เย​เล​มี 43 - ฉบับอักษรลาว

ແປະ ຝີງ ຊຸ້ຍ ມີ່ງ ຢຽມ ອີ​ຢິ໊ບ

¹ ເຢ​ເລ​ມີ ຕອງ ຈ໊ຽນ ແປະ ຝີງ ກ໊ອງ ລິ໌ວ ຕສ໊ຽວ, ນິ່ນ ບົວ ເຍີຍ ທິນ-ຮູ່ງ, ກ໊ອງ ເຍີຍ ຢຽດ ຕສູ໊ງ ຫວ່າ, ຕົ້ງ ຕສ໊ຽວ, ນິ່ນ ບົວ ເຍີຍ ທິນ-ຮູ່ງ, ພ້າຍ ນິ່ນ ມີ່ງ ກ໊ອງ ບົ໋ວ ນິ່ນ ບົວ ເຍີຍ ຫວ່າ.

² ໂຮ​ຊາ​ຢາ ເຍີຍ ຕອນ, ອາ​ຊາ​ລິ​ຢາ, ເຖສົາ ຄາ​ເລ​ອາ ເຍີຍ ຕອນ, ໂຢ​ຮາ​ນັນ, ເຖສົາ ຢຽດ ຕສູ໊ງ ເທສງ-ໂຮລ ເຍີຍ ມ່ຽນ ກ໊ອງ ບົ໋ວ ເຢ​ເລ​ມີ, “ເມີ່ຍ ກ໊ອງ-ແປະ ຮນັ້ງ. ຕສ໊ຽວ, ເຢຍ ບົວ ເຍີຍ ທິນ-ຮູ່ງ, ໄມ້ ພ້າຍ ເມີ່ຍ ຕ້າຍ ກ໊ອງ, ‘ໄມ້ ຕູ໋ງ ມີ່ງ ອີ​ຢິ໊ບ ເຕີ່ຍ-ປູງ ເຫວີ່ຍ ຢຽມ ວົ້ວ.’

³ ເຊ ເນ​ລິ​ຢາ ເຍີຍ ຕອນ, ບາ​ລຸກ, ໂທສະ ເມີ່ຍ ຫ່ອຍ ເຢຍ ບົວ, ເຫວີ່ຍ ເຕສ໊າະ ເຢຍ ບົວ ຈິວ ປຸນ ຢຽມ ເຄນ​ເດຍ ມ່ຽນ ເຍີຍ ປົ໌ວ-ເດ໊ຍ, ເຫວີ່ຍ ປຸນ ນິ່ນ ບົວ ໄຕ໋ ເຢຍ ບົວ ໄຟ ກວ໊າດ ເຢຍ ບົວ ມີ່ງ ບາ​ບີ​ລົນ ເຕີ່ຍ-ປູງ.

⁴ ຄາ​ເລ​ອາ ເຍີຍ ຕອນ, ໂຢ​ຮາ​ນັນ, ເຖສົາ ຈຸນ-ແປງ ຢຽດ ຕສູ໊ງ ແປງ-ເປຢີ໊ຍ ເຖສົາ ຕສວັ໋ງ ແປະ ຝີງ, ໄມ້ ໝວັງ ຕສ໊ຽວ ຫັດ ເຍີຍ ຫວ່າ, ເຊ ອ໋ອຍ ຕສຸ ຢຽມ ຈ໊ຽນ ຢູ​ດາ ເຕີ່ຍ-ປູງ.

⁵ ຕ໋າວ ດສ໋ວນ, ຄາ​ເລ​ອາ ເຍີຍ ຕອນ, ໂຢ​ຮາ​ນັນ, ເຖສົາ ຈຸນ-ແປງ ເຍີຍ ຢຽດ ຕສູ໊ງ ແປງ-ເປຢີ໊ຍ, ຕໍ້ ຢູ​ດາ ເຕສ່ງ ເອຈ່ຍ ເຍີຍ ຕສວັ໋ງ ມ່ຽນ, ເຊ ຕສຸ ຕສຸ່ນ ມີ່ງ ນອມໆ ກົ໊ວະ ດສ໋ວນ ຕ້າຍ ຢຽມ ຈ໊ຽນ ຢູ​ດາ ເຕີ່ຍ-ປູງ ເຍີຍ ມ່ຽນ,

⁶ ມຈັ່ງ ມເຊັຍ, ຝຸຈ໊ວຍ, ຮູ່ງ ເຊັຍ, ຕົ້ງ ໂກ໋ວ ຮູ່ງ ເຍີຍ ແປງ-ເປຢີ໊ຍ, ເນ​ບູ​ຊາ​ລະ​ດານ, ລ່ຽວ ເອຈ່ຍ ປຸນ ຊາ​ຟານ ເຍີຍ ຟຸນ, ອາ​ຫິ​ຄຳ ເຍີຍ ຕອນ, ເກ​ດາ​ລິ​ຢາ, ເຍີຍ ຢຽດ ຕສູ໊ງ ມ່ຽນ. ນິ່ນ ບົວ ຢ່າ ຕໍ້ ໂຕ່ວ ຫວ່າ ມ່ຽນ, ເຢ​ເລ​ມີ, ເຖສົາ ເນ​ລິ​ຢາ ເຍີຍ ຕອນ, ບາ​ລຸກ ມີ່ງ.

⁷ ນິ່ນ ບົວ ຕສ່ຽວ ຕ້າຍ ເປັຍ ອີ​ຢິ໊ບ ເຕີ່ຍ-ປູງ, ເຫວີ່ຍ ຕສຸ ນິ່ນ ບົວ ໄມ້ ໝວັງ ຕສ໊ຽວ ເຍີຍ ຫວ່າ. ນິ່ນ ບົວ ມີ່ງ ເຖົາ ທາ​ປານ​ເຫດ ຕສີ້ງ.

⁸ ຢຽມ ທາ​ປານ​ເຫດ, ເຢ​ເລ​ມີ ຕຸ໊ ຕສິ໊ບ ຕສ໊ຽວ ເຍີຍ ຫວ່າ ກ໊ອງ,

⁹ “ເມີ່ຍ ອ໋ອຍ ຕສຸ ຫລົ່ງ ປົ໌ວ ເຕສ໊າະ ເຕສ໋ຍ ນອມ ຫລະເປຢີ໊ຍ ໂຮລ ເຍີຍ ຕອງ ຈ໊ຽນ ຢູ​ດາ ມ່ຽນ ຕໍ້ ມີ່ງ ຢຽມ ທາ​ປານ​ເຫດ, ຟາ​ໂລ ເຍີຍ ຮູ່ງ ຕິ່ນ ເຍີຍ ແກ້ງ ດ່າງ, ຕສ່ຽວ ປີ໋ງ ຈ໊ຽນ ປະໄນ່ ເນຍ ກະຍົ໌ວ.

¹⁰ ອ໋ອຍ ຕສຸ ກ໊ອງ ບົ໋ວ ນິ່ນ ບົວ, “ເນິ່ນ ເຈ໋ຍ ເຍີຍ ຕສ໊ຽວ, ອິ​ສະ​ລາ​ເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, ‘ເຢຍ ອ໋ອຍ ເຕສ໊າະ ເຢຍ ເຍີຍ ໂປວ, ບາ​ບີ​ລົນ ເຍີຍ ຮູ່ງ, ເນ​ບູ​ຄັດ​ເນດ​ຊາ, ຫລຽບ ນິ່ນ ເຍີຍ ເຫວີ່ຍ ຢຽມ ເຢຍ ປີ໋ງ ນ້າຍ ເຕີ໋ຍ ຫລະເປຢີ໊ຍ ກູ້ ຫງວ່າຍ. ນິ່ນ ຢ່າ ອ໋ອຍ ທສອງ ນິ່ນ ເຍີຍ ດົ໊ບ-ລິ່ວ ຢຽມ ນ້າຍ ເຕີ໋ຍ ຫລະເປຢີ໊ຍ ກູ້ ຫງວ່າຍ.

¹¹ ນິ່ນ ອ໋ອຍ ຕ້າຍ ເບ໊າະ ອີ​ຢິ໊ບ ເຕີ່ຍ-ປູງ, ປຸນ ແໝ່ງ ຕ໋າຍ ຕສຸ ເຕສະ ໜ່ານ, ຕສ່ຽວ ຕສຸ ເຕສະ ໜ່ານ, ປຸນ ແໝ່ງ ຕ໋າຍ ຕສຸ ກວ໊າດ ມີ່ງ, ຕສ່ຽວ ຕສຸ ກວ໊າດ ມີ່ງ, ປຸນ ແໝ່ງ ຕ໋າຍ ຕສຸ ດສຸ ດ໊າວ ໄຕ໋, ຕສ່ຽວ ຕສຸ ດສຸ ດ໊າວ ໄຕ໋.

¹² ນິ່ນ ອ໋ອຍ ຢຽມ ອີ​ຢິ໊ບ ເຍີຍ ຕສ້ຽນ ເຍີຍ ໝິ່ວ-ເປຢົ໊າ ຕ໊ຽມ ເຕສັຍ ໂຕ໌ວ ຕ້າຍ ປົ໊ວ ໝິ່ວ-ເປຢົ໊າ ທຈຸຍ, ແອ໋ງ ກວ໊າດ ນິ່ນ ບົວ ເຍີຍ ຕສ້ຽນ ມີ່ງ. ນິ່ນ ຢ່າ ອ໋ອຍ ຝຽວ ເດສ່ງ ອີ​ຢິ໊ບ ເຕີ່ຍ-ປູງ ຮນັ້ງ ໂກ໋ວ ປະກີ ຢູ້ງ ເຍີຍ ມ່ຽນ ຝຽວ ນິ່ນ ເຍີຍ ຕົ້ມ ລຸຍ ລໍ໌ ເດສ່ງ ຕ໊ຳ. ນິ່ນ ຕສ່ຽວ ແປ້ງ ອອນ ເຍີຍ ເລີ່ຍ ວົ້ວ ນອມ ຕ໋ອງ.

¹³ ນິ່ນ ອ໋ອຍ ເບ໊າະ ເນົ້າ ຢຽມ ອີ​ຢິ໊ບ ເຕີ່ຍ-ປູງ, ເຮ​ລີ​ໂອ​ບຸ​ລີ, ເຍີຍ ໝິ່ວ-ຝັງ ຕົ່ງ, ແອ໋ງ ຫລົ່ງ ໂຕ໌ວ ປົ໊ວ ທຈຸຍ ອີ​ຢິ໊ບ ເຕີ່ຍ-ປູງ ເຍີຍ ໝິ່ວ-ເປຢົ໊າ.’”