เย​เล​มี 15 - ฉบับอักษรลาว

ຢູ​ດາ ຕສູ໊ງ ຕສຸ ຕີ່ງ ຕສຸ໌ຍ

¹ ຕສ໊ຽວ ແອ໋ງ ກ໊ອງ ບົ໋ວ ເຢຍ, “ໄມ້ ກຸ໊ນ ໂມ​ເຊ ເຖສົາ ຊາ​ມູ​ເອນ ໂຊ້ວ ຈ໊ຽນ ເຢຍ ເຍີຍ ດສະຮມຽນ, ເຢຍ ໄມ້ ມ່າຍ ໂຮຍ້ວ ໝັ່ງ ນ້າຍ ເຕີ໋ຍ ແປະ ຝີງ. ຕສຸ່ນ ນິ່ນ ບົວ ທສວດ ມີ່ງ ປຸນ ເຢຍ ໄມ້ ຕສຸ ປວັດ. ປຸນ ນິ່ນ ບົວ ມີ່ງ ອ໊ະ.

² ນິ່ນ ບົວ ຫາຍ ຕສັ່ນ ໜ່າຍ ເມີ່ຍ, ‘ເຢຍ ບົວ ອ໋ອຍ ຕສຸ ມີ່ງ ຫາຍ?’ ເມີ່ຍ ອ໋ອຍ ຕສຸ ບົ໋ວ ນິ່ນ ບົວ, ‘ ຕສ໊ຽວ ຮນັ້ງ ນ້າຍ ກ໊ອງ, “‘ປຸນ ແໝ່ງ ຕ໋າຍ ຕສຸ ວວນ-ແປ່ງ, ຕສ່ຽວ ຕສຸ ວວນ-ແປ່ງ, ປຸນ ແໝ່ງ ຕ໋າຍ ຕສຸ ດສຸ ດ໊າວ ໄຕ໋, ຕສ່ຽວ ຕສຸ ດສຸ ດ໊າວ ໄຕ໋, ປຸນ ແໝ່ງ ຕ໋າຍ ຕສຸ ຫງໍ່ ຫຮນາງ, ຕສ່ຽວ ຕສຸ ຫງໍ່ ຫຮນາງ, ປຸນ ແໝ່ງ ຕ໋າຍ ຕສຸ ກວ໊າດ ມີ່ງ, ຕສ່ຽວ ຕສຸ ກວ໊າດ ມີ່ງ ອ໊ະ.

³ “ ຕສ໊ຽວ ກ໊ອງ, ‘ເຢຍ ອ໋ອຍ ປຸນ ເປຢີຍ ຫຍູ່ງ ຫ່ອຍ ນິ່ນ ບົວ ຕສຸ ໝຽດ. ມ່າຍ ດສຸ ດ໊າວ ໄຕ໋, ມ່າຍ ຈູ໊ ເປ໊ດ, ມ່າຍ ດ໊າມ-ລູ່ງ ເຍີຍ ເໜາະ ເຖສົາ ເດົາ-ເປີ້ຍ ເຍີຍ ເຮ່ຍ ຕສ້ອຍ ຕ້າຍ ຫຍັ່ນ ໂຕສ໋ວ ໝຽດ.

⁴ ເຢຍ ອ໋ອຍ ປຸນ ລູ່ງ ເດ໊ຍ ໝ່ານ ກົ໊ວະ ມ່ຽນ ປວັດ ນ້າຍ ເຕີ໋ຍ ແປະ ຝີງ, ຕສ່ຽວ ແຮະ ນິ່ນ ບົວ ກ້ຳ ເດສ໋ຍ ໄຫ່, ຫລາຍ ຢູ​ດາ ເຍີຍ ຮູ່ງ, ເຮ​ເຊ​ຄີ​ຢາ, ເຍີຍ ຕອນ, ມະ​ນັດ​ເສ, ຢຽມ ເຢ​ລູ​ຊາ​ເລມ ໂຕສ໋ວ ເຍີຍ ສີ່.

⁵ “ເຢ​ລູ​ຊາ​ເລມ ອ້າ! ຫາຍ ເຕົ້າ ອ໋ອຍ ຄໍ້-ລ່ຽນ ເມີ່ຍ? ຫາຍ ເຕົ້າ ອ໋ອຍ ເຫວີ່ຍ ເມີ່ຍ ເດສົ້າ? ຫາຍ ເຕົ້າ ອ໋ອຍ ຮວິນ ມີ່ງ ໜ່າຍ, ‘ເມີ່ຍ ຫລົງ ເຍີຍ ໄຟ?’”

⁶ ຕສ໊ຽວ ກ໊ອງ, “ເມີ່ຍ ເອກ້ມ ເຢຍ, ເມີ່ຍ ຂູງ ຕສັ່ນໆ ຖຸຍ ໂປ່ວ ຮນັ້ງ. ເຢຍ ຕສ່ຽວ ຊູງ ປົ໌ວ ເບ໊າະ ເມີ່ຍ, ປຸນ ເມີ່ຍ ຕສຸ ໝຽດ. ເຢຍ ຫຍ່າງ ເກົາ, ໂຢ໋ວ ເດສ່ງ ໝີ່ ອ໊ະ.

⁷ ເຢຍ ອ໋ອຍ ຢຽມ ເຕີ່ຍ-ປູງ ເຍີຍ ນອມໆ ຕສີ້ງ, ໂຕສ໋ວ ປຸນ ເຢຍ ເຍີຍ ແປະ ຝີງ ຮນັ້ງ ຫລົ່ງ ກະນ້າຍ-ເທສ້ນ ເທສ້ນ ເບຢົ້າ ນໍ. ເຢຍ ອ໋ອຍ ປຸນ ນິ່ນ ບົວ ຕສຸ ກວັ່ງ ຝຸຈ໊ວຍ, ປຸນ ເຢຍ ເຍີຍ ແປະ ຝີງ ຕສຸ ໝຽດ, ຫລາຍ ນິ່ນ ບົວ ໄມ້ ກວັ່ງ ນິ່ນ ບົວ ເຍີຍ ເຈົ໊າ.

⁸ ເຢຍ ປຸນ ນິ່ນ ບົວ ເຍີຍ ເອົ໊າ-ກວ໊າ ເກົ້າ ທສ້ຳ ຄ້ອຍ ເຍີຍ ຊາ-ຕສຽວ. ລູ່ງ ອ໋ານ ຕສັ່ນ ໂຕສ໋ວ ໝຽດ ເຍີຍ ມ່ຽນ ຕ້າຍ ຫ່ອຍ ມ່ຽນ ຫລຸນ ມ່ຽນ ເຍີຍ ມາ. ເຢຍ ປຸນ ນິ່ນ ບົວ ລ່ຽມ ເຕສີ້ຍ ຕສຸ ໂຄ້ວ, ຕສຸ ແຮະ ກ້ຳ ເດສ໋ຍ.

⁹ ຢູ໌ງ ເຈ໋ຍ ເສ່ຍ ເຕົ້າ ຝຸຈ໊ວຍ ເຍີຍ ມເຊັຍ ຕອນ ເຍີຍ ທຈະ ເມົາ ຈ໊ຽນ ເອຈ່ຍ, ຕສູ໊ງ ເມີ່ຍ ໝີ່ ອ໊ະ. ນິ່ນ ເຍີຍ ລູ່ງ ຮນອຍ ຕສັ່ນ ທິ້ວ ຫຮມວັງ ມີ່ງ, ນິ່ນ ຕສຸ ໄຍ້, ຕສຸ ປ່າຍ ຮມຽນ. ເຕສ່ງ ເອຈ່ຍ ເຍີຍ ມ່ຽນ ເຢຍ ປຸນ ຢຽມ ນິ່ນ ບົວ ເຍີຍ ວິນ-ວັ້ງ ເຍີຍ ດສະຮມຽນ ຕສຸ ດສຸ ດ໊າວ ໄຕ໋.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.

¹⁰ ເຢຍ ເຍີຍ ມາ ອ່າ, ເຢຍ ຕສຸ ໂຄ້ວ ອ໊ະ, ເຫວີ່ຍ ຕສຸ ເມີ່ຍ ຢູ໌ງ ເຢຍ ຕ້າຍ. ເຢຍ ຕສຸ ເຖສົາ ເຕີ່ຍ-ປູງ ກະຍົ໌ວ ເຍີຍ ມ່ຽນ ຟິ້ວ-ແດສງ ຟິ້ວ-ຖສົງ. ເຢຍ ໄມ້ ປຸນ ມ່ຽນ ກ໊າ ເຢຍ ເຍີຍ, ເຢຍ ຢ່າ ໄມ້ ກ໊າ ມ່ຽນ ເຍີຍ, ຢຽດ ຕສູ໊ງ ມ່ຽນ ຖສໍ່ ຕສ໋ຽວ ເຢຍ.

¹¹ ຕສ໊ຽວ ອ່າ, ເຊ ກ໊ອງ ເຢຍ ໄມ້ ເຖງ ເມີ່ຍ ໂທ້ ປຸນ ນິ່ນ ບົວ ຕຸ໊ ຫລົງ, ຢ່າ ເຊ ກ໊ອງ ຕ໋ອຍ ຕສຸ ສີ່, ຕສຸ ເຕສະ ໜ່ານ ເຍີຍ ຕສຢັ້ງ ໂຫ່ ເຢຍ ໄມ້ ເຫວີ່ຍ ວິນ-ວັ້ງ ເຖງ ເມີ່ຍ ໂທ້, ກຸ໊ນ ປຸນ ຮນັ້ງ ໜ່າຍ.

¹² “ມ່ຽນ ໄຮ່ ວວດ ເຮລັຍ ເນົ້າ, ເຊ ປ໊ະ ປູງ ຕ້າຍ ເຍີຍ ເຮລັຍ ເຖສົາ ຕົ້ງ ຊິ ໄຟ?

¹³ ຫລາຍ ຢຽມ ກ໋ອມ ເມີ່ຍ ເຍີຍ ເຕີ່ຍ ກະຍົ໌ວ ນອມໆ ຕ໋ອງ, ປ໌າມ ເຍີຍ ຢຽດ ຕສູ໊ງ ຕສຸ໌ຍ, ເຢຍ ອ໋ອຍ ເຕສ໊າະ ເມີ່ຍ ເຍີຍ ຕສິ້ນ ຕສ້ອຍ ເຖສົາ ຈ໋າຍ ເຍີຍ ກະນ້າຍ ປຸນ ວິນ-ວັ້ງ ແປະໆ ລູ້ ມີ່ງ.

¹⁴ ເຢຍ ອ໋ອຍ ປຸນ ເມີ່ຍ ຢຽມ ເມີ່ຍ ໄມ້ ຮິ້ວ ເຍີຍ ເຕີ່ຍ-ປູງ ຟູ-ສູ ເມີ່ຍ ເຍີຍ ວິນ-ວັ້ງ, ເຫວີ່ຍ ຕສຸ ເຢຍ ເຖຈຍ ເຈ໌ຍ ຮນັ້ງ ອຈົບ ໂຕ໌ວ ນໍ. ໂຕ໌ວ ຢຽດ ລິ໌ວ ເຕສັຍ ຈ໊ຽນ ໄມ້ ໄຕ່.”

¹⁵ ຕສ໊ຽວ ອ່າ, ເມີ່ຍ ຮິ້ວ ເຍີຍ. ໂທ້ ຈັ໋ງ ເຢຍ, ຕ້າຍ ໝັ່ງ ເຢຍ, ຢ່າ ເຖງ ເຢຍ ຈ໊າວ ວິນ ຫ່ອຍ ເຢຍ ວົ້ວ ເຕີ໋ຍ ວິນ-ວັ້ງ. ເຫວີ່ຍ ເມີ່ຍ ເຍີຍ ໂຮຍ້ວ ໄຮ່ ຍ໌ຽນ ຕຸ໊, ໂທ້ ໄມ້ ຕູ໋ງ ຕໍ້ ເຢຍ ມີ່ງ. ໂທ້ ເມີ່ຍ ຮນ້ຳ ເຖົາ ເຢຍ ເຫວີ່ຍ ເມີ່ຍ ເຕ໊ຍ ມ່ຽນ ເອກ້ມ.

¹⁶ ຕສ໊ຽວ, ເນິ່ນ ເຈ໋ຍ ເຍີຍ ທິນ-ຮູ່ງ ອ່າ, ເຢຍ ຕຸ໊ ເມີ່ຍ ເຍີຍ ຫວ່າ ເຊ ຕ໋ອງ ເຢຍ ເຍີຍ ຫຍັ່ນ ຮົບ. ເມີ່ຍ ເຍີຍ ຫວ່າ ປຸນ ເຢຍ ອຈຽນ-ໂຢ້ວ ຢ່າ ປຸນ ເຢຍ ໂຮຍ້ວ ອະເຮນີ້ຍ, ເຫວີ່ຍ ຕສຸ ເຢຍ ເຊ ກັນ ເມີ່ຍ ເຍີຍ ບົ໋ວ ເຫ່ວ ເຍີຍ ມ່ຽນ.

¹⁷ ເຢຍ ໄມ້ ເຕສວີ໌ຍ ເໜົ່າ ຫຍິດ ເຍີຍ ມ່ຽນ ບຸດົ໋ງ, ເຢຍ ກັ້ນ ຢ່າ ໄມ້ ໂຕສ໋ວ ອຈຽນ-ໂຢ້ວ. ເຢຍ ກັ້ນ ດຸ ເຕົ້າ ເຕສວີ໌ຍ ຮນັ້ງ, ເຫວີ່ຍ ຕສຸ ເມີ່ຍ ຫັດ ຈ໊ຽນ ເຢຍ, ຢ່າ ເຫວີ່ຍ ເມີ່ຍ ປຸນ ເຢຍ ເຖຈຍ ເຈ໌ຍ! ໄຫ່.

¹⁸ ເຢຍ ເຫວີ່ຍ ຫາຍ ຕິ່ວ ໄມ້ ຕີ້ງ ລ່ຽວ ເຍີຍ ມຸນ ຈ໊ຽນ ຢຽມ? ເຢຍ ຕສຸ ຊຢັງ ເຍີຍ ຕ໋ອງ ເຫວີ່ຍ ຫາຍ ຕິ່ວ ຕສໍ່ ໄມ້ ໄຮ່ ຫລົງ? ເມີ່ຍ ເຫວີ່ຍ ເຢຍ ອ໋ອຍ ຮນັ້ງ ໄມ້ ມ່າຍ ວວມ ຫລ່ຽວ ເຍີຍ ໂດ໊ະ, ຢ່າ ຮນັ້ງ ອກາຍ ມີ່ງ ເຍີຍ ວວມ-ຕສີ໊ງ ໄຟ?

¹⁹ ເຫວີ່ຍ ນ້າຍ ຕສ໊ຽວ ຮນັ້ງ ນ້າຍ ກ໊ອງ, “ເຊ ກ໊ອງ ເມີ່ຍ ດສ໋ວນ ຕ້າຍ, ເຢຍ ປຸນ ເມີ່ຍ ຕຸ໊ ຫລົງ ຮນັ້ງ ໂລ໌ ວົ້ວ ນໍ, ເມີ່ຍ ຢ່າ ຕຸ໊ ໂຊ້ວ ເຢຍ ເຍີຍ ດສະຮມຽນ. ເຊ ກ໊ອງ ເມີ່ຍ ກ໊ອງ ຈ໋າຍ ເຍີຍ ຫວ່າ, ໄມ້ ກ໊ອງ ໄມ້ ລ່ຳ ຫລົ່ງ ເຍີຍ ຫວ່າ ເມີ່ຍ ຕສ່ຽວ ຕ໋ອງ ເຢຍ ເຍີຍ ດສຸ້ຍ. ນິ່ນ ບົວ ຕສ່ຽວ ຮວິນ ຕ້າຍ ລໍ໌ ເມີ່ຍ, ມປ່າ ເມີ່ຍ ໄມ້ ຕູ໋ງ ຮວິນ ມີ່ງ ລໍ໌ ນິ່ນ ບົວ.

²⁰ ເຢຍ ຕສ່ຽວ ປຸນ ເມີ່ຍ ເຫວີ່ຍ ນ້າຍ ເຕີ໋ຍ ແປະ ຝີງ ເປ໋ນ ວ້ວນ ເຍີຍ ຕົ້ງ ຊິ ຫລາດ. ນິ່ນ ບົວ ອ໋ອຍ ເຖສົາ ເມີ່ຍ ເບ໊າະ ຈ໋າ ມປ່າ ເບ໊າະ ໄມ້ ຮີ່ງ ເມີ່ຍ, ເຫວີ່ຍ ຕສຸ ເຢຍ ເຖສົາ ເມີ່ຍ ຢຽມ, ອ໋ອຍ ໂອຈ໋ວ ເມີ່ຍ, ເຖງ ເມີ່ຍ ເປຢົ໋າ ດຸ໊ດ.” ນ້າຍ ເຊ ຕສ໊ຽວ ເຍີຍ ຫວ່າ.

²¹ “ເຢຍ ອ໋ອຍ ໂອຈ໋ວ ເມີ່ຍ ເປຢົ໋າ ດຸ໊ດ ເອ໊າະ ມ່ຽນ ເຍີຍ ປົ໌ວ-ເດ໊ຍ, ຢ່າ ຕສົວະ ເມີ່ຍ ທສວດ ມ່ຽນ ໂຕະ ມ່ຽນ ເຍີຍ ປົ໌ວ.”