หน่าน ฒี่ง ฑูง 5 - ฉบับอักษรลาว

ເຕົ໋າ ເກົ໋າ ໂທ້ ຕສ໊ຽວ ຄໍ້-ລ່ຽນ

¹ ໂອ ຕສ໊ຽວ ອ່າ, ໂທ້ ຈັ໋ງ ຈ໊ຽນ ເຢຍ ບົວ ປວັ້ງ ເຍີຍ ສີ່, ໝັ່ງ ເຢຍ ບົວ ດົ່ງ ນ້າຍ ຕສຸ ໄຍ້.

² ເຢຍ ບົວ ດສິບ ເຍີຍ ປ່ວນ ເປ໋ນ ກັ້ນ ຝີງ ມ່ຽນ ເຍີຍ ໝີ່ ອ໊ະ. ກັ້ນ ນອມ ກົ໊ວະ ເຍີຍ ມ່ຽນ ຕຸ໊ ເຢຍ ບົວ ເຍີຍ ເປຢົ໊າ.

³ ເຢຍ ບົວ ເປ໋ນ ໄມ້ ມ່າຍ ເຕຍ ເຍີຍ ກູ້ ຮັ່ນ ຝຸຈ໊ວຍ, ເຢຍ ບົວ ເຍີຍ ມາ ຢ່າ ຮນັ້ງ ເອົ໊າ-ກວ໊າ.

⁴ ເຢຍ ບົວ ອ໋ອຍ ຕສຸ ມ໌າຍ ວວມ ຮົບ. ເຢຍ ບົວ ເຍີຍ ຕສ້າງ ຢ່າ ອ໋ອຍ ຕສຸ ມ໌າຍ.

⁵ ນິ່ນ ບົວ ເກ້ ຈ໊ຽນ ເຢຍ ບົວ ເຍີຍ ຈາງ ເຕສີ໋ຍ ເຢຍ ບົວ. ເຢຍ ບົວ ໂຄ້ວ ໄຫ່, ໄມ້ ຕຸ໊ ຮິດ ຂວນ.

⁶ ເຢຍ ບົວ ຫຍ່ຽມ ເຊວີຍ ອີ​ຢິ໊ບ ເຖສົາ ອັດ​ຊີ​ເລຍ ເຫວີ່ຍ ຕຸ໊ ຫຮນາງ ເກົ໋າ ຫຍັ່ນ.

⁷ ເຢຍ ບົວ ເຍີຍ ອົງ-ຖາຍ ປ໌າມ ຕສຸ໌ຍ, ມປ່າ ອີ້ ຕສັ່ນ ໄມ້ ຢຽມ ອ໊ະ. ເຢຍ ບົວ ຕສຸ ດາມ-ຕອງ ນິ່ນ ບົວ ເຍີຍ ຕສຸ໌ຍ.

⁸ ໂຕສ໋ວ ໂນ່ວ ເຍີຍ ມ່ຽນ ກຸ໊ນ ເຢຍ ບົວ, ຢ່າ ໄມ້ ມ່າຍ ຫາຍ ເຕົ້າ ໂອຈ໋ວ ເຢຍ ບົວ ເປຢົ໋າ ດຸ໊ດ ນິ່ນ ບົວ ເຍີຍ ປົ໌ວ-ເດ໊ຍ.

⁹ ເຢຍ ບົວ ໄມ້ ຫລົ່ງ ແໝ່ງ ເຍີຍ ມີ່ງ ລໍ໌ ຫຍັ່ນ ຮົບ, ເຫວີ່ຍ ຕສຸ ໄຕ໋ ມ່ຽນ ເຍີຍ ມ່ຽນ ນັ້ນ ຈ໊ຽນ ດສຸ ດ໊າວ ຢຽມ ເຕີ່ຍ-ປູງ-ຮວາງ.

¹⁰ ຫລາຍ ຫງໍ່ ຫຮນາງ ຊິນ ຈອມ, ເຢຍ ບົວ ເຍີຍ ດົ໊ບ ຢ່າ ດົ່ງ ໂຕ໌ວ-ໂລ່ວ ຈອມ.

¹¹ ຢຽມ ສິ​ໂອນ ເຍີຍ ມເຊັຍ ຕອນ ຕສຸ ທສາ, ຢຽມ ຢູ​ດາ ເຍີຍ ຟິ້ວ-ລ໌າງ ໄມ້ ເປວີ໋ຍ ເຈ໋ຍ ຕອນ ເຍີຍ ເຊັຍ ຢ່າ ຕສຸ ທສາ.

¹² ເຢຍ ບົວ ເຍີຍ ເປຢີ໊ຍ ເຕສີ໊ຍ ຕສຸ ໂດ້ ຈ໊ຽນ ປົ໌ວ ດິ໋ວ ຢ່າ ໄມ້ ມ່າຍ ຫາຍ ເຕົ້າ ທ່າຍ ມ່ຽນ ໂກ໋.

¹³ ໂຮ່ວ ແຊງ ຕສຸ ອ໊າບ ໝໍ່ ບ໊ວນ, ຕອນ ຕສຸ ເຫຍຍ ຕສ້າງ ເຮນ້ຍ ລີ່ງໆ ຄີງໆ ເຍີຍ.

¹⁴ ໄມ້ ມ່າຍ ມ່ຽນ ໂກ໋ ມ່ຽນ ມີ່ງ ຢຽມ ວົ້ວ ຕສີ້ງ ແກ້ງ ອ໊ະ. ມ່ຽນ ຫລຸນ ມ່ຽນ ຢ່າ ໄມ້ ພັດ ຕ້ານ ປ້າ.

¹⁵ ເຢຍ ບົວ ເຍີຍ ໂຮຍ້ວ ເຍີຍ ອຈຽນ-ໂຢ້ວ ເຈ໋ຍ ໝີ່ ອ໊ະ. ເຢຍ ບົວ ຖສັງ ເຫີຍ ເຍີຍ ເຈົ໊າ ທິ້ວ ເປ໋ນ ເດສົ້າ ຍ້ຽມ ເຍີຍ ສີ່.

¹⁶ ນີ້ງ ຢຽມ ເຢຍ ບົວ ເຍີຍ ມອກ໊ອງ ດ໊ອດ ໝີ່ ອ໊ະ. ເຢຍ ບົວ ປ໌າມ ຕສຸ໌ຍ, ອີ້ ຕສັ່ນ ຕສຸ ໂຄ້ວ ອ໊ະ.

¹⁷ ເຫວີ່ຍ ນ້າຍ ເຕີ໋ຍ ສີ່ ເຢຍ ບົວ ເຍີຍ ໂຮຍ້ວ ໂຄ້ວ ໄຫ່, ຢ່າ ຫລາຍ ນ້າຍ ເຕີ໋ຍ ສີ່ ເຢຍ ບົວ ເຍີຍ ມຕສີງ ບ໌ຽວໆ ວົ້ວ, ໄມ້ ອຈັງ.

¹⁸ ເຫວີ່ຍ ຕສຸ ສິ​ໂອນ ບົງ ເປ໋ນ ເດົາ-ຮວາງ ໝີ່ ອ໊ະ, ເປ໋ນ ເຮ່ຍ ຈູ໊ ມີ່ງໆ ຕ້າຍໆ ເຍີຍ ຕ໋ອງ.

¹⁹ ມປ່າ ຕສ໊ຽວ ອ່າ, ເມີ່ຍ ຢຽດ ລິ໌ວ ໂຕສ໋ວ ຮູ່ງ. ເມີ່ຍ ເຍີຍ ຮູ່ງ ເຫວີ່ຍ ອ໋ອຍ ຢຽມ ຈ໊ຽນ ເຖົາ ໝ່ານ ໂກ໊ວ ໝ່ານ ຕ່ອຍ.

²⁰ ເມີ່ຍ ເຫວີ່ຍ ຫາຍ ຕິ່ວ ຢຽດ ລິ໌ວ ຫລະຄຸ ເຢຍ ບົວ? ເມີ່ຍ ເຫວີ່ຍ ຫາຍ ຕິ່ວ ກວັ່ງ ເຢຍ ບົວ ດົ່ງ ນ້າຍ ເລົ່າ?

²¹ ໂອ ຕສ໊ຽວ ອ່າ, ໂທ້ ປຸນ ເຢຍ ບົວ ດສ໋ວນ ຕ້າຍ ລໍ໌ ເມີ່ຍ, ເຢຍ ບົວ ຕສ່ຽວ ຕຸ໊ ດສ໋ວນ ຕ້າຍ. ໂທ້ ປຸນ ເຢຍ ບົວ ເຍີຍ ຮນອຍ-ເຫຍັຍ ດສ໋ວນ ຕ້າຍ ຊຢັງ ເຍີຍ, ຮນັ້ງ ໂລ໌-ຮນອຍ ວົ້ວ ນໍ.

²² ເມີ່ຍ ຕສະເກ້ງ ຢຽດ ລິ໌ວ ເອກ້ມ ເຢຍ ບົວ ໄຟ? ເມີ່ຍ ຕສະເກ້ງ! ເຖຈຍ ເຈ໌ຍ ເຢຍ ບົວ ເຖົາ ຕ້າວ ໄຟ?