เย​เล​มี 21 - ฉบับอักษรลาว

ໂຕ່ວ ຫວ່າ ກ໊ອງ ເຢ​ລູ​ຊາ​ເລມ ອ໋ອຍ ຕສຸ ໝຽດ

¹ ເຢ​ເລ​ມີ ຕຸ໊ ຕສິ໊ບ ຕສ໊ຽວ ເຍີຍ ນ້າຍ ເຕີ໋ຍ ຫວ່າ ວົ້ວ ຕສັ່ນ, ເສ​ເດ​ຄີ​ຢາ ພ້າຍ ມັນ​ຄີ​ອາ ເຍີຍ ຕອນ, ປາດ​ເຮ, ເຖສົາ ມາ​ອາ​ເສ​ອາ ເຍີຍ ຕອນ, ເສ​ຟັນ​ຢາ ໄຊ ມ່ຽນ, ມີ່ງ ລໍ໌ ເຢ​ເລ​ມີ ກ໊ອງ,

² “ໂທ້ ເມີ່ຍ ເຫວີ່ຍ ເຢຍ ບົວ ໜ່າຍ ຕສ໊ຽວ, ເຫວີ່ຍ ຕສຸ ບາ​ບີ​ລົນ ເຍີຍ ຮູ່ງ, ເນ​ບູ​ຄັດ​ເນດ​ຊາ, ຕ້າຍ ເບ໊າະ ເຢຍ ບົວ. ເດສ໋ຍ ຕສ໊ຽວ ເຫວີ່ຍ ເຢຍ ບົວ ໂຕສ໋ວ ຕສິ໋ວ ນິ່ນ ເຍີຍ ຢຽດ ຕສູ໊ງ ບົວະ ຮ່ອງ ເຍີຍ ສີ່ ຕສ່ຽວ ປຸນ ຮູ່ງ ເຕ໋ຍ ຖຸຍ, ເລີ່ຍ ອກອຍ ເຢຍ ບົວ.”

³ ເຢ​ເລ​ມີ ຕສ່ຽວ ບົ໋ວ ນິ່ນ ບົວ,

⁴ “ເມີ່ຍ ບົວ ອ໋ອຍ ຕສຸ ບົ໋ວ ເສ​ເດ​ຄີ​ຢາ, ‘ ຕສ໊ຽວ, ອິ​ສະ​ລາ​ເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, “ເຢຍ ອ໋ອຍ ປຸນ ຢຽມ ເມີ່ຍ ບົວ ເຍີຍ ປົ໌ວ ເບ໊າະ ຈ໋າ ເຍີຍ ຫວົວະ ກິ່ນ ຕ໋າວ ດສ໋ວນ ຕ້າຍ, ຕົ້ງ ເມີ່ຍ ບົວ ຫລົ່ງ ເບ໊າະ ບາ​ບີ​ລົນ ຮູ່ງ ເຖສົາ ຢຽມ ຕສີ້ງ ຫລາດ ກະເຫຍ່ຍ ແໝງ ເວີ່ຍ ຈ໊ຽນ ເຍີຍ ເຄນ​ເດຍ ມ່ຽນ. ເຢຍ ຢ່າ ອ໋ອຍ ຊຽວ ນ້າຍ ເຕີ໋ຍ ຫວົວະ ກິ່ນ ຕ້າຍ ຢຽມ ຕສຸ໊ນ ນ້າຍ ນອມ ຕສີ້ງ ບຸດົ໋ງ.

⁵ ເຢຍ ກັ້ນ ອ໋ອຍ ຊູງ ເຢຍ ເຍີຍ ປົ໌ວ, ເຊ ເຢຍ ເຮ້ນ ໄຫ່ ເຍີຍ ປົ໌ວ, ເຖຈຍ ເຈ໌ຍ ຈ໊ຽນ, ໂນ໌ວ ໄຫ່, ກະເຖຈຍ ແປ໊ດ ທສວດ ເບ໊າະ ເມີ່ຍ ບົວ.

⁶ ເຢຍ ອ໋ອຍ ເບ໊າະ ຢຽມ ນ້າຍ ນອມ ຕສີ້ງ ເຍີຍ ມ່ຽນ, ລ່ຽມ ມ່ຽນ ລ່ຽມ ແຊງ-ຄູ້ ຕສູ໊ງ ຕສຸ ຕົ້ມ ວວນ-ແປ່ງ ໄຕ່.”

⁷ ຕສ໊ຽວ ກ໊ອງ, “ອກະຮ້າ ເຢຍ ອ໋ອຍ ເຕສ໊າະ ຢູ​ດາ ຮູ່ງ, ເສ​ເດ​ຄີ​ຢາ, ເຖສົາ ນິ່ນ ເຍີຍ ຈຽນ ເຖສົາ ນ້າຍ ນອມ ຕສີ້ງ ເຍີຍ ແປະ ຝີງ, ຕົ້ງ ເປຢົ໋າ ດຸ໊ດ ວວນ-ແປ່ງ, ດສຸ ດ໊າວ ເຖສົາ ຫງໍ່ ຫຮນາງ ເຍີຍ ເຈົ໊າ ວົ້ວ ເຕີ໋ຍ, ຈິວ ປຸນ ຢຽມ ບາ​ບີ​ລົນ ເຍີຍ ຮູ່ງ, ເນ​ບູ​ຄັດ​ເນດ​ຊາ, ເຍີຍ ປົ໌ວ-ເດ໊ຍ, ຢ່າ ຈິວ ປຸນ ຢຽມ ນິ່ນ ບົວ ເຍີຍ ວິນ-ວັ້ງ ເຍີຍ ປົ໌ວ-ເດ໊ຍ, ເຖສົາ ລໍ໌ ນິ່ນ ບົວ ເຍີຍ ແໝ່ງ ວົ້ວ ເຕີ໋ຍ ມ່ຽນ ເຍີຍ ປົ໌ວ-ເດ໊ຍ. ບາ​ບີ​ລົນ ຮູ່ງ ຕສ່ຽວ ຫລົ່ງ ດສຸ ດ໊າວ ໄຫລ່ ໄຕ໋ ນິ່ນ ບົວ, ໄມ້ ຄໍ້-ຟິ ນິ່ນ ບົວ, ໄມ້ ລ່ຽວ ນິ່ນ ບົວ, ໄມ້ ຄໍ້-ລ່ຽນ ນິ່ນ ບົວ.

⁸ “ເມີ່ຍ ບົວ ຢ່າ ອ໋ອຍ ຕສຸ ບົ໋ວ ນ້າຍ ເຕີ໋ຍ ແປະ ຝີງ, ‘ ຕສ໊ຽວ ຮນັ້ງ ນ້າຍ ກ໊ອງ, “ເຢຍ ເຕສ໊າະ ຕສຢັ້ງ ເຍີຍ ເຈົ໊າ ເຖສົາ ໄຕ່ ເຍີຍ ເຈົ໊າ ອັນ ຈ໊ຽນ ເມີ່ຍ ບົວ ເຍີຍ ດສະຮມຽນ.

⁹ ຫາຍ ເຕົ້າ ຢຽມ ຈ໊ຽນ ນ້າຍ ນອມ ຕສີ້ງ ຕສູ໊ງ ຕສຸ ດສຸ ດ໊າວ, ຕສຸ ຫງໍ່ ຫຮນາງ, ຕສຸ ວວນ-ແປ່ງ ໄຕ່. ມປ່າ ຫາຍ ເຕົ້າ ທສວດ ມີ່ງ ເຕສ໊າະ ກັ້ນ ຈິວ ປຸນ ເວີ່ຍ ຈ໊ຽນ ເມີ່ຍ ບົວ ເຍີຍ ເຄນ​ເດຍ ມ່ຽນ, ວົ້ວ ເຕົ້າ ຕສ່ຽວ ຕຸ໊ ແໝ່ງ ຕສຢັ້ງ, ເຊ ຕຸ໊ ນິ່ນ ເຍີຍ ແໝ່ງ ເປ໋ນ ເບ໊າະ ຈ໋າ ຕຸ໊ ຕ້າຍ ເຍີຍ ຕສີ້ງ ເຫຍີ່ຍ.

¹⁰ ເຢຍ ບ໊ຽນ ເຢຍ ເຍີຍ ຮມຽນ ໂຕສ໋ວ ປຸນ ນ້າຍ ນອມ ຕສີ້ງ, ປຸນ ຕສີ້ງ ຕສຸ ທສ້ຽວ, ໄມ້ ເຕສີ໌ຍ ຕຸ໊ ຫລົງ. ນ້າຍ ນອມ ຕສີ້ງ ຕສູ໊ງ ຕສຸ ຈິວ ປຸນ ບາ​ບີ​ລົນ ຮູ່ງ. ນິ່ນ ຕສ່ຽວ ຫລົ່ງ ໂຕ໌ວ ປົ໊ວ.”

ໂຕ່ວ ຫວ່າ ກ໊ອງ ຢູ​ດາ ຮູ່ງ ເຍີຍ ເຕສີ໊ຍ-ຟຸນ

¹¹ “ອ໋ອຍ ຕສຸ ກ໊ອງ ບົ໋ວ ຢູ​ດາ ຮູ່ງ ເຍີຍ ເຕສີ໊ຍ-ຟຸນ, ‘ໝວັງ ຕສ໊ຽວ ເຍີຍ ຫວ່າ ມ່າະ!

¹² ດາ​ວິດ ເຍີຍ ເຕສີ໊ຍ-ຟຸນ ອ້າ! ຕສ໊ຽວ ຮນັ້ງ ນ້າຍ ກ໊ອງ, “‘ດອມໆ ອ໋ອຍ ຕສຸ ແປ້ງ ຟິມ ເຍີຍ ຊ້ຽມ, ໂອຈ໋ວ ຕສຸ ລູ້ ເຍີຍ ມ່ຽນ ເປຢົ໋າ ດຸ໊ດ ເຕສີ໋ຍ ມ່ຽນ ວົ້ວ ເຕົ້າ ເຍີຍ ປົ໌ວ-ເດ໊ຍ. ເດສົ້າ ເຫີຍ ຫລາຍ ເມີ່ຍ ບົວ ໂຕສ໋ວ ເຍີຍ ເອ໊າະ ສີ່, ເຢຍ ເຍີຍ ກະເຖຈຍ ແປ໊ດ ທສວດ ຮນັ້ງ ໂຕ໌ວ ນໍ, ເຕສັຍ ຈ໊ຽນ ຢ່າ ໄມ້ ມ່າຍ ຫາຍ ເຕົ້າ ໄຮ່ ເບ໊າະ ໄຕ່.’

¹³ ຕສ໊ຽວ ກ໊ອງ, ‘ຢຽມ ຮ໌ອງ ເຍີຍ ແປະ ຝີງ ອ້າ! ເຢຍ ອ໋ອຍ ເບ໊າະ ເມີ່ຍ ບົວ. ເມີ່ຍ ບົວ ຢຽມ ເດົາ-ແປ້ງ ເຍີຍ ຫລະເປຢີ໊ຍ ເຍີຍ ມ່ຽນ ກ໊ອງ, “ຫາຍ ເຕົ້າ ອ໋ອຍ ເອຈ່ຍ ຕ້າຍ ເບ໊າະ ເຢຍ ບົວ? ໄຟ ຫາຍ ເຕົ້າ ອ໋ອຍ ເປັຍ ເຢຍ ບົວ ຢຽມ ເຍີຍ ຕ໋ອງ?”

¹⁴ ຕສ໊ຽວ ກ໊ອງ, ‘ຕສິ໋ວ ເມີ່ຍ ບົວ ໂຕສ໋ວ ເຍີຍ ສີ່ ເຢຍ ອ໋ອຍ ຕີ່ງ ເມີ່ຍ ບົວ ເຍີຍ ຕສຸ໌ຍ. ເຢຍ ອ໋ອຍ ຢຽມ ນ້າຍ ນອມ ຕສີ້ງ ເຍີຍ ເກ້ມ ຕ໊ຽມ ເຕສັຍ ໂຕ໌ວ. ໂຕ໌ວ ຕສ່ຽວ ປົ໊ວ ທຈຸຍ ເວີ່ຍ ກ໋ອມ ຕສີ້ງ ເຍີຍ ຢຽດ ຕສູ໊ງ.’”