อิ​สะ​ยา 38 - ฉบับอักษรลาว

ເຮ​ເຊ​ຄີ​ຢາ ປຸ໊ດ ແປ່ງ

¹ ຕ໋ອຍ ວົ້ວ ເຕີ໋ຍ ຕສຢັ້ງ ໂຫ່ ເຮ​ເຊ​ຄີ​ຢາ ປຸ໊ດ ແປ່ງ ໂຄ້ວ, ຄ້າ ເຕີ໋ຍ ໄຕ່ ໝີ່ ອ໊ະ. ອາ​ມອດ ເຍີຍ ຕອນ, ວົ້ວ ເຕົ້າ ໂຕ່ວ ຫວ່າ ມ່ຽນ, ອິ​ສະ​ຢາ, ມີ່ງ ໝັ່ງ ນິ່ນ ແອ໋ງ ກ໊ອງ ບົ໋ວ ນິ່ນ, “ ຕສ໊ຽວ ຮນັ້ງ ນ້າຍ ກ໊ອງ. ‘ເມີ່ຍ ອ໋ອຍ ຕສຸ ຫລິ່ວ ເລີ໌ຍ ຫຍູ່ງໆ ຊູງ ເຫວີ່ຍ ຕສຸ ເມີ່ຍ ຕສູ໊ງ ອ໋ອຍ ຕສຸ ໄຕ່. ເມີ່ຍ ໄມ້ ໄຮ່ ຫລົງ.’”

² ເຮ​ເຊ​ຄີ​ຢາ ຕສ່ຽວ ຮວິນ ຮມຽນ ມີ່ງ ອຈົ່ງ ວົ້ວ ປູງ ເຕົ໋າ ເກົ໋າ ກ໊ອງ ບົ໋ວ ຕສ໊ຽວ,

³ “ໂອ ຕສ໊ຽວ ອ່າ, ໂທ້! ເມີ່ຍ ຈັ໋ງ ຈ໊ຽນ ເຢຍ ຢຽມ ເມີ່ຍ ເຍີຍ ດສະຮມຽນ ຕສຽບ ຕສົ໊ວະ ເຍີຍ ຫລົ່ງ ເດສ່ງ ໂຮຍ້ວ ກັນ ເມີ່ຍ, ຢ່າ ຕສິ໋ວ ເມີ່ຍ ໝັ່ງ, ເຢຍ ໂຕສ໋ວ ຕຸ໊ ຫລົງ.” ເຮ​ເຊ​ຄີ​ຢາ ຕສ່ຽວ ຍ້ຽມ ຕຸ໊ ໂຮຍ້ວ ມຸນ ໄຫ່.

⁴ ອິ​ສະ​ຢາ ຕສິ໊ບ ຕສ໊ຽວ ເຍີຍ ຫວ່າ ກ໊ອງ,

⁵ “ມີ່ງ ບົ໋ວ ເຮ​ເຊ​ຄີ​ຢາ, ‘ ຕສ໊ຽວ, ເມີ່ຍ ເຍີຍ ອົງ-ຖາຍ, ດາ​ວິດ, ເຍີຍ ທິນ-ຮູ່ງ, ຮນັ້ງ ນ້າຍ ນໍ ກ໊ອງ, “ເຢຍ ໄຮ໌ ເມີ່ຍ ເຕົ໋າ ເກົ໋າ ເຍີຍ ຫວ່າ ຢ່າ ປວັດ ເມີ່ຍ ເຍີຍ ວວມ-ເໝວີ່ຍ. ເຢຍ ອ໋ອຍ ຕສໍ່ ຫລົງ ເມີ່ຍ. ເຢຍ ອ໋ອຍ ຈາ ປຸນ ເມີ່ຍ ຕສຢັ້ງ ຕສຽບ ຮມ໌ ຫຮຍັງ.

⁶ ເຢຍ ຢ່າ ອ໋ອຍ ໂອຈ໋ວ ເມີ່ຍ ເຖສົາ ນ້າຍ ນອມ ຕສີ້ງ ເລີ່ຍ ດຸ໊ດ ອັດ​ຊີ​ເລຍ ຮູ່ງ ເຍີຍ ປົ໌ວ-ເດ໊ຍ. ເຢຍ ອ໋ອຍ ເປວ ນ້າຍ ນອມ ຕສີ້ງ.”

⁷ “‘ນ້າຍ ເຊ ຕສ໊ຽວ ອ໋ອຍ ປຸນ ເມີ່ຍ ເຍີຍ ຈັ໋ງ-ໂຫ່, ປຸນ ທສີງ ຕສ໊ຽວ ອ໋ອຍ ເອີຍ ຈ໊ຽນ ນິ່ນ ແລ໌ງ ເຍີຍ ຫວ່າ ໂຕສ໋ວ.

⁸ ໝັ່ງ ມ່າະ! ເຢຍ ອ໋ອຍ ປຸນ ຫຍຸດ ເຍີຍ ຕົ້ງ ລິ່ນ ຢຽມ ອາ​ຫັດ ເຍີຍ ເທີຍ ດສ໋ວນ ອກະຮ້າ ອກາງ ຕສຽບ ຫວ່ວນ ເທີຍ.’” ຕົ້ງ ລິ່ນ ຕສ່ຽວ ຖຸຍ ດສ໋ວນ ນິ່ນ ເຈ໋ຍ ມີ່ງ ເຍີຍ ຕສຽບ ຫວ່ວນ ເທີຍ.

⁹ ນ້າຍ ເຊ ຢູ​ດາ ເຍີຍ ຮູ່ງ, ເຮ​ເຊ​ຄີ​ຢາ ປຸ໊ດ ແປ່ງ ຫລົງ ຕ້າຍ ເຟ້ຍ ເຍີຍ ຫວ່າ.

¹⁰ ເຢຍ ຮນ້ຳ ຕ້າຍ, “ເຢຍ ເຍີຍ ແໝ່ງ ເຖົາ ດ໊າມ-ເສີຍ ເຢຍ ອ໋ອຍ ຕສຸ ເປັຍ ຢ້ຽມ ເກນ ເຍີຍ ແກ້ງ, ເຕສ່ງ ເອຈ່ຍ ເຍີຍ ຫຮຍັງ ໄມ້ ຕຸ໊ ຕສຢັ້ງ ອ໊ະ.”

¹¹ ເຢຍ ກ໊ອງ, “ເຢຍ ໄມ້ ຕຸ໊ ປວັດ ຕສ໊ຽວ, ເຢຍ ຢຽມ ຢ້າງ ເກນ ໄມ້ ຕຸ໊ ແອ໋ງ ປວັດ ຕສ໊ຽວ. ຢຽມ ນ້າຍ ນອມ ລູ່ງ ເດ໊ຍ ເຢຍ ໄມ້ ຕຸ໊ ແອ໋ງ ປວັດ ຫາຍ ເຕົ້າ ມ່ຽນ.

¹² ເຢຍ ຢຽມ ເຍີຍ ຕ໋ອງ ຕສຸ ແທສະ ມີ່ງ ເລີ່ຍ ອກອຍ ເຢຍ ຮນັ້ງ ແທສະ ປູ໋ງ ຢູ້ງ ມ່ຽນ ເຍີຍ ດົ໊ບ-ລິ່ວ ນໍ. ເຢຍ ອຈຸ່ນ ເຢຍ ເຍີຍ ແໝ່ງ ຮນັ້ງ ດັ໊ດ ເດຍ ເຍີຍ ມ່ຽນ ອຈຸ່ນ ເດຍ ນໍ. ທິນ-ຮູ່ງ ເຕສ໊າະ ເຢຍ ຈັ໊ບ ດຸ໊ດ ຮນັ້ງ ເດຍ ຢຽມ ດັ໊ດ ເດຍ ເຍີຍ ຈາ-ສີ່ ຈັ໊ບ ດຸ໊ດ ນໍ. ລູ່ງ ຮນອຍ ລູ່ງ ມ໌ວນ ເມີ່ຍ ອ໋ອຍ ປຸນ ເຢຍ ເຍີຍ ແໝ່ງ ເຖົາ ເຊດ ເມວີ໌ຍ.

¹³ ເຢຍ ຫລົ່ງ ໜ່ອຍ ຕສົ໊ວ ເຖົາ ລູ່ງ ອຈັງ, ມປ່າ ນິ່ນ ຮນັ້ງ ຊ່ຽນ ນໍ, ປຸນ ເຢຍ ເຍີຍ ຢຽດ ຕສູ໊ງ ບູ໊ງ ເນົ້າ. ລູ່ງ ຮນອຍ ລູ່ງ ມ໌ວນ ເມີ່ຍ ອ໋ອຍ ປຸນ ເຢຍ ເຍີຍ ແໝ່ງ ເຖົາ ເຊດ ເມວີ໌ຍ.

¹⁴ ເຢຍ ເຫ່ວ ຮນັ້ງ ເໜາະ ບະຫິນ ເຖສົາ ເໜາະ ອ໊າບ, ເຢຍ ເຫ່ວ ຮນັ້ງ ແປະ ກົ໊ບ. ເຢຍ ໝັ່ງ ເກົາ ກູ້ ຫງວ່າຍ, ມຕສີງ ຕສູ໊ງ ໂຄ້ວ ເດສ່ງ. ໂອ ຕສ໊ຽວ ອ່າ, ເຢຍ ຕສຸ ເຕສີ໋ຍ. ໂທ້ ຕ້າຍ ເປວ ຈ໊ຽນ ເຢຍ.”

¹⁵ ມປ່າ ເຢຍ ໄຮ່ ກ໊ອງ ຫາຍ ຫຍູ່ງ ໄຟ? ເຫວີ່ຍ ຕສຸ ນິ່ນ ເຖສົາ ເຢຍ ກ໊ອງ, ນິ່ນ ກັ້ນ ຢ່າ ຮນັ້ງ ນ້າຍ ນໍ ໂຕສ໋ວ. ເຫວີ່ຍ ຕສຸ ເຢຍ ເຍີຍ ໂຮຍ້ວ ໂຄ້ວ, ຢຽມ ເຢຍ ຢຽດ ເສີຍ ເຍີຍ ຫຮຍັງ-ຕ້າວ ເຢຍ ອ໋ອຍ ເຊວີ່ຍ ຈ໊ຽນ ຢັ້ງ ອ໊ະ.

¹⁶ ຕສ໊ຽວ ອ່າ, ມ່ຽນ ຕຸ໊ ຕສຢັ້ງ ຈ໊ຽນ ເຊ ເຫວີ່ຍ ນ້າຍ ເຕີ໋ຍ ສີ່. ເຢຍ ເຍີຍ ແໝ່ງ ຢ່າ ເຂົາ ນ້າຍ ເຕີ໋ຍ ສີ່ ຕຸ໊ ຕສຢັ້ງ ຈ໊ຽນ. ໂທ້ ເມີ່ຍ ຕສໍ່ ເຢຍ ຫລົງ ຕ້າຍ, ປຸນ ເຢຍ ມ່າຍ ແໝ່ງ ຕສຢັ້ງ ຈ໊ຽນ.

¹⁷ ເຢຍ ຕສຸ ດົ່ງ ນ້າຍ ໂຄ້ວ ມຕ້າຍ ເຫວີ່ຍ ເຖງ ເຢຍ ຕຸ໊ ຫລົງ. ເມີ່ຍ ຮນ້ຳ ເຢຍ ຕສ່ຽວ ໂອຈ໋ວ ເຢຍ ເລີ່ຍ ດຸ໊ດ ຕສຸ ໝຽດ ເຍີຍ ຄວດ, ເຫວີ່ຍ ຕສຸ ເມີ່ຍ ເຕສ໊າະ ເຢຍ ເຍີຍ ຢຽດ ຕສູ໊ງ ຕສຸ໌ຍ ຕສອຍ ເມີ່ຍ ເຍີຍ ອກະຮ້າ ອກາງ.

¹⁸ ຢຽມ ຢ້ຽມ ເກນ ເຍີຍ ມ່ຽນ ໄມ້ ມ່າຍ ຫາຍ ເຕົ້າ ໄຮ່ ເທສງ ເມີ່ຍ. ໄຕ່ ມີ່ງ ເຍີຍ ມ່ຽນ ໄມ້ ໄຮ່ ເທສງ ເມີ່ຍ. ເອຈ່ຍ ວົ້ວ ນອມ ຄວດ ເຍີຍ ມ່ຽນ ໄມ້ ລ່ຳ ຮນ້ຳ ເມີ່ຍ ຕສຽບ ຕສົ໊ວະ ເຍີຍ ເຈົ໊າ.

¹⁹ ຂູງ ມ່າຍ ຕສຢັ້ງ ຈ໊ຽນ ເຍີຍ ມ່ຽນ, ເຊ ຕສຢັ້ງ ຈ໊ຽນ ເຍີຍ ມ່ຽນ ໄຮ່ ເທສງ ເມີ່ຍ, ຮນັ້ງ ເຢຍ ອີ້ ຮນອຍ ເທສງ ເມີ່ຍ ນໍ. ເຕຍ ອ໋ອຍ ບົ໋ວ ນິ່ນ ເຍີຍ ນ່າມ ໂຍ໌ວ ເມີ່ຍ ດົ່ງ ຫາຍ ຕສຽບ ຕສົ໊ວະ.

²⁰ ຕສ໊ຽວ ອ໋ອຍ ໂອຈ໋ວ ເຢຍ. ເຢຍ ບົວ ຢຽດ ເສີຍ ຕສ່ຽວ ຢຽມ ຕສ໊ຽວ ເຍີຍ ສີງ ຕິ່ນ ພັດ ຕ້ານ ປ້າ ປ໋າວ ເຢຍ ເຍີຍ ດສູງ.

²¹ ອິ​ສະ​ຢາ ກ໊ອງ, “ເຕສ໊າະ ດຸ້ນ ງົ່ງ ຫຍໍ ປ໊ຽວ-ອກາຍ ຕ້າຍ ອົ໊ບ ເຮ​ເຊ​ຄີ​ຢາ ເຍີຍ ເຕສວີ້ຍ. ນິ່ນ ຕສ່ຽວ ຫລົງ ໝີ່ ອ໊ະ.”

²² ເຮ​ເຊ​ຄີ​ຢາ ໜ່າຍ, “ມ່າຍ ຫາຍ ຫຍູ່ງ ຈັ໋ງ-ໂຫ່ ປຸນ ທສີງ ເຢຍ ແອ໋ງ ຕຸ໊ ມີ່ງ ຕສັ່ງ ຕສ໊ຽວ ເຍີຍ ເປຢົ໊າ?”