อิสะยา 64 - ฉบับอักษรลาว1 ໂອ ຕສ໊ຽວ ອ່າ, ໂທ້ ເມີ່ຍ ເປ໊ດ ອກອຍ ລູ່ງ ເອຈ່ຍ ຕ້າຍ ປຸນ ບົງ ຢຽມ ເມີ່ຍ ເຍີຍ ດສະຮມຽນ ຕົ໌ງ 2 ຮນັ້ງ ໂຕ໌ວ ເຕສັຍ ຢຽດ ດຸຍ ດຢັ໋ງ-ອກວ້າ ຍັງ ປົ໊ວ ວວມ ເບວີ໋ຍ, ເຫວີ່ຍ ປຸນ ເມີ່ຍ ເຍີຍ ວິນ-ວັ້ງ ຮິ້ວ ຕຸ໊ ເມີ່ຍ ເຍີຍ ເມ່ງ, ຕສ່ຽວ ປຸນ ໝ່ານ ກົ໊ວະ ຢຽມ ເມີ່ຍ ເຍີຍ ດສະຮມຽນ ຊິນ ຕສິ໋ນ. 3 ເມີ່ຍ ໂຕສ໋ວ ຕົ້ງ ເຢຍ ບົວ ຮນ້ຳ ໄມ້ ເຖົາ ເຍີຍ ບົວະ ຮ່ອງ ສີ່. ເມີ່ຍ ເອຈ່ຍ ຕ້າຍ, ບົງ ຢ່າ ຢຽມ ເມີ່ຍ ເຍີຍ ດສະຮມຽນ ຕົ໌ງ. 4 ຢຽມ ໂລ໌-ຮນອຍ ຕ້າຍ ໄມ້ ມ່າຍ ຫາຍ ເຕົ້າ ໄຮ໌ ເຈ໋ຍ, ໄຟ ຫາຍ ເຕົ້າ ເຍີຍ ມນ່ອມ ຕຸ໊ ໝວັງ ເຈ໋ຍ, ຢ່າ ໄມ້ ມ່າຍ ຫາຍ ເຕົ້າ ເຍີຍ ມຕສີງ ປວັດ ເຈ໋ຍ ຫາຍ ເຕົ້າ ທິນ-ຮູ່ງ ທສວດ ລິ໌ວ ເມີ່ຍ, ຕົ້ງ ເຖງ ຕສົ໊ວ ນິ່ນ ວົ້ວ ເຕີ໋ຍ ມ່ຽນ. 5 ເມີ່ຍ ຕສິ໊ບ ອະເຮນີ້ຍ ໂຕສ໋ວ ຫອບ ເຍີຍ ມ່ຽນ, ເຊ ຈັ໋ງ ເມີ່ຍ ເຍີຍ ເຈົ໊າ ເຍີຍ ມ່ຽນ. ໝັ່ງ ມ່າະ! ເມີ່ຍ ເຖຈຍ ເຈ໌ຍ ເຫວີ່ຍ ຕສຸ ເຢຍ ບົວ ປ໌າມ ຕສຸ໌ຍ. ເຢຍ ບົວ ຢຽມ ຕສຸ໌ຍ ກະຍົ໌ວ ເລົ່າ ເຍີຍ, ວົ້ວ ຫຍູ່ງ ເຢຍ ບົວ ໄຮ່ ຕຸ໊ ໂອຈ໋ວ ໄຟ? 6 ເຢຍ ບົວ ຢຽດ ຕສູ໊ງ ຕສ່ຽວ ຮນັ້ງ ໄມ້ ທສີງ-ເດສ່ງ ເຍີຍ ມ່ຽນ. ເຢຍ ບົວ ໂຕສ໋ວ ເຍີຍ ຢຽດ ຕສູ໊ງ ຄູ້ ສີ່ ຢ່າ ຮນັ້ງ ໄລ່ ຮລົບ ເຍີຍ ລຸຍ-ໂຫວ. ເຢຍ ບົວ ຢຽດ ຕສູ໊ງ ຮນັ້ງ ດຢັ໋ງ-ນ່ອມ ນໍ, ເຫຍົາ ເດສ່ງ. ເຢຍ ບົວ ເຍີຍ ຕສຸ໌ຍ-ໜິບ ຢ່າ ຮນັ້ງ ດສຢ໋າວ ນໍ, ປ່ວນ ເຢຍ ບົວ ມີ່ງ. 7 ໄມ້ ມ່າຍ ຫາຍ ເຕົ້າ ເຕົ໋າ ເກົ໋າ ໂຈ້ວ ເມີ່ຍ ເຍີຍ ເມ່ງ. ໄມ້ ມ່າຍ ຫາຍ ເຕົ້າ ຕົ໌ງ ຊິນ ນັ້ນ ຈ໊ຽນ ເມີ່ຍ, ເຫວີ່ຍ ຕສຸ ເມີ່ຍ ປວັງ ເມີ່ຍ ເຍີຍ ຮມຽນ, ໄມ້ ໝັ່ງ ເຢຍ ບົວ, ຢ່າ ເຕສ໊າະ ເຢຍ ບົວ ກວັ່ງ ຈ໊ຽນ ຢຽມ ເຢຍ ບົວ ເຍີຍ ຕສຸ໌ຍ ກະຍົ໌ວ. 8 ມປ່າ ຕສ໊ຽວ ອ່າ, ເມີ່ຍ ຖສໍ່ ໂຕສ໋ວ ເຢຍ ບົວ ເຍີຍ ເຕຍ. ເຢຍ ບົວ ໂຕສ໋ວ ປະໄນ່ ເນຍ, ເມີ່ຍ ເຊ ນັ້ນ ເນຍ ຕສັ່ງ. ເຢຍ ບົວ ຢຽດ ຕສູ໊ງ ເປ໋ນ ເມີ່ຍ ເຍີຍ ປົ໌ວ-ເຕົ້າ ໂຕສ໋ວ ເຍີຍ ກົງ. 9 ໂອ ຕສ໊ຽວ ອ່າ, ໄມ້ ຕູ໋ງ ເຖຈຍ ເຈ໌ຍ ທສ້ຳ ເຈ໋ຍ ດ່າງ, ໄມ້ ຕູ໋ງ ຢຽດ ລິ໌ວ ຈັ໋ງ ເຢຍ ບົວ ເຍີຍ ຕສຸ໌ຍ. ເຢຍ ບົວ ໂທ້ ເມີ່ຍ ໝັ່ງ ຈ໊ຽນ ເຢຍ ບົວ ເຫວີ່ຍ ຕສຸ ເຢຍ ບົວ ຢຽດ ຕສູ໊ງ ເປ໋ນ ເມີ່ຍ ເຍີຍ ແປະ ຝີງ. 10 ເມີ່ຍ ເຍີຍ ທສີງ-ເດສ່ງ ຕສີ້ງ ເປ໋ນ ເຕີ່ຍ-ປູງ-ຮວາງ. ລ່ຽມ ສິໂອນ ເປ໋ນ ເຕີ່ຍ-ປູງ-ຮວາງ, ເຢລູຊາເລມ ເປ໋ນ ປ່າຍ ຮວາງ ເຍີຍ ຕ໋ອງ. 11 ເຢຍ ບົວ ທສີງ-ເດສ່ງ, ເດສວີ່ຍ ໄຫ່ ເຍີຍ ສີງ ຕິ່ນ, ຕົ້ງ ເຢຍ ບົວ ເຍີຍ ອົງ-ຖາຍ ຢຽມ ເຫວີ່ຍ ເທສງ ເມີ່ຍ ເຍີຍ ຕ໋ອງ, ຕສຸ ໂຕ໌ວ ປົ໊ວ ທຈຸຍ. ເຢຍ ບົວ ຝຸນ ຈ໋າຍ ເຍີຍ ຢຽດ ຕສູ໊ງ ກະນ້າຍ ຢ່າ ຕສຸ ປ່າຍ ຫວ່າຍ ເດສ່ງ ໝີ່ ອ໊ະ. 12 ຕສ໊ຽວ ອ່າ, ມ່າຍ ນ້າຍ ເຕີ໋ຍ ສີ່ ເມີ່ຍ ຖສໍ່ ໄຮ່ ຍ໌ຽນ ຕຸ໊ ຈ໊ຽນ ເຍີຍ ໄຟ? ເມີ່ຍ ຖສໍ່ ໄມ້ ໂຄ ໂລ, ຢ່າ ປຸນ ເຢຍ ບົວ ຕສຸ ສ່ຽວ ຊຽມ ໄຫ່ ເຍີຍ ໜ່ານ ຕສີ້ງ ໄຟ? |
Mien Bible (Lao Script) © 2007 Thailand Bible Society, 2007.
Thailand Bible Society