เล​วี 2 - ฉบับอักษรลาว

ຝົ່ງ ຫໍ່ ເຕສ່ຍ ເຍີຍ ລ່າງ ຕສິ

¹ “‘ຫາຍ ເຕົ້າ ຕໍ້ ລ່າງ ຕສິ ຕ້າຍ ຝົ່ງ ຫໍ່ ປຸນ ຕສ໊ຽວ, ອ໋ອຍ ຕສຸ ຕໍ້ ບ໊ວນ-ໝ່ວນ. ອ໋ອຍ ຕສຸ ໂຕ໋ ກະລັ້ນ ໂຢ້ວ ຮຢຽດ ຈ໊ຽນ, ເຕສ໊າະ ເຕີ໋ຍ ຮູງ ອັນ ຈ໊ຽນ,

² ຕໍ້ ເຖົາ ອາ​ລົນ ເຍີຍ ຕອນ, ໄຊ ມ່ຽນ ບົວ ວົ້ວ. ໄຊ ມ່ຽນ ຕສ່ຽວ ເຕສ໊າະ ຢຽດ ເຍົາ ນ້າຍ ເຕີ໋ຍ ບ໊ວນ-ໝ່ວນ ເຖສົາ ໂຢ້ວ ເຖສົາ ຢຽດ ຕສູ໊ງ ຮູງ ໂຕສ໋ວ ຈັ໋ງ ເຍີຍ ປ່ວນ ອັນ ຈ໊ຽນ ເຕສ່ຍ-ຕ້ອງ ກູ້ ຫງວ່າຍ ປົ໊ວ ເຕສ່ຍ. ນ້າຍ ເຊ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ເຍີຍ ກະນ້າຍ, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ.

³ ຝົ່ງ ຫໍ່ ລິ໌ວ, ເຕສ່ງ ເອຈ່ຍ ເຍີຍ ລ່າງ ຕສິ ເປ໋ນ ອາ​ລົນ ເຖສົາ ນິ່ນ ເຍີຍ ຕອນ ເຍີຍ ປ່ວນ ໝີ່ ອ໊ະ. ນ້າຍ ເຊ ຢຽດ ປ່ວນ ເກົ້າ ທສີງ-ເດສ່ງ ເຈ໋ຍ ເຍີຍ ກະນ້າຍ, ຢຽມ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ປຸນ ຕສ໊ຽວ ເຍີຍ ກະນ້າຍ ເຕສ໊າະ ທສວດ ຕ້າຍ.

⁴ “‘ເຊ ກ໊ອງ ຝົ່ງ ຫໍ່ ເຍີຍ ລ່າງ ຕສິ ເຊ ຢຽມ ຕສິ໊ ອຈົ໊ວ ເຍີຍ ໂດສ໋ ຕສິ໊ ຕໍ້ ຕ້າຍ, ອ໋ອຍ ຕສຸ ຫລົ່ງ ບ໊ວນ-ໝ່ວນ. ເຊ ຫລົ່ງ ໄມ້ ອັນ ປີ໊ງ, ຕສອບ ຈ໊ຽນ ກະລັ້ນ ໂຢ້ວ ເຍີຍ ອຈົ໊ວ, ໄຟ ໄມ້ ອັນ ປີ໊ງ, ດສ໊າດ ຈ໊ຽນ ກະລັ້ນ ໂຢ້ວ ເຍີຍ ອຈົ໊ວ-ເປັຍ.

⁵ ເຊ ກ໊ອງ ຝົ່ງ ຫໍ່ ເຍີຍ ລ່າງ ຕສິ ເຊ ຢຽມ ແທສງ ນາດ ຕ້າຍ, ອ໋ອຍ ຕສຸ ຫລົ່ງ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ, ຢ່າ ໄມ້ ຕູ໋ງ ອັນ ປີ໊ງ.

⁶ ອ໋ອຍ ຕສຸ ເຕສ໊າະ ອຈົ໊ວ ແມະ ໝ່ວນ, ເຕສ໊າະ ກະລັ້ນ ໂຢ້ວ ໂຕ໋ ຈ໊ຽນ. ນ້າຍ ເຊ ຝົ່ງ ຫໍ່ ເຕສ່ຍ ເຍີຍ ລ່າງ ຕສິ.

⁷ ເຊ ກ໊ອງ ເຕສ່ຍ ເຍີຍ ລ່າງ ຕສິ ຢຽມ ແທສງ ຕສິນ ຕ້າຍ, ອ໋ອຍ ຕສຸ ຫລົ່ງ ບ໊ວນ-ໝ່ວນ ໂທຈ້ວ ຈ໊ຽນ ກະລັ້ນ ໂຢ້ວ.

⁸ ຫລົ່ງ ນ້າຍ ປົ໊ວະ ກະນ້າຍ ໂຕສ໋ວ ຝົ່ງ ຫໍ່ ເຕສ່ຍ ເຍີຍ ລ່າງ ຕສິ, ອ໋ອຍ ຕສຸ ຕໍ້ ຕ້າຍ ຝົ່ງ ຫໍ່ ປຸນ ຕສ໊ຽວ. ອ໋ອຍ ຕສຸ ຈິວ ປຸນ ໄຊ ມ່ຽນ, ໄຊ ມ່ຽນ ຕສ່ຽວ ຕໍ້ ເຖົາ ເຕສ່ຍ-ຕ້ອງ.

⁹ ໄຊ ມ່ຽນ ອ໋ອຍ ຕສຸ ເຕສ໊າະ ເຕີ໋ຍ ຝົ່ງ ຫໍ່ ເຍີຍ ລ່າງ ຕສິ ທສວດ ໂຕສ໋ວ ຈັ໋ງ ເຍີຍ ປ່ວນ, ອັນ ເຕສ່ຍ-ຕ້ອງ ປົ໊ວ ເຫວີ່ຍ ໂຕສ໋ວ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ເຍີຍ ກະນ້າຍ, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ.

¹⁰ ຝົ່ງ ຫໍ່ ລິ໌ວ, ເຕສ່ງ ເອຈ່ຍ ເຍີຍ ລ່າງ ຕສິ ເປ໋ນ ອາ​ລົນ ເຖສົາ ນິ່ນ ເຍີຍ ຕອນ ບົວ ເຍີຍ ໝີ່ ອ໊ະ. ນ້າຍ ເຊ ທສີງ-ເດສ່ງ ເຈ໋ຍ ເຍີຍ ກະນ້າຍ, ຢຽມ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ປຸນ ຕສ໊ຽວ ເຍີຍ ກະນ້າຍ ເຕສ່ງ ເອຈ່ຍ ເຍີຍ ປ່ວນ.

¹¹ “‘ຕະຟ່ານ ຝົ່ງ ຫໍ່ ເຕສ່ຍ ປຸນ ຕສ໊ຽວ ເຍີຍ ລ່າງ ຕສິ, ໄມ້ ຕູ໋ງ ອັນ ປີ໊ງ. ເມີ່ຍ ບົວ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ປຸນ ຕສ໊ຽວ ເຍີຍ ຫາຍ ຫຍູ່ງ, ທສິນ-ໝ່ານ ໄມ້ ຕູ໋ງ ຕສອບ ປີ໊ງ ໄຟ ເມວີ໌ຍ-ຕ້ອງ.

¹² ຕໍ້ ນ້າຍ ເຕີ໋ຍ ອີ ຫຍູ່ງ ຕ້າຍ ຝົ່ງ ຫໍ່ ປຸນ ຕສ໊ຽວ ເຫວີ່ຍ ໂຕສ໋ວ ຕ້າວ ຖອງ ທສຸນ-ແກງ ຕຸ໊ ເຍີຍ. ມປ່າ ໄມ້ ຕູ໋ງ ອັນ ເຕສ່ຍ-ຕ້ອງ ປົ໊ວ ເວີ່ຍ ດາງ ເຍີຍ ເຖຈຍ.

¹³ ເມີ່ຍ ບົວ ຝົ່ງ ຫໍ່ ເຕສ່ຍ ເຍີຍ ຢຽດ ຕສູ໊ງ ລ່າງ ຕສິ ອ໋ອຍ ຕສຸ ຮຢຽດ ຈ໊ຽນ ເດສົ໊າ. ໄມ້ ຕູ໋ງ ປຸນ ເດສົ໊າ ຕັ໋ງ, ເຫວີ່ຍ ຕສຸ ເດສົ໊າ ປິ໋ວ ເມ່ງ ທິນ-ຮູ່ງ ເຖສົາ ເມີ່ຍ ບົວ ຫລຽບ ເຍີຍ ແຫງ່ງ ຫວ່າ. ເມີ່ຍ ບົວ ຝົ່ງ ຫໍ່ ເຍີຍ ຢຽດ ຕສູ໊ງ ກະນ້າຍ ອ໋ອຍ ຕສຸ ຮຢຽດ ເດສົ໊າ.

¹⁴ “‘ເຊ ກ໊ອງ ຕໍ້ ຕ້າວ ຖອງ ລ່າງ ຕສິ ຕ້າຍ ຝົ່ງ ຫໍ່ ປຸນ ຕສ໊ຽວ, ອ໋ອຍ ຕສຸ ຂັງ ອກາຍ ໝໍ່ ໝ່ວນ.

¹⁵ ຢ່າ ອ໋ອຍ ຕສຸ ຮຢຽດ ກະລັ້ນ ໂຢ້ວ ເຖສົາ ຮູງ. ນ້າຍ ເຊ ເຕສ່ຍ ຝົ່ງ ຫໍ່ ເຍີຍ ລ່າງ ຕສິ.

¹⁶ ໄຊ ມ່ຽນ ອ໋ອຍ ຕສຸ ເຕສ໊າະ ທສວດ ເຕີ໋ຍ ເບຢົ້າ ບ໊ວນ ເຖສົາ ໂຢ້ວ ເຖສົາ ຢຽດ ຕສູ໊ງ ຮູງ ໂຕສ໋ວ ຈັ໋ງ ເຍີຍ ປ່ວນ, ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ປຸນ ຕສ໊ຽວ.