ປ໋ຽນ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ. ປະກີ ຢູ້ງ ໂກ໊ວ ອ໋ອຍ ຕສຸ ມ່າຍ ເປຢີຍ ເມາະ ປ໋ຽນ.

⁴ ໂມ໌ວ ເຕົ້າ ປະກີ ຢູ້ງ ຕອນ, ຢຽດ ເຕົ້າ ອີ ເມາະ.

⁵ ຢ່າ ອ໋ອຍ ຕສຸ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ເຫວີ່ຍ ຟິ ເມີ່ຍ ບົວ ເຍີຍ ຕສຸ໌ຍ.

⁶ ຖສໍ່ ອ໋ອຍ ຕສຸ ແອ໋ງ ມ່າຍ ໂມ໌ວ ຫຮລາ ເປັຍ ຊຢັງ-ຫຮລາ ຝົ່ງ ຫໍ່ ປົ໊ວ ເຕສ່ຍ ເຍີຍ ເຖສົາ ຈ໊ຽນ ຢຽດ ເອຈ່ຍ ເຕສ່ຍ ເຍີຍ ລ່າງ ຕສິ. ຢ່າ ມ່າຍ ຕສິ໋ວ ເລີ໌ຍ-ເຫຍີ່ຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ຢຽດ ເອຈ່ຍ ຝົ່ງ ຫໍ່ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ. ນ້າຍ ເຊ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ເຍີຍ ກະນ້າຍ, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ.

ຟິ ຕສຸ໌ຍ ຮນອຍ

⁷ “‘ທສຽດ ຫຮລາ ແຊງ-ຕສຽບ ວົ້ວ ຮນອຍ, ອ໋ອຍ ຕສຸ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ, ເຕສີຍ ໄມ້ ຫຍັ່ນ ຫາຍ ຫຍູ່ງ, ຢ່າ ໄມ້ ຕູ໋ງ ໂຕສ໋ວ ຫາຍ ຫຍູ່ງ ກົງ.

⁸ ອ໋ອຍ ຕສຸ ຕໍ້ ກະນ້າຍ ມີ່ງ ປົ໊ວ ເຕສ່ຍ ປຸນ ຕສ໊ຽວ ເຫວີ່ຍ ໂຕສ໋ວ ດາງ ເຍີຍ ເຖຈຍ. ອ໋ອຍ ຕສຸ ຕໍ້ ເຕົ້າ ງົ່ງ ໂກ໊ວ ທສານ, ຢຽດ ເຕົ້າ ປະກີ ຢູ້ງ ໂກ໊ວ ເຖສົາ ເສ່ຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

⁹ ງົ່ງ ໂກ໊ວ ອ໋ອຍ ຕສຸ ມ່າຍ ຈຸ໊ ເມາະ ປ໋ຽນ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ. ປະກີ ຢູ້ງ ໂກ໊ວ ອ໋ອຍ ຕສຸ ມ່າຍ ເປຢີຍ ເມາະ ປ໋ຽນ.

¹⁰ ເສ່ຍ ເຕົ້າ ຢູ້ງ ຕອນ, ຢຽດ ເຕົ້າ ຢຽດ ເມາະ.

¹¹ ແອ໋ງ ກັ້ນ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ຟິ ຕສຸ໌ຍ. ນ້າຍ ເຊ ທິບ ເຕົ້າ ເຕສ່ຍ ຟິ ຕສຸ໌ຍ ເຍີຍ ຢູ້ງ ໂກ໊ວ. ຖສໍ່ ແອ໋ງ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ຢຽດ ເອຈ່ຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

ບຢໍ໊ ລິ່ວ ເຍີຍ ຕສິ໊ບ

¹² “‘ທສຽດ ຫຮລາ, ຕສຽບ ຮມ໌ ວົ້ວ ຮນອຍ, ອ໋ອຍ ຕສຸ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ ຢ່າ ໄມ້ ຕູ໋ງ ໂຕສ໋ວ ຫາຍ ຫຍູ່ງ ຮນອຍໆ ໂຕສ໋ວ ເຍີຍ ກົງ. ອ໋ອຍ ຕສຸ ເຈ໋ຍ ຕສິ໊ບ ໂຫ່ວ ຕສ໊ຽວ ປວັ໊ງ ເສ່ຍ ຮນອຍ.

¹³ ຢ່າ ອ໋ອຍ ຕສຸ ຕໍ້ ກະນ້າຍ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ. ອ໋ອຍ ຕສຸ ຕໍ້ ຕສຽບ ຟາມ ເຕົ້າ ງົ່ງ ໂກ໊ວ ທສານ, ອີ ເຕົ້າ ປະກີ ຢູ້ງ ໂກ໊ວ, ຕສຽບ ເຝີຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

¹⁴ ຕສຽບ ຟາມ ເຕົ້າ ງົ່ງ ໂກ໊ວ, ໂມ໌ວ ເຕົ້າ ອ໋ອຍ ຕສຸ ມ່າຍ ຈຸ໊ ເມາະ ປ໋ຽນ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ. ຢຽດ ເຕົ້າ ຢູ້ງ ໂກ໊ວ ອ໋ອຍ ຕສຸ ມ່າຍ ເປຢີຍ ເມາະ ປ໋ຽນ.

¹⁵ ວົ້ວ ເຕີ໋ຍ ຕສຽບ ເຝີຍ ເຕົ້າ ປະກີ ຢູ້ງ ຕອນ, ໂມ໌ວ ເຕົ້າ ອ໋ອຍ ຕສຸ ມ່າຍ ຢຽດ ເມາະ.

¹⁶ ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ເຫວີ່ຍ ຟິ ຕສຸ໌ຍ. ຖສໍ່ ມ່າຍ ຮນອຍໆ ປົ໊ວ ເຍີຍ ເຖສົາ ຈ໊ຽນ ຢຽດ ເອຈ່ຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

¹⁷ “‘ຕສິ໊ບ ເຍີຍ ຕະເຫຍີ່ຍ ຮນອຍ, ອ໋ອຍ ຕສຸ ຕໍ້ ຕສຽບ ເຫຍີ່ຍ ເຕົ້າ ງົ່ງ ໂກ໊ວ ທສານ, ອີ ເຕົ້າ ປະກີ ຢູ້ງ ໂກ໊ວ ເຖສົາ ຕສຽບ ເຝີຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ ຕ້າຍ ເຕສ່ຍ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

¹⁸ ງົ່ງ ໂກ໊ວ, ປະກີ ຢູ້ງ ໂກ໊ວ ເຖສົາ ປະກີ ຢູ້ງ ຕອນ ຕສິ໋ວ ເລີ໌ຍ ຕີ່ງ ຕ້າຍ ເຍີຍ ໂສວ ໂໝ່ວ, ອ໋ອຍ ຕສຸ ມ່າຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ ຢຽດ ເອຈ່ຍ ເຕສ່ຍ.

¹⁹ ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ຟິ ຕສຸ໌ຍ. ຖສໍ່ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

²⁰ “‘ຕສິ໊ບ ເຍີຍ ຕະຟາມ ຮນອຍ, ອ໋ອຍ ຕສຸ ຕໍ້ ຕສຽບ ຢ໊ຽດ ເຕົ້າ ງົ່ງ ໂກ໊ວ ທສານ, ອີ ເຕົ້າ ປະກີ ຢູ້ງ ໂກ໊ວ ເຖສົາ ຕສຽບ ເຝີຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ ຕ້າຍ ເຕສ່ຍ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

²¹ ງົ່ງ ໂກ໊ວ, ປະກີ ຢູ້ງ ໂກ໊ວ ເຖສົາ ປະກີ ຢູ້ງ ຕອນ ຕສິ໋ວ ເລີ໌ຍ ຕີ່ງ ຕ້າຍ ເຍີຍ ໂສວ ໂໝ່ວ ອ໋ອຍ ຕສຸ ມ່າຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ ຢຽດ ເອຈ່ຍ ເຕສ່ຍ.

²² ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ຟິ ຕສຸ໌ຍ. ຖສໍ່ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

²³ “‘ຕສິ໊ບ ເຍີຍ ຕະເຝີຍ ຮນອຍ, ອ໋ອຍ ຕສຸ ຕໍ້ ຕສຽບ ເຕົ້າ ງົ່ງ ໂກ໊ວ ທສານ, ອີ ເຕົ້າ ປະກີ ຢູ້ງ ໂກ໊ວ ເຖສົາ ຕສຽບ ເຝີຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ ຕ້າຍ ເຕສ່ຍ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

²⁴ ງົ່ງ ໂກ໊ວ, ປະກີ ຢູ້ງ ໂກ໊ວ ເຖສົາ ປະກີ ຢູ້ງ ຕອນ, ຕສິ໋ວ ເລີ໌ຍ ຕີ່ງ ຕ້າຍ ເຍີຍ ໂສວ ໂໝ່ວ, ອ໋ອຍ ຕສຸ ມ່າຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ ຢຽດ ເອຈ່ຍ ເຕສ່ຍ.

²⁵ ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ຟິ ຕສຸ໌ຍ. ຖສໍ່ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

²⁶ “‘ຕສິ໊ບ ເຍີຍ ຕະຮມ໌ ຮນອຍ, ອ໋ອຍ ຕສຸ ຕໍ້ ດົ້ວ ເຕົ້າ ງົ່ງ ໂກ໊ວ ທສານ, ອີ ເຕົ້າ ປະກີ ຢູ້ງ ໂກ໊ວ ເຖສົາ ຕສຽບ ເຝີຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ ຕ້າຍ ເຕສ່ຍ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

²⁷ ງົ່ງ ໂກ໊ວ, ປະກີ ຢູ້ງ ໂກ໊ວ ເຖສົາ ປະກີ ຢູ້ງ ຕອນ, ຕສິ໋ວ ເລີ໌ຍ ຕີ່ງ ຕ້າຍ ເຍີຍ ໂສວ ໂໝ່ວ ອ໋ອຍ ຕສຸ ມ່າຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ ຢຽດ ເອຈ່ຍ ເຕສ່ຍ.

²⁸ ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ຟິ ຕສຸ໌ຍ. ຖສໍ່ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

²⁹ “‘ຕສິ໊ບ ເຍີຍ ຕະຫລົວະ ຮນອຍ, ອ໋ອຍ ຕສຸ ຕໍ້ ຫຮຢຽດ ເຕົ້າ ງົ່ງ ໂກ໊ວ ທສານ, ອີ ເຕົ້າ ປະກີ ຢູ້ງ ໂກ໊ວ ເຖສົາ ຕສຽບ ເຝີຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ ຕ້າຍ ເຕສ່ຍ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

³⁰ ງົ່ງ ໂກ໊ວ, ປະກີ ຢູ້ງ ໂກ໊ວ ເຖສົາ ປະກີ ຢູ້ງ ຕອນ ຕສິ໋ວ ເລີ໌ຍ ຕີ່ງ ຕ້າຍ ເຍີຍ ໂສວ ໂໝ່ວ ອ໋ອຍ ຕສຸ ມ່າຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ ຢຽດ ເອຈ່ຍ ເຕສ່ຍ.

³¹ ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ຟິ ຕສຸ໌ຍ. ຖສໍ່ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

³² “‘ຕສິ໊ບ ເຍີຍ ຕະທສຽດ ຮນອຍ, ອ໋ອຍ ຕສຸ ຕໍ້ ເສ່ຍ ເຕົ້າ ງົ່ງ ໂກ໊ວ ທສານ, ອີ ເຕົ້າ ປະກີ ຢູ້ງ ໂກ໊ວ ເຖສົາ ຕສຽບ ເຝີຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ ຕ້າຍ ເຕສ່ຍ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

³³ ງົ່ງ ໂກ໊ວ, ປະກີ ຢູ້ງ ໂກ໊ວ ເຖສົາ ປະກີ ຢູ້ງ ຕອນ ຕສິ໋ວ ເລີ໌ຍ ຕີ່ງ ຕ້າຍ ເຍີຍ ໂສວ ໂໝ່ວ, ອ໋ອຍ ຕສຸ ມ່າຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ ຢຽດ ເອຈ່ຍ ເຕສ່ຍ.

³⁴ ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ຟິ ຕສຸ໌ຍ. ຖສໍ່ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

³⁵ “‘ຕສິ໊ບ ເຍີຍ ຕະເປ໊ດ ຮນອຍ, ອ໋ອຍ ຕສຸ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ ຢ່າ ໄມ້ ຕູ໋ງ ໂຕສ໋ວ ຫາຍ ຫຍູ່ງ ຮນອຍໆ ໂຕສ໋ວ ເຍີຍ ກົງ.

³⁶ ອ໋ອຍ ຕສຸ ຝົ່ງ ຫໍ່ ຫລົ່ງ ໂຕ໌ວ ປົ໊ວ ເຕສ່ຍ ເຍີຍ ກະນ້າຍ, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ. ເຊ ອ໋ອຍ ຕສຸ ຕໍ້ ຢຽດ ເຕົ້າ ງົ່ງ ໂກ໊ວ, ຢຽດ ເຕົ້າ ປະກີ ຢູ້ງ ໂກ໊ວ ເຖສົາ ເສ່ຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ, ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

³⁷ ງົ່ງ ໂກ໊ວ, ປະກີ ຢູ້ງ ໂກ໊ວ ເຖສົາ ປະກີ ຢູ້ງ ຕອນ ຕສິ໋ວ ເລີ໌ຍ ຕີ່ງ ຕ້າຍ ເຍີຍ ໂສວ ໂໝ່ວ ອ໋ອຍ ຕສຸ ມ່າຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ ຢຽດ ເອຈ່ຍ ເຕສ່ຍ.

³⁸ ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ຟິ ຕສຸ໌ຍ. ຖສໍ່ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ຈ໊ຽນ ຢຽດ ເອຈ່ຍ ເຕສ່ຍ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ອະຫງຸ່ນ ຕິ໊ວ.

³⁹ “‘ຕສິ໋ວ ຕີ່ງ ຕ້າຍ ເຍີຍ ຕສິ໊ບ ອ໋ອຍ ຕສຸ ຫລົ່ງ ນ້າຍ ເຕີ໋ຍ ກະນ້າຍ ເຕສ່ຍ ປຸນ ຕສ໊ຽວ. ມ່າຍ ປົ໊ວ ເຕສ່ຍ ເຍີຍ, ເຕສ່ຍ ເຍີຍ ລ່າງ ຕສິ, ເທສ້ຍ ເຕສ່ຍ ເຍີຍ ກະນ້າຍ ແອ໋ງ ເຖສົາ ເຕສ່ຍ ເຫວີ່ຍ ຈິວ ທົງ ເຍີຍ ກະນ້າຍ. ຖສໍ່ ແອ໋ງ ມ່າຍ ຈ໊າວ ຊູງ ແລ໌ງ ເຍີຍ ແຫງ່ງ ຫວ່າ ເຖສົາ ທສວດ ຟິມ ຝົ່ງ ຫໍ່ ເຍີຍ ກະນ້າຍ.’”

⁴⁰ ໂມ​ເຊ ຕສິ໋ວ ຕສ໊ຽວ ພ້າຍ ນິ່ນ ເຍີຍ ຢຽດ ຕສູ໊ງ ຫວ່າ ບົ໋ວ ເດສ່ງ ອິ​ສະ​ລາ​ເອນ ມ່ຽນ.