ຊ້າວ ມ່ຽນ 17 - ฉบับอักษรลาว

ອາ​ລົນ ເຍີຍ ປຢ໊າ-ບຢ່າ

¹ ຕສ໊ຽວ ກ໊ອງ ບົ໋ວ ໂມ​ເຊ,

² “ອ໋ອຍ ຕສຸ ບົ໋ວ ອິ​ສະ​ລາ​ເອນ ມ່ຽນ ຕສິ໋ວ ອົງ-ຖາຍ ບົວ ຫລຽບ ຕ້າຍ ເຍີຍ ຝີງ, ຢຽດ ຝີງ ເຍີຍ ເປຢີ໊ຍ ເຕສີ໊ຍ ອ໋ອຍ ຕສຸ ຕໍ້ ຢຽດ ຕິ້ວ ປຢ໊າ-ບຢ່າ ຕ້າຍ, ຢຽດ ຕສູ໊ງ ມ່າຍ ຕສຽບ ເຫຍີ່ຍ ຕິ້ວ. ເກ໊າະ-ມ່ຽນ ອ໋ອຍ ຕສຸ ເຟ້ຍ ເກ໊າະ-ມ່ຽນ ເຍີຍ ບົ໋ວ ຢຽມ ເກ໊າະ-ມ່ຽນ ເຍີຍ ປຢ໊າ-ບຢ່າ.

³ ຢຽມ ເລ​ວີ ຝີງ ເຍີຍ ປຢ໊າ-ບຢ່າ ອ໋ອຍ ຕສຸ ເຟ້ຍ ອາ​ລົນ ເຍີຍ ບົ໋ວ. ຝີງໆ ອ໋ອຍ ຕສຸ ເຫວີ່ຍ ອົງ-ຖາຍ ຫລຽບ ວົ້ວ ຝີງ ເຍີຍ ເປຢີ໊ຍ ເຕສີ໊ຍ ມ່າຍ ຢຽດ ຕິ້ວ ປຢ໊າ-ບຢ່າ.

⁴ ຕໍ້ ນ້າຍ ເຕີ໋ຍ ປຢ໊າ-ບຢ່າ ເປັຍ ຫວຸ່ຍ ປວັ້ງ ເຍີຍ ດົ໊ບ-ລິ່ວ ກະຍົ໌ວ, ອັນ ຈ໊ຽນ ແລ໌ງ ແຫງ່ງ ຫວ່າ ຟາງ ດສະຮມຽນ ແໝງ, ຕົ້ງ ເຢຍ ເຖສົາ ເມີ່ຍ ບົວ ກັ໊ບ ຕສຸ໊ນ ເຍີຍ ຕ໋ອງ.

⁵ ເຢຍ ກິ໊ນ ຕ້າຍ ວົ້ວ ລ່ານ ມ່ຽນ ເຍີຍ ປຢ໊າ-ບຢ່າ ຕສ່ຽວ ທສວດ ຖສຸນ. ຮນັ້ງ ໜ່າຍ ເຢຍ ຕສ່ຽວ ປຸນ ອິ​ສະ​ລາ​ເອນ ມ່ຽນ ງົບ ເມີ່ຍ ບົວ ເຍີຍ ຫວ່າ ເຊກ ໝີ່ ອ໊ະ, ໄມ້ ເຖົາ ເຢຍ ເຍີຍ ມນ່ອມ.”

⁶ ໂມ​ເຊ ຕສ່ຽວ ບົ໋ວ ອິ​ສະ​ລາ​ເອນ ມ່ຽນ. ນິ່ນ ບົວ ເຍີຍ ເປຢີ໊ຍ ເຕສີ໊ຍ ຕສ່ຽວ ເຕສ໊າະ ປຢ໊າ-ບຢ່າ, ຕສິ໋ວ ອົງ-ຖາຍ ບົວ ຫລຽບ ເຍີຍ ຝີງ, ໂມ໌ວ ຝີງ, ຢຽດ ຝີງ ຢຽດ ຕິ້ວ. ຢຽດ ຕສູ໊ງ ມ່າຍ ຕສຽບ ເຫຍີ່ຍ ຕິ້ວ. ອາ​ລົນ ເຍີຍ ປຢ໊າ-ບຢ່າ ຢ່າ ຕົ້ງ ວົ້ວ ເຕີ໋ຍ ເຍີຍ ຢຽດ ຕິ້ວ.

⁷ ໂມ​ເຊ ຕໍ້ ຢຽດ ຕສູ໊ງ ປຢ໊າ-ບຢ່າ ຮຢຽດ ຈ໊ຽນ ຕສ໊ຽວ ເຍີຍ ດສະຮມຽນ, ແລ໌ງ ແຫງ່ງ ຫວ່າ ເຍີຍ ດົ໊ບ-ລິ່ວ ກະຍົ໌ວ.

⁸ ຕະເຫຍີ່ຍ ຮນອຍ ໂມ​ເຊ ເປັຍ ແລ໌ງ ແຫງ່ງ ຫວ່າ ເຍີຍ ດົ໊ບ-ລິ່ວ ກະຍົ໌ວ, ປວັດ ອາ​ລົນ ເຍີຍ ປຢ໊າ-ບຢ່າ, ຕົ້ງ ປິ໋ວ ເມ່ງ ເລ​ວີ ຝີງ ວົ້ວ ຕິ້ວ ປຢ໊າ-ບຢ່າ, ທສວດ ຖສຸນ, ຕສູ໊ງ ທສວດ ປຢັ້ງ ເຍວີ໌ຍ, ອກອຍ ປຢັ້ງ ຢ່າ ຕສຢັ້ງ ອັນ​ມັນ ປ໊ຽວ ຕສົວະ ເຍີຍ.

⁹ ໂມ​ເຊ ຕໍ້ ຢຽດ ຕສູ໊ງ ປຢ໊າ-ບຢ່າ ຢຽມ ຕສ໊ຽວ ເຍີຍ ດສະຮມຽນ ທສວດ ປຸນ ອິ​ສະ​ລາ​ເອນ ເຍີຍ ຕສວັ໋ງ ມ່ຽນ ໝັ່ງ. ນິ່ນ ບົວ ໝັ່ງ ລິ໌ວ, ເກ໊າະ-ມ່ຽນ ຕສ່ຽວ ຕໍ້ ເກ໊າະ-ມ່ຽນ ເຍີຍ ມີ່ງ ໝີ່ ອ໊ະ.

¹⁰ ຕສ໊ຽວ ກ໊ອງ ບົ໋ວ ໂມ​ເຊ, “ຕໍ້ ອາ​ລົນ ເຍີຍ ປຢ໊າ-ບຢ່າ ດສ໋ວນ, ອັນ ຈ໊ຽນ ແລ໌ງ ແຫງ່ງ ຫວ່າ ຟາງ ເຍີຍ ດສະຮມຽນ ໂຕສ໋ວ ຈັ໋ງ-ໂຫ່ ປຸນ ວົ້ວ ເຕີ໋ຍ ແຫງ່ງ ເຢຍ ເຍີຍ ມ່ຽນ. ຮນັ້ງ ນ້າຍ ຕສ່ຽວ ປຸນ ນິ່ນ ບົວ ຕີ້ງ ເອຈ່ຍ, ໄມ້ ງົບ ເຢຍ, ນິ່ນ ບົວ ຖສີງ ຕ້າຍ ໄມ້ ຕສຸ ໄຕ່.”

¹¹ ໂມ​ເຊ ຕສ່ຽວ ຕສິ໋ວ ຕສ໊ຽວ ເຍີຍ ຫວ່າ ໂຕສ໋ວ ເດສ່ງ.

¹² ອິ​ສະ​ລາ​ເອນ ມ່ຽນ ກ໊ອງ ບົ໋ວ ໂມ​ເຊ, “ເຢຍ ບົວ ຕສູ໊ງ ອ໋ອຍ ຕສຸ ໄຕ່ ອ໊ະ. ເຢຍ ບົວ ຕສຸ ໝຽດ ເດສ່ງ, ອ໋ອຍ ຕສຸ ໝຽດ ເດສ່ງ ອ໊າ ໂລ່ະ!

¹³ ຫາຍ ເຕົ້າ ລ່ຽມ ມີ່ງ ນິດ ຟັດ ຕສ໊ຽວ ເຍີຍ ດົ໊ບ-ລິ່ວ ຕສູ໊ງ ອ໋ອຍ ຕສຸ ໄຕ່ ອ໊ະ. ເຢຍ ບົວ ຢຽດ ຕສູ໊ງ ອ໋ອຍ ຕສຸ ໄຕ່ ເດສ່ງ ໄຟ?”