อิ​สะ​ยา 50 - ฉบับอักษรลาว

ທິນ-ຮູ່ງ ເຖງ ນິ່ນ ເຍີຍ ໂປວ

¹ ຕສ໊ຽວ ຮນັ້ງ ນ້າຍ ນໍ ກ໊ອງ, “ເຢຍ ຫລົ່ງ ຕສຸ່ນ ເມີ່ຍ ບົວ ເຍີຍ ມາ ເປຢົ໋າ ວົ້ວ ເຕສີ໊ຍ ເລີ່ຍ ໄທສ ໂຊວ ຢຽມ ຫາຍ? ໄຟ ເຢຍ ເຕສ໊າະ ເມີ່ຍ ບົວ ໝ່າຍ ປຸນ ເຢຍ ເຍີຍ ຫາຍ ເຕົ້າ ແຕສ໊ະ-ຕສ໊ຽວ? ເຊ ຫລາຍ ເມີ່ຍ ບົວ ເຍີຍ ຕສຸ໌ຍ ເມີ່ຍ ບົວ ຖສີງ ຕສຸ ໝ່າຍ. ຫລາຍ ເມີ່ຍ ບົວ ປ໌າມ ຕສຸ໌ຍ ເມີ່ຍ ບົວ ເຍີຍ ມາ ຖສີງ ຕສຸ ຕສຸ່ນ ເປຢົ໋າ.

² ເຢຍ ຕ້າຍ ເຍີຍ ຕສຢັ້ງ ໂຫ່ ເຫວີ່ຍ ຫາຍ ຕິ່ວ ໄມ້ ມ່າຍ ມ່ຽນ ຕສົ໊ວ? ເຢຍ ເຫ່ວ ເຍີຍ ຕສຢັ້ງ ໂຫ່ ເຫວີ່ຍ ຫາຍ ຕິ່ວ ໄມ້ ມ່າຍ ຫາຍ ເຕົ້າ ເຕົາ? ເຢຍ ເຍີຍ ປົ໌ວ ນັ້ງ ໄຫ່, ໄມ້ ໄຮ່ ຕສົວະ ເມີ່ຍ ບົວ ໄຟ? ເຢຍ ໄມ້ ມ່າຍ ທຈະ ໂອຈ໋ວ ໄຟ? ໝັ່ງ ມ່າະ! ເຢຍ ຫັດ ຄ້ອຍ, ຄ້ອຍ ຕສ່ຽວ ອກາຍ ໝີ່ ອ໊ະ. ເຢຍ ປຸນ ດ້າຍ ເປ໋ນ ເຕີ່ຍ-ປູງ-ຮວາງ. ຢຽມ ໜ່າຍ ເຍີຍ ເບຢົ໌າ ຫລາຍ ໄມ້ ມ່າຍ ວວມ ຕສ່ຽວ ໄຕ່, ຮູ້ ເຕສວີ໋ຍ ເດສ່ງ.

³ ເຢຍ ປຸນ ລູ່ງ ຫຮມວັງ ມີ່ງ ຕ໋ອງ ລຸຍ-ໂຫວ, ຢ່າ ຫລົ່ງ ຫລະມ່າ ເດຍ-ໂທສວ ກົ໊ມ ຈ໊ຽນ.”

⁴ ຕສ໊ຽວ ທິນ-ຮູ່ງ ອຈ໋າວ ເຢຍ ອ໋ອຍ ຕສຸ ກ໊ອງ ຫາຍ ຫຍູ່ງ ຫອບ ເຍີຍ ຫວ່າ ເຫວີ່ຍ ຫລົ່ງ ຫວ່າ ເຖງ ປ໊າ ຈ໊ຽນ ໂຄ້ວ ເຍີຍ ມ່ຽນ. ຕສ໊ຽວ ດອມໆ ເຫ່ວ ເຢຍ ເຍຍ ຕ້າຍ, ເຫວີ່ຍ ປຸນ ເຢຍ ເຍີຍ ມນ່ອມ ໝວັງ ນິ່ນ ອ໋ອຍ ອຈ໋າວ ເຢຍ ເຍີຍ ຫວ່າ.

⁵ ຕສ໊ຽວ ທິນ-ຮູ່ງ ປຸນ ເຢຍ ເຍີຍ ມນ່ອມ ໝວັງ ຕຸ໊ ໄຮ໌, ເຢຍ ຢ່າ ໄມ້ ແຫງ່ງ, ຢ່າ ໄມ້ ຮວິນ ກັ້ນ ປູງ.

⁶ ມ່ຽນ ເບ໊າະ ເຢຍ ເຍີຍ ຕິ ຕ໌ານ, ເຢຍ ເຊວີ່ຍ ມ່ຽນ ເບ໊າະ. ມ່ຽນ ແປງ ເຢຍ ເຍີຍ ຊຢາມ, ເຢຍ ຮວິນ ເຢຍ ເຍີຍ ຂຳ-ປຸຍ ປຸນ ນິ່ນ ບົວ. ມ່ຽນ ປຸນ ເຢຍ ຕສຸ ໄຍ້, ທຸ້ຍ ວວມ-ດສຸ້ຍ ປຸນ ເຢຍ, ເຢຍ ໄມ້ ປວັງ ເຢຍ ເຍີຍ ຮມຽນ.

⁷ ເຫວີ່ຍ ຕສຸ ຕສ໊ຽວ ທິນ-ຮູ່ງ ເຖງ ເຢຍ, ເຢຍ ໄມ້ ຕສຸ ໄຍ້. ເຢຍ ຕສ່ຽວ ແຫງ່ງ ຈ໊ຽນ ຮນັ້ງ ໂຕ໌ວ-ເລົາ ນໍ ແຫງ່ງ, ຢ່າ ຮິ້ວ ຕຸ໊ ເຢຍ ໄມ້ ຕສຸ ປ່າຍ ຮມຽນ.

⁸ ກ໊ອງ ເຢຍ ໂຕສ໋ວ ຕຸ໊ ຫອບ ວົ້ວ ເຕົ້າ ຢຽມ ນິດ ຟັດ ເຢຍ, ວົ້ວ ຫຍູ່ງ ຫາຍ ເຕົ້າ ອ໋ອຍ ເຖສົາ ເຢຍ ໂຕສ໋ວ ສີ່? ປຸນ ວົ້ວ ເຕົ້າ ເຖສົາ ເຢຍ ໂຊ້ວ ຈ໊ຽນ ນ້າຍ. ຫາຍ ເຕົ້າ ໂກ໋ ເຢຍ? ປຸນ ນິ່ນ ຕ້າຍ ຢຽມ ນິດ ຟັດ ເຢຍ.

⁹ ເຊ ຕສ໊ຽວ ທິນ-ຮູ່ງ ເຖງ ເຢຍ. ຫາຍ ເຕົ້າ ໄຮ່ ໂກ໋ ເຢຍ, ກ໊ອງ ເຢຍ ໂຕສ໋ວ ຕ່ອງ? ນິ່ນ ບົວ ຢຽດ ຕສູ໊ງ ອ໋ອຍ ຮນັ້ງ ລຸຍ-ໂຫວ ໂລ໌ ມີ່ງ, ຕສຸ ແກງ ຫຍັ່ນ ເດສ່ງ.

¹⁰ ຢຽມ ເມີ່ຍ ບົວ ບຸດົ໋ງ, ຫາຍ ເຕົ້າ ທ່າຍ ຕສ໊ຽວ, ຢ່າ ໝວັງ ນິ່ນ ເຍີຍ ໂປວ ເຍີຍ ຫວ່າ? ນິ່ນ ຢັ້ງ ຫຮມວັງ ເຍີຍ ຕ໋ອງ, ໄມ້ ມ່າຍ ອຈັງ, ນິ່ນ ອ໋ອຍ ຕສຸ ເຂົາ ຕສ໊ຽວ ເຍີຍ ເມ່ງ, ຢ່າ ປັ່ງ ນິ່ນ ເຍີຍ ທິນ-ຮູ່ງ.

¹¹ ຕະຟ່ານ ເມີ່ຍ ບົວ ຢຽດ ຕສູ໊ງ ຕ໊ຽມ ໂຕ໌ວ ປົ໊ວ ເຕສັຍ ໂຕ໌ວ-ປ໊າ ເຍີຍ ມ່ຽນ, ກຸ໊ນ ປັ່ງ ເມີ່ຍ ບົວ ຕ໊ຽມ ເຍີຍ ໂຕ໌ວ ເຖສົາ ປົ໊ວ ເຕສັຍ ເຍີຍ ໂຕ໌ວ-ປ໊າ ເຍີຍ ອຈັງ ຢັ້ງ ມ່າະ! ນ້າຍ ເຊ ເຢຍ ເຍີຍ ປົ໌ວ ອ໋ອຍ ໂຕສ໋ວ ເຍີຍ, ເຊ ປຸນ ເມີ່ຍ ບົວ ເປວີ໋ຍ ເອຈ່ຍ ຕສຸ ສ່ຽວ ໂຄ້ວ.