เยเลมี 29 - ฉบับอักษรลาวເຢເລມີ ເຟ້ຍ ຝຽນ ປຸນ ຕສຸ ກວ໊າດ ມີ່ງ ເຍີຍ ມ່ຽນ 1 ນ້າຍ ເຊ ໂຕ່ວ ຫວ່າ ມ່ຽນ, ເຢເລມີ, ເຟ້ຍ ເຍີຍ ຝຽນ ປຸນ ຕສຸ ກວ໊າດ ມີ່ງ ເຍີຍ ມ່ຽນ ໂກ໋ ເຖສົາ ເນບູຄັດເນດຊາ ຢຽມ ເຢລູຊາເລມ ກວ໊າດ ມີ່ງ ບາບີລົນ ເຍີຍ ໄຊ ມ່ຽນ, ໂຕ່ວ ຫວ່າ ມ່ຽນ ເຖສົາ ຕສວັ໋ງ ແປະ ຝີງ. 2 ນ້າຍ ເຊ ເຢໂຄນີຢາ ຮູ່ງ ເຖສົາ ຮູ່ງ ເຍີຍ ມາ, ເຖສົາ ອິມ ໂຕ໊ ເຍີຍ ມ່ຽນ, ຢຽມ ຢູດາ ເຖສົາ ເຢລູຊາເລມ ໂຕສ໋ວ ໂຮລ ເຍີຍ ມ່ຽນ, ຕສັ່ງ ມ່ຽນ ເຖສົາ ເຮລັຍ-ຕສັ່ງ ຢຽມ ເຢລູຊາເລມ ທສວດ ໝີ່ ອ໊ະ. 3 ນ້າຍ ເຕສີ໊ຍ ຝຽນ ນິ່ນ ປັ່ງ ຊາຟານ ເຍີຍ ຕອນ, ເອລາຊາ, ເຖສົາ ຮິນຄີຢາ ເຍີຍ ຕອນ, ເກມາລິຢາ, ເຍີຍ ປົ໌ວ ຕໍ້ ມີ່ງ, ຕົ້ງ ຢູດາ ເຍີຍ ຮູ່ງ, ເສເດຄີຢາ, ພ້າຍ ມີ່ງ ບາບີລົນ ເຍີຍ ຮູ່ງ, ເນບູຄັດເນດຊາ, ເຍີຍ ມ່ຽນ. ຝຽນ ກ໊ອງ, 4 ເນິ່ນ ເຈ໋ຍ ເຍີຍ ຕສ໊ຽວ, ອິສະລາເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ ບົ໋ວ ຕສຸ ກວ໊າດ ມີ່ງ ເຍີຍ ຕສວັ໋ງ ມ່ຽນ, ຕົ້ງ ຢຽມ ເຢລູຊາເລມ ເຢຍ ປຸນ ຕສຸ ກວ໊າດ ມີ່ງ ບາບີລົນ ເຍີຍ ມ່ຽນ. 5 ເມີ່ຍ ບົວ ອ໋ອຍ ຕສຸ ກົ໊ມ ເປຢົ໊າ ຢ່າ ຢຽມ ຈ໊ຽນ ໜ່າຍ ກະຍົ໌ວ. ອ໋ອຍ ຕສຸ ໂຕສ໋ວ ຫຮວີງ ແອ໋ງ ຫຍັ່ນ ຫຮວີງ ທສວດ ເຍີຍ ກະນ້າຍ. 6 ອ໋ອຍ ຕສຸ ຕອງ ຈາ ມ່າຍ ຕອນ ມ່າຍ ເຊັຍ. ອ໋ອຍ ຕສຸ ເຫວີ່ຍ ເມີ່ຍ ບົວ ເຍີຍ ຕອນ ລໍ໌ ເອົ໊າ, ຢ່າ ປູ໋ງ ເມີ່ຍ ບົວ ເຍີຍ ເຊັຍ ເຫວີ່ຍ ປຸນ ນິ່ນ ບົວ ມ່າຍ ຕອນ ມ່າຍ ເຊັຍ. ອ໋ອຍ ຕສຸ ຢຽມ ໜ່າຍ ຫຮຢາງ ຈ໊ຽນ ຝາວ ໄມ້ ເຕສີ໌ຍ ໂຕສະ ຈ໊ຽນ ເອຈ່ຍ. 7 ອ໋ອຍ ຕສຸ ເຖງ ຕົ້ງ ເຢຍ ປຸນ ເມີ່ຍ ບົວ ຕສຸ ກວ໊າດ ມີ່ງ ວົ້ວ ນອມ ຕສີ້ງ ຕຸ໊ ຫລົງ, ຢ່າ ອ໋ອຍ ຕສຸ ເຫວີ່ຍ ວົ້ວ ນອມ ຕສີ້ງ ເຕົ໋າ ເກົ໋າ ໂທ້ ຕສ໊ຽວ, ເຫວີ່ຍ ຕສຸ ວົ້ວ ນອມ ຕສີ້ງ ຕຸ໊ ຫລົງ ນໍ, ເມີ່ຍ ບົວ ຢ່າ ຕຸ໊ ຫລົງ ອ໊ະ. 8 ເຫວີ່ຍ ຕສຸ ເນິ່ນ ເຈ໋ຍ ເຍີຍ ຕສ໊ຽວ, ອິສະລາເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, “ໄມ້ ຕູ໋ງ ປຸນ ຢຽມ ເມີ່ຍ ບົວ ບຸດົ໋ງ ເຍີຍ ໂຕ່ວ ຫວ່າ ມ່ຽນ ເຖສົາ ໂບ໊ວ ກວ໋າ ມ່ຽນ ດົ໊ວ ເມີ່ຍ ບົວ. ໄມ້ ຕູ໋ງ ສຽນ ນິ່ນ ບົວ ເບີ໋ຍ ເຍີຍ ເບີ໋ຍ, 9 ເຫວີ່ຍ ຕສຸ ນິ່ນ ບົວ ເຕ໊ງ ເຢຍ ເຍີຍ ເມ່ງ ໂຕ່ວ ເຍີຍ ຫວ່າ ເຊ ຈ໊າ ເຍີຍ. ໄມ້ ເຕສີ໌ຍ ເຢຍ ພ້າຍ ນິ່ນ ບົວ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ. 10 ຕສ໊ຽວ ຮນັ້ງ ນ້າຍ ກ໊ອງ, “ຢຽມ ບາບີລົນ ເຍີຍ ທສຽດ ຕສຽບ ຫຮຍັງ ປວັ໊ງ, ເຢຍ ຕສ່ຽວ ມີ່ງ ລໍ໌ ເມີ່ຍ ບົວ ຢ່າ ເອີຍ ເຢຍ ແລ໌ງ ເຍີຍ ຫວ່າ ໂຕສ໋ວ ຕສຢັ໋ງ, ແອ໋ງ ຕໍ້ ເມີ່ຍ ບົວ ດສ໋ວນ ນ້າຍ ນອມ ຕ໋ອງ.” 11 ຕສ໊ຽວ ກ໊ອງ, “ເຢຍ ຮິ້ວ ຕຸ໊ ເຢຍ ເຫວີ່ຍ ເມີ່ຍ ບົວ ມ່າຍ ເຍີຍ ຕສະເອີ໋ຍ, ເຊ ເຫວີ່ຍ ປຸນ ເມີ່ຍ ບົວ ຕຸ໊ ຫລົງ ໄມ້ ເຕສີ໌ຍ ຕຸ໊ ທສ້ຽວ, ເຫວີ່ຍ ປຸນ ເມີ່ຍ ບົວ ມ່າຍ ໂຮ໌ ອກາງ ຢ່າ ມ່າຍ ລ່ຳ ຮນ້ຳ ຕ໋ອງ. 12 ວົ້ວ ຕສັ່ນ ເມີ່ຍ ບົວ ອ໋ອຍ ເຫ່ວ ຈ໊ຽນ ໂທ້ ເຢຍ, ແອ໋ງ ຕ້າຍ ເຕົ໋າ ເກົ໋າ ລໍ໌ ເຢຍ. ເຢຍ ຢ່າ ອ໋ອຍ ໝວັງ ເມີ່ຍ ບົວ. 13 ເມີ່ຍ ບົວ ລໍ໌ ເຢຍ, ອ໋ອຍ ຕສຸ ຫລົ່ງ ເດສ່ງ ໂຮຍ້ວ ລໍ໌ ຕສ່ຽວ ລໍ໌ ຕຸ໊ ປວັດ.” 14 ຕສ໊ຽວ ກ໊ອງ, “ເຢຍ ອ໋ອຍ ປຸນ ເມີ່ຍ ບົວ ລໍ໌ ປວັດ ເຢຍ. ເຢຍ ຢ່າ ອ໋ອຍ ປຸນ ເມີ່ຍ ບົວ ດສ໋ວນ ຕ້າຍ ຕຸ໊ ຫລົງ ຮນັ້ງ ໂລ໌ ວົ້ວ ນໍ. ເຢຍ ອ໋ອຍ ຢຽມ ໝ່ານ ກົ໊ວະ ບຸດົ໋ງ ເຖສົາ ເຢຍ ຕສຸ່ນ ເມີ່ຍ ບົວ ມີ່ງ ເຍີຍ ນອມໆ ຕ໋ອງ, ຕົ້ງ ເຢຍ ປຸນ ເມີ່ຍ ບົວ ຕສຸ ກວ໊າດ ມີ່ງ ເຍີຍ ຕ໋ອງ, ຕໍ້ ເມີ່ຍ ບົວ ດສ໋ວນ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ. 15 ເຫວີ່ຍ ຕສຸ ເມີ່ຍ ບົວ ກ໊ອງ, “ ຕສ໊ຽວ ເຫວີ່ຍ ເຢຍ ບົວ ຢຽມ ບາບີລົນ ຫລຽບ ໂຕ່ວ ຫວ່າ ມ່ຽນ.” 16 ຕສ໊ຽວ ຮນັ້ງ ນ້າຍ ກ໊ອງ ເຖົາ ເຕສວີ໌ຍ ດາວິດ ເຍີຍ ເຫວີ່ຍ ເຍີຍ ຮູ່ງ ຢ່າ ກ໊ອງ ເຖົາ ຢຽມ ນ້າຍ ນອມ ຕສີ້ງ ຢຽດ ຕສູ໊ງ ແປະ ຝີງ, ຕົ້ງ ໄມ້ ເຖສົາ ເມີ່ຍ ບົວ ຕສຸ ກວ໊າດ ມີ່ງ ເຍີຍ ກໍ໋-ໂຢ໌ວ. 17 ເນິ່ນ ເຈ໋ຍ ເຍີຍ ຕສ໊ຽວ ຮນັ້ງ ນ້າຍ ກ໊ອງ, “ໝັ່ງ ມ່າະ! ເຢຍ ອ໋ອຍ ປຸນ ນິ່ນ ບົວ ຕສຸ ດສຸ ດ໊າວ, ຕສຸ ຫງໍ່ ຫຮນາງ, ຕສຸ ວວນ-ແປ່ງ ຢ່າ ປຸນ ນິ່ນ ບົວ ຮນັ້ງ ຫວ່າຍ ໄຫ່ ເຍີຍ ງົ່ງ ຫຍໍ ປ໊ຽວ. ຫວ່າຍ ເກົາ, ຕສູ໊ງ ໄມ້ ເປ໋ນ ຫຍັ່ນ. 18 ເຢຍ ອ໋ອຍ ຫລົ່ງ ດສຸ ດ໊າວ, ຫງໍ່ ຫຮນາງ ເຍີຍ ເຈົ໊າ ເຖສົາ ວວນ-ແປ່ງ ຕສຸ່ນ ນິ່ນ ບົວ. ເຢຍ ອ໋ອຍ ປຸນ ນິ່ນ ບົວ ເຫວີ່ຍ ລູ່ງ ເດ໊ຍ ໝ່ານ ກົ໊ວະ ເປ໋ນ ກ້ຳ ເດສ໋ຍ ໄຫ່ ເຍີຍ ມ່ຽນ, ຢ່າ ປຸນ ນິ່ນ ບົວ ຢຽມ ເຢຍ ຕສຸ່ນ ນິ່ນ ບົວ ມີ່ງ ເຍີຍ ນອມໆ ກົ໊ວະ ບຸດົ໋ງ ຕສຸ ມ່ຽນ ຕສ໋ຽວ, ແຮະ ມ່ຽນ ກ້ຳ ເດສ໋ຍ, ຕສຸ ມ່ຽນ ຮວວດ ຢ່າ ຕສຸ ມ່ຽນ ໝັ່ງ ເຜຍ.” 19 ຕສ໊ຽວ ກ໊ອງ, “ເຊ ເຫວີ່ຍ ຕສຸ ນິ່ນ ບົວ ໄມ້ ໝວັງ ເຢຍ ເຍີຍ ຫວ່າ, ຕົ້ງ ເຢຍ ຕສັ່ນໆ ພ້າຍ ເຢຍ ເຍີຍ ໂປວ ວົ້ວ ເຕີ໋ຍ ໂຕ່ວ ຫວ່າ ມ່ຽນ ກ໊ອງ ປຸນ ເມີ່ຍ ບົວ ໝວັງ. ມປ່າ ນິ່ນ ບົວ ໄມ້ ຄັ້ງ ໝວັງ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ. 20 ເມີ່ຍ ບົວ ຢຽດ ຕສູ໊ງ ຕສຸ ກວ໊າດ ມີ່ງ ເຍີຍ ມ່ຽນ, ເຊ ຢຽມ ເຢລູຊາເລມ ເຢຍ ເຫ່ວ ມີ່ງ ເຖົາ ບາບີລົນ ເຍີຍ ມ່ຽນ ອ້າ! ອ໋ອຍ ຕສຸ ໝວັງ ຕສ໊ຽວ ເຍີຍ ຫວ່າ. 21 ເນິ່ນ ເຈ໋ຍ ເຍີຍ ຕສ໊ຽວ, ອິສະລາເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ ເຖົາ ໂຄລາຢາ ເຍີຍ ຕອນ, ອາຫັບ, ເຖສົາ ມາອາເສອາ ເຍີຍ ຕອນ, ເສເດຄີຢາ. ນິ່ນ ບົວ ເຕ໊ງ ເຢຍ ເຍີຍ ເມ່ງ ໂຕ່ວ ຈ໊າ ຫວ່າ ບົ໋ວ ເມີ່ຍ ບົວ. ໝັ່ງ ມ່າະ! ເຢຍ ອ໋ອຍ ເຕສ໊າະ ນິ່ນ ບົວ ຈິວ ປຸນ ບາບີລົນ ເຍີຍ ຮູ່ງ, ເນບູຄັດເນດຊາ. ນິ່ນ ຕສ່ຽວ ຕອງ ຈ໊ຽນ ເມີ່ຍ ບົວ ໄຕ໋ ນິ່ນ ບົວ. 22 ເຊ ຫລາຍ ນ້າຍ ເຕີ໋ຍ ອີ ເຕົ້າ, ຢຽມ ບາບີລົນ ຕສຸ ກວ໊າດ ມີ່ງ ເຍີຍ ຢູດາ ມ່ຽນ ອ໋ອຍ ຫລົ່ງ ນ້າຍ ໂຈ໋ວ ເປ໋ນ ຕສ໋ຽວ ເຍີຍ ຫວ່າ ກ໊ອງ, “ໂທ້ ຕສ໊ຽວ ປຸນ ເມີ່ຍ ຮນັ້ງ ເສເດຄີຢາ ເຖສົາ ອາຫັບ, ຕົ້ງ ບາບີລົນ ຮູ່ງ ລ່ຽມ ນັ່ງ ເຍີຍ ປົ໊ວ ໄຕ່.” 23 ເຫວີ່ຍ ຕສຸ ນິ່ນ ບົວ ຢຽມ ອິສະລາເອນ ກະຍົ໌ວ ໂຕສ໋ວ ຫຮງົງ ເຍີຍ ສີ່. ນິ່ນ ບົວ ຫຮຢຽນ ຈວັ່ງ ລ໌າງ ມ່ຽນ ເຍີຍ ເອົ໊າ, ຢ່າ ເຕ໊ງ ເຢຍ ເຍີຍ ເມ່ງ ໂຕ່ວ ຈ໊າ ຫວ່າ, ຕົ້ງ ໄມ້ ເຕສີ໌ຍ ເຢຍ ພ້າຍ ນິ່ນ ບົວ ກ໊ອງ ເຍີຍ ຫວ່າ. ຮິ້ວ ເຍີຍ ເຊ ຕົ້ງ ເຢຍ. ໂຕສ໋ວ ຕສອງ-ເຕສ໋ງ ເຍີຍ ຢ່າ ຕົ້ງ ເຢຍ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ. ເຊໄມອາ ເຍີຍ ຝຽນ 24 ເມີ່ຍ ອ໋ອຍ ຕສຸ ກ໊ອງ ບົ໋ວ ເນເຮລາມ ມ່ຽນ, ເຊໄມອາ, 25 “ເນິ່ນ ເຈ໋ຍ ເຍີຍ ຕສ໊ຽວ, ອິສະລາເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, ‘ເມີ່ຍ ຫລົ່ງ ເມີ່ຍ ກັ້ນ ເຍີຍ ບົ໋ວ ຝູງ ຝຽນ ປຸນ ຢຽມ ເຢລູຊາເລມ ເຍີຍ ຕສວັ໋ງ ມ່ຽນ ຢ່າ ປຸນ ມາອາເສອາ ເຍີຍ ຕອນ, ເສຟັນຢາ ໄຊ ມ່ຽນ, ເຖສົາ ຕສວັ໋ງ ໄຊ ມ່ຽນ. ເມີ່ຍ ບົ໋ວ ເສຟັນຢາ, 26 ‘ ຕສ໊ຽວ ຕສູ໊ງ ຫລຽບ ເມີ່ຍ ໂຕສ໋ວ ໄຊ ມ່ຽນ ຕີ໊ ເຢໂຮຢາດາ ໄຊ ມ່ຽນ, ໂກ໋ວ ຕສັ່ງ ຕສ໊ຽວ ເຍີຍ ເປຢົ໊າ ກຸ໊ນ ເຕົ້າໆ ປຸ໊ດ ດິນ ເຍີຍ ໂຕ່ວ ຫວ່າ ມ່ຽນ, ຕສ່ຽວ ຫລົ່ງ ດຢັ໋ງ ກັບ ຈ໊ຽນ ນິ່ນ ເຍີຍ ປົ໌ວ-ເຕສົ໋າ, ແອ໋ງ ຫລົ່ງ ເຮລັຍ-ໂຄວ ໂຄວ ຈ໊ຽນ ຈາງ. 27 ອີ້ ຕສັ່ນ ເມີ່ຍ ບົວ ເຫວີ່ຍ ຫາຍ ຕິ່ວ ໄມ້ ກ໊ອງ ອານາທົດ ມ່ຽນ, ເຢເລມີ, ຕົ້ງ ໂຕ່ວ ຫວ່າ ບົ໋ວ ເມີ່ຍ ບົວ ວົ້ວ ເຕົ້າ? 28 ເຫວີ່ຍ ຕສຸ ນິ່ນ ເຟ້ຍ ຝຽນ ປຸນ ເຢຍ ບົວ ຢຽມ ບາບີລົນ ເຍີຍ ມ່ຽນ ກ໊ອງ, “ຕສຸ ກວ໊າດ ມີ່ງ ເຍີຍ ຕສຢັ້ງ ໂຫ່ ເລົ່າ ດ໊າວ ອ໊ະ. ເມີ່ຍ ບົວ ອ໋ອຍ ຕສຸ ກົ໊ມ ເປຢົ໊າ ຢ່າ ຢຽມ ຈ໊ຽນ ໜ່າຍ ກະຍົ໌ວ. ອ໋ອຍ ຕສຸ ໂຕສ໋ວ ຫຮວີງ ຕສວັ໋ງ ກະນ້າຍ ແອ໋ງ ຫຍັ່ນ ຫຮວີງ ທສວດ ເຍີຍ ກະນ້າຍ.”’” 29 ເສຟັນຢາ ໂຕະ ນ້າຍ ເຕສີ໊ຍ ຝຽນ ປຸນ ໂຕ່ວ ຫວ່າ ມ່ຽນ, ເຢເລມີ, ໝວັງ. 30 ເຢເລມີ ແອ໋ງ ຕຸ໊ ຕສິ໊ບ ຕສ໊ຽວ ເຍີຍ ຫວ່າ ກ໊ອງ, 31 “ເມີ່ຍ ອ໋ອຍ ຕສຸ ເຟ້ຍ ຝຽນ ມີ່ງ ປຸນ ຢຽດ ຕສູ໊ງ ຕສຸ ກວ໊າດ ມີ່ງ ເຍີຍ ມ່ຽນ ກ໊ອງ, ‘ ຕສ໊ຽວ ຮນັ້ງ ນ້າຍ ກ໊ອງ ເຖົາ ເນເຮລາມ ມ່ຽນ, ເຊໄມອາ, ‘ເຫວີ່ຍ ຕສຸ ເຊໄມອາ ໂຕ່ວ ຫວ່າ ບົ໋ວ ເມີ່ຍ ບົວ ຢ່າ ໄມ້ ເຕສີ໌ຍ ເຢຍ ພ້າຍ ນິ່ນ ມີ່ງ, ນິ່ນ ຢ່າ ປຸນ ເມີ່ຍ ບົວ ເຂົາ ກ໊ອງ-ແປະ ເຍີຍ ຫວ່າ.’ 32 ເຫວີ່ຍ ນ້າຍ ຕສ໊ຽວ ຮນັ້ງ ນ້າຍ ກ໊ອງ, ‘ໝັ່ງ ມ່າະ! ເຢຍ ອ໋ອຍ ຕີ່ງ ເນເຮລາມ ມ່ຽນ, ເຊໄມອາ, ເຖສົາ ນິ່ນ ເຍີຍ ເຕສີ໊ຍ-ຟຸນ ເຍີຍ ຕສຸ໌ຍ. ນິ່ນ ຕສູ໊ງ ໄມ້ ມ່າຍ ຢຽດ ເຕົ້າ ຢຽມ ຈ໊ຽນ ນ້າຍ ເຕີ໋ຍ ແປະ ຝີງ ບຸດົ໋ງ ຕຸ໊ ປວັດ ເຢຍ ໂຕສ໋ວ ຫລົງ ປຸນ ເຢຍ ເຍີຍ ແປະ ຝີງ ເຍີຍ ສີ່, ເຫວີ່ຍ ຕສຸ ນິ່ນ ກ໊ອງ ຫວ່າ ແຫງ່ງ ຕສ໊ຽວ. ” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ. |
Mien Bible (Lao Script) © 2007 Thailand Bible Society, 2007.
Thailand Bible Society