ธ้วด อี​ยิบ 23 - ฉบับอักษรลาว

ໂຕສ໋ວ ແປ້ງ ຟິມ ເຍີຍ ສີ່

¹ “ໄມ້ ຕູ໋ງ ຕໍ້ ຈ໊າ ຫວ່າ ມີ່ງ ຕສຸ້ນ ບົ໋ວ ມ່ຽນ. ໄມ້ ຕູ໋ງ ເຖສົາ ມ່ຽນ ຫວ່າຍ ມ່ຽນ ຕົ້ງ ໂຮຍ້ວ ໂຕສ໋ວ ຕສອງ-ເຕສ໋ງ ຫ່ອຍ ມ່ຽນ.

² “ໄມ້ ຕູ໋ງ ກັນ ມ່ຽນ ທສ້ຳ ໂຕສ໋ວ ຫວ່າຍ ສີ່. ກ໊ອງ ສີ່ ເຍີຍ ຕສຢັ້ງ ໂຫ່ ໄມ້ ຕູ໋ງ ກັນ ມ່ຽນ ທສ້ຳ ໂຕສ໋ວ ຈ໊າ ຕສອງ-ເຕສ໋ງ ປຸນ ແປ້ງ ຟິມ ເຍີຍ ເລີ໌ຍ ພຽນ.

³ “ມ່ຽນ ຈົ່ມ ມ່ຽນ ຕ່ອງ ສີ່ ຢ່າ ໄມ້ ຕູ໋ງ ໂປ່ວ ນິ່ນ ເຍີຍ ເລີ໌ຍ.

⁴ “ເຊ ກ໊ອງ ປວັດ ເມີ່ຍ ເຍີຍ ວິນ-ຈາ ເຍີຍ ງົ່ງ ໄຟ ລໍ່ ດຸ໊ດ ເປຢົ໋າ ມີ່ງ, ອ໋ອຍ ຕສຸ ຕໍ້ ດສ໋ວນ ປຸນ ນິ່ນ.

⁵ ເຊ ກ໊ອງ ປວັດ ດສອງ ເມີ່ຍ ວົ້ວ ເຕົ້າ ມ່ຽນ ເຍີຍ ລໍ່ ດອບ ມີ່ງ, ທໍ ເຍີຍ ກະນ້າຍ ງັດ ຈ໊ຽນ ນິ່ນ, ເມີ່ຍ ອ໋ອຍ ຕສຸ ເຖງ ລໍ່ ຕສ໊ຽວ ຫລຽບ ເຈ໌ຍ ຊິນ ຕ້າຍ. ໄມ້ ຕູ໋ງ ໂຕສ໋ວ ຮນັ້ງ ໄມ້ ເກວນ ໄມ້ ສີ່ ເຍີຍ.

⁶ “ເມີ່ຍ ບົວ ເຍີຍ ມ່ຽນ ຈົ່ມ ມ່ຽນ ມ່າຍ ສີ່ ນໍ, ໄມ້ ຕູ໋ງ ແຫວ່ງ. ອ໋ອຍ ຕສຸ ປຸນ ນິ່ນ ບົວ ຕຸ໊ ແປ້ງ ຟິມ ເຍີຍ ເລີ໌ຍ.

⁷ ໄມ້ ຕູ໋ງ ໂກ໋ ຈ໊າ ສີ່ ຢ່າ ໄມ້ ຕູ໋ງ ໄຕ໋ ໄມ້ ໂຕສ໋ວ ຕ່ອງ ເຍີຍ ມ່ຽນ ໄຟ ໂຮຍ້ວ ຕສີ໋ງ ເຍີຍ ມ່ຽນ, ເຫວີ່ຍ ຕສຸ ເຢຍ ຕສູ໊ງ ໄມ້ ກວັ່ງ ໂຕສ໋ວ ນ້າຍ ຫຍູ່ງ ຫວ່າຍ ສີ່ ມ່ຽນ ເຍີຍ ຕສຸ໌ຍ.

⁸ “ໄມ້ ຕູ໋ງ ຫຍັ່ນ ຍ່ານ ຫຮມວັງ. ຍ່ານ ຫຮມວັງ ໄຮ່ ປຸນ ມຕສີງ ອຈັງ ເຍີຍ ມ່ຽນ ເຍີຍ ມຕສີງ ແມ່ງ, ຢ່າ ບ໊ຽນ ຄູ້ ມ່ຽນ ເຍີຍ ຫວ່າ.

⁹ “ໄມ້ ຕູ໋ງ ໂຕສ໋ວ ໂຕະ ຫ່ອຍ ກັ້ນ ຝີງ ມ່ຽນ. ເມີ່ຍ ບົວ ຮິ້ວ ຕຸ໊ ນິ່ນ ບົວ ໄຮ໌ ຮນັ້ງ ຫາຍ ນໍ ເຫວີ່ຍ ຕສຸ ຕສິ້ນ ດ່າງ ເມີ່ຍ ບົວ ຢຽມ ອີ​ຢິ໊ບ ເຕີ່ຍ-ປູງ ຢ່າ ໂຕສ໋ວ ເຈ໋ຍ ກັ້ນ ຝີງ ມ່ຽນ.

ຕະທສຽດ ຫຮຍັງ ເຖສົາ ຕະທສຽດ ຮນອຍ

¹⁰ “ຈຸ໊ ຫຮຍັງ ກະຍົ໌ວ, ອ໋ອຍ ຕສຸ ໂຕສ໋ວ ຫລຢັງ-ເດີ່ຍ ຕສວັ໋ງ ກະນ້າຍ, ຊຽວ ແກງ-ຕສວັ໋ງ.

¹¹ ມປ່າ ເຖົາ ເສ່ຍ ຫຮຍັງ ວົ້ວ ຫຮຍັງ ອ໋ອຍ ຕສຸ ປຸນ ເດົາ ເຮ່ນ, ໄມ້ ຕູ໋ງ ຕສວັ໋ງ ກະນ້າຍ. ເຊວີ່ຍ ຢຽມ ເມີ່ຍ ບົວ ກະຍົ໌ວ ເຍີຍ ມ່ຽນ ຈົ່ມ ມ່ຽນ ມີ່ງ ຊຽວ ຢຽມ ເດີ່ຍ ເຍີຍ ກະນ້າຍ-ໂລ໌ວ. ເຕສ່ງ ເອຈ່ຍ ວົ້ວ ເຕີ໋ຍ ເຊວີ່ຍ ເຮ່ຍ ຕສ້ອຍ ຫຍັ່ນ. ເມີ່ຍ ບົວ ເຍີຍ ອະຫງຸ່ນ ຫຮວີງ ເຖສົາ ກະລັ້ນ ຫຮວີງ ຢ່າ ອ໋ອຍ ຕສຸ ຟີ່ ຮນັ້ງ ເຍີຍ ໂຕສ໋ວ.

¹² “ຫລົ່ງ ຈຸ໊ ຮນອຍ ໂຕສ໋ວ ເມີ່ຍ ບົວ ເຍີຍ ກົງ. ເສ່ຍ ຮນອຍ ວົ້ວ ຮນອຍ ອ໋ອຍ ຕສຸ ຕີ້ງ ກົງ ເຫວີ່ຍ ປຸນ ເມີ່ຍ ບົວ ເຍີຍ ງົ່ງ, ເມີ່ຍ ບົວ ເຍີຍ ລໍ່ ຮິດ ຂວນ. ເມີ່ຍ ບົວ ເຍີຍ ໂນ່ວ ແອ໋ງ ເຖສົາ ເມີ່ຍ ບົວ ຢຽມ ເຍີຍ ກັ້ນ ຝີງ ມ່ຽນ ຢ່າ ຮິດ ຂວນ, ຕຸ໊ ຄູ່ ຢຽມ ເຕີ໋ຍ.

¹³ “ເຢຍ, ຕສ໊ຽວ, ບົ໋ວ ເມີ່ຍ ບົວ ນ້າຍ ເຕີ໋ຍ ຢຽດ ຕສູ໊ງ ຫວ່າ, ເມີ່ຍ ບົວ ອ໋ອຍ ຕສຸ ຫລົງໆ ເຍີຍ ກັນ. ຢ່າ ໄມ້ ຕູ໋ງ ເຫ່ວ ກັ້ນ ເຕົ້າ ຕສ້ຽນ ເຍີຍ ບົ໋ວ, ລ່ຽມ ໄມ້ ຕູ໋ງ ກ໊ອງ ທສວດ ນ້າຍ ເຕີ໋ຍ ຕສ້ຽນ ເຍີຍ ບົ໋ວ.

ປົວ ນອມ ຕົ້ມ ຕສິ໊ບ

¹⁴ “ຢຽດ ຫຮຍັງ ອ໋ອຍ ຕສຸ ເຫວີ່ຍ ເຢຍ ເຈ໋ຍ ປົວ ນອມ ຕສິ໊ບ.

¹⁵ “ອ໋ອຍ ຕສຸ ເຈ໋ຍ ໄມ້ ອັນ ປີ໊ງ ເຍີຍ ອຈົ໊ວ ເຍີຍ ຕສິ໊ບ. ເສ່ຍ ຮນອຍ ກະຍົ໌ວ ອ໋ອຍ ຕສຸ ຫຍັ່ນ ໄມ້ ອັນ ປີ໊ງ ເຍີຍ ອຈົ໊ວ ຮນັ້ງ ເຢຍ ຫັດ ເມີ່ຍ ບົວ ນໍ. ອ໋ອຍ ຕສຸ ຕສິ໋ວ ຕີ່ງ ຕ້າຍ ເຍີຍ ຕສຢັ້ງ ໂຫ່ ຢຽມ ອາ​ບີບ ຫຮລາ ເຈ໋ຍ ຕສິ໊ບ, ເຫວີ່ຍ ຕສຸ ວົ້ວ ນອມ ຫຮລາ ເມີ່ຍ ບົວ ຢຽມ ອີ​ຢິ໊ບ ເຕີ່ຍ-ປູງ ເປຢົ໋າ ທສວດ ຕ້າຍ. “ໄມ້ ຕູ໋ງ ປຸນ ຫາຍ ເຕົ້າ ຂູງ-ປົ໌ວ ແປະ ເຕສົ໋າ ຕ້າຍ ຢຽມ ເຢຍ ເຍີຍ ດສະຮມຽນ.

¹⁶ “ອ໋ອຍ ຕສຸ ເຈ໋ຍ ຊຽວ ຊຢັງ-ເບຢົ້າ ເຍີຍ ຕສິ໊ບ, ເຊ ຊຽວ ຢຽມ ຫລຢັງ-ເດີ່ຍ ດ໊ອດ ທຈະ ຕສວັ໋ງ ເຍີຍ ຕ້າວ ຖອງ ທສຸນ-ແກງ. “ຫຮຍັງ-ເຕວີ໊ຍ ເມີ່ຍ ບົວ ຊຽວ ເດສ່ງ ເມີ່ຍ ບົວ ເຍີຍ ແກງ-ຕສວັ໋ງ ກະນ້າຍ, ອ໋ອຍ ຕສຸ ເຈ໋ຍ ຊຽວ ແກງ-ຕສວັ໋ງ ເຍີຍ ຕສິ໊ບ.

¹⁷ “ເມີ່ຍ ບົວ ເຍີຍ ຢຽດ ຕສູ໊ງ ມຈັ່ງ ຕອນ ອ໋ອຍ ຕສຸ ຕ້າຍ ຢຽມ ເຢຍ, ຕສ໊ຽວ ທິນ-ຮູ່ງ, ເຍີຍ ດສະຮມຽນ, ຢຽດ ຫຮຍັງ ປົວ ດສຸ່ນ.

¹⁸ “ເມີ່ຍ ບົວ ຕໍ້ ແຊງ-ຄູ້ ເຕສ່ຍ ປຸນ ເຢຍ, ທສິນ-ໝ່ານ ໄມ້ ຕູ໋ງ ຫລົ່ງ ອັນ ປີ໊ງ ເຍີຍ ອຈົ໊ວ ເຖສົາ ຈ໊ຽນ ຝົ່ງ ຫໍ່. “ເຈ໋ຍ ຕສິ໊ບ ເຕສ່ຍ ປຸນ ເຢຍ ເຍີຍ ແຊງ-ຄູ້ ເຮມີຍ, ໄມ້ ຕູ໋ງ ລ່ຽວ ເຖົາ ອຈັງ ດອມ.

¹⁹ “ຢຽມ ເມີ່ຍ ບົວ ເຍີຍ ລີ່ງ ເຕີ່ຍ ທສວດ ເກົ້າ ຫລົງ ເຈ໋ຍ ເຍີຍ ຕ້າວ ຖອງ ທສຸນ-ແກງ ອ໋ອຍ ຕສຸ ຕໍ້ ມີ່ງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ ເຍີຍ ເປຢົ໊າ. “ໄມ້ ຕູ໋ງ ຫລົ່ງ ຢູ້ງ ມາ ເຍີຍ ຫຍໍ ໂຕສ໊ວ ຢູ້ງ ຕອນ.

ທິນ-ຮູ່ງ ພ້າຍ ຟິນ-ມ່ຽນ ຕໍ້ ເຈົ໊າ

²⁰ “ໝັ່ງ ມ່າະ! ເຢຍ ພ້າຍ ເຕົ້າ ຟິນ-ມ່ຽນ ມີ່ງ ດ່າງ ເຫວີ່ຍ ຢຽມ ເຈົ໊າ ຕສັ່ງ ເປວ ຈ໊ຽນ ຢ່າ ຕໍ້ ເມີ່ຍ ບົວ ມີ່ງ ເຖົາ ເຢຍ ຫລິ່ວ ເລີ໌ຍ ຕສຢັ໋ງ ເຍີຍ ຕ໋ອງ.

²¹ ອ໋ອຍ ຕສຸ ຫລົ່ງ ໂຮຍ້ວ ໝວັງ, ເອີຍ ຈ໊ຽນ ນິ່ນ ເຍີຍ ຫວ່າ. ໄມ້ ຕູ໋ງ ແຫງ່ງ. ເມີ່ຍ ບົວ ແຫງ່ງ ໄມ້ ໝວັງ ນິ່ນ ເຍີຍ ຫວ່າ ນໍ, ນິ່ນ ໄມ້ ກວັ່ງ ເມີ່ຍ ບົວ ເຍີຍ ຕສຸ໌ຍ, ເຫວີ່ຍ ຕສຸ ນິ່ນ ເຕ໊ງ ເຢຍ ເຍີຍ ບົ໋ວ ຕ້າຍ.

²² ມປ່າ ເຊ ກ໊ອງ ເມີ່ຍ ບົວ ຕສະເກ້ງ ໝວັງ ນິ່ນ ເຍີຍ ຫວ່າ ຢ່າ ເອີຍ ຈ໊ຽນ ເຢຍ ກ໊ອງ ເຍີຍ ຢຽດ ຕສູ໊ງ, ເຢຍ ຕສ່ຽວ ເຖສົາ ເມີ່ຍ ບົວ ເຍີຍ ວິນ-ວັ້ງ ໂຕສ໋ວ ວິນ-ວັ້ງ, ຢ່າ ເຖສົາ ເມີ່ຍ ບົວ ເຍີຍ ວິນ-ຈາ ໂຕສ໋ວ ວິນ-ຈາ.

²³ ເຢຍ ເຍີຍ ຟິນ-ມ່ຽນ ອ໋ອຍ ມີ່ງ ດ່າງ, ຕໍ້ ເມີ່ຍ ບົວ ເປັຍ ອາ​ໂມ​ໄລ ມ່ຽນ, ຮິດ​ໄທ ມ່ຽນ, ເປ​ລິດ​ຊີ ມ່ຽນ, ຄາ​ນາ​ອັນ ມ່ຽນ, ຮີ​ໄວ ມ່ຽນ, ເຢ​ບຸດ ມ່ຽນ ຢຽມ ເຍີຍ ເຕີ່ຍ-ປູງ. ເຢຍ ຢ່າ ອ໋ອຍ ໝຽດ ເດສ່ງ ນິ່ນ ບົວ.

²⁴ ໄມ້ ຕູ໋ງ ເກວີ່ຍ ເອຈ່ຍ ປ໋າຍ ນິ່ນ ບົວ ເຍີຍ ຕສ້ຽນ ຢ່າ ໄມ້ ຕູ໋ງ ຕສັ່ງ. ໄມ້ ຕູ໋ງ ຕສວດ ນິ່ນ ບົວ ເຍີຍ ຫຍູ່ງ ເຕສີ໊ຍ ໂຕສ໋ວ. ອ໋ອຍ ຕສຸ ໝຽດ ເດສ່ງ ນິ່ນ ບົວ ເຍີຍ ໝິ່ວ-ຝັງ, ເບ໊າະ ຮູ້ ນິ່ນ ບົວ ຕສັ່ງ ຕສ້ຽນ ເຍີຍ ຫລະເປຢີ໊ຍ-ຕົ່ງ.

²⁵ ອ໋ອຍ ຕສຸ ຟູ-ສູ ເຢຍ, ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ. ເຢຍ ຕສ່ຽວ ເຖສີຍ ຟຸ ປຸນ ເມີ່ຍ ບົວ ມ່າຍ ລ່າງ ຕສິ ມ່າຍ ວວມ, ຢ່າ ປຸນ ຢຽມ ເມີ່ຍ ບົວ ບຸດົ໋ງ ເຍີຍ ຫຍູ່ງໆ ແປ່ງ ຖຸຍ.

²⁶ ຢຽມ ເມີ່ຍ ບົວ ເຍີຍ ເຕີ່ຍ-ປູງ ຕສ່ຽວ ໄມ້ ມ່າຍ ຫາຍ ເຕົ້າ ຫວ່າຍ ກູ້ ງວ໌າ, ຢ່າ ໄມ້ ມ່າຍ ຫາຍ ເຕົ້າ ໄມ້ ໄຮ່ ມ່າຍ ກູ້ ງວ໌າ. ເຢຍ ຢ່າ ອ໋ອຍ ປຸນ ເມີ່ຍ ບົວ ເຍີຍ ສ່ຽວ ຍ່ວນ ດ໊າວ.

²⁷ “ຕະຟ່ານ ເມີ່ຍ ບົວ ມີ່ງ ເຖົາ ຫາຍ, ເຢຍ ອ໋ອຍ ປຸນ ຢຽມ ເມີ່ຍ ບົວ ເຍີຍ ວົ້ວ ດ່າງ ແໝງ ເຍີຍ ມ່ຽນ ກ້ຳ ເດສ໋ຍ ໄຫ່ ຢ່າ ຫລຸ່ນ ເດສ່ງ. ເຢຍ ຢ່າ ອ໋ອຍ ປຸນ ເມີ່ຍ ບົວ ເຍີຍ ຢຽດ ຕສູ໊ງ ວິນ-ວັ້ງ ຕ໋າວ ຊິນ ເປຢົ໋າ.

²⁸ ເຢຍ ຢ່າ ອ໋ອຍ ປຸນ ກວັ້ນ ເມວີ໌ຍ-ເອຈີ໊ຍ ມີ່ງ ດ່າງ ເມີ່ຍ ບົວ, ເຫວີ່ຍ ຕສຸ່ນ ຮີ​ໄວ ມ່ຽນ, ຄາ​ນາ​ອັນ ມ່ຽນ, ຮິດ​ໄທ ມ່ຽນ ເປຢົ໋າ ທສວດ ເມີ່ຍ ບົວ ເຍີຍ ວົ້ວ ດ່າງ ແໝງ.

²⁹ ມປ່າ ເຢຍ ໄມ້ ເຕສີ໌ຍ ຢຽດ ຫຮຍັງ ກະຍົ໌ວ ຕສຸ່ນ ນິ່ນ ບົວ ທສວດ ເດສ່ງ. ເດສ໋ຍ ເຕີ່ຍ-ປູງ ໄຮ່ ເປ໋ນ ເຕີ່ຍ-ປູງ-ຮວາງ, ເຮ່ຍ ຕສ້ອຍ ຕສ່ຽວ ຫຮຢາງ ຕ້າຍ ຫ່ອຍ ເມີ່ຍ ບົວ.

³⁰ ເຢຍ ໝັ່ນໆ ຕສຸ່ນ ນິ່ນ ບົວ ທສວດ ເມີ່ຍ ບົວ ເຍີຍ ວົ້ວ ດ່າງ ແໝງ, ຕສົ໊ວ ເມີ່ຍ ບົວ ຫຮຢາງ ຕ້າຍ ໄຮ່ ຕຸ໊ ວົ້ວ ນອມ ເຕີ່ຍ-ປູງ ເປ໋ນ ເມີ່ຍ ບົວ ເຍີຍ ປ່ວນ.

³¹ “ເຢຍ ອ໋ອຍ ຕີ່ງ ເມີ່ຍ ບົວ ເຍີຍ ກັ໊ບ-ຈ໋າຍ ຢຽມ ຄ້ອຍ-ຊິ ມີ່ງ ເຖົາ ເມ​ດີ​ເຕ​ເລ​ນຽນ ຄ້ອຍ, ແອ໋ງ ຢຽມ ເຕີ່ຍ-ປູງ-ຮວາງ ມີ່ງ ເຖົາ ຢູ​ເຟ​ຕິດ ດ້າຍ. ເຢຍ ອ໋ອຍ ເຕສ໊າະ ນ້າຍ ນອມ ເຕີ່ຍ-ປູງ ເຍີຍ ມ່ຽນ ຈິວ ປຸນ ຢຽມ ເມີ່ຍ ບົວ ເຍີຍ ປົ໌ວ-ເດ໊ຍ, ປຸນ ເມີ່ຍ ບົວ ຕສຸ່ນ ນິ່ນ ບົວ ເປຢົ໋າ ທສວດ ເມີ່ຍ ບົວ ເຍີຍ ວົ້ວ ດ່າງ ແໝງ ເດສ່ງ.

³² ໄມ້ ຕູ໋ງ ເຖສົາ ນິ່ນ ບົວ ໄຟ ເຖສົາ ນິ່ນ ບົວ ເຍີຍ ຕສ້ຽນ ຫລຽບ ຫາຍ ຫຍູ່ງ ແຫງ່ງ ຫວ່າ.

³³ ໄມ້ ຕູ໋ງ ປຸນ ວົ້ວ ເຕີ໋ຍ ມ່ຽນ ຢຽມ ເມີ່ຍ ບົວ ເຍີຍ ເຕີ່ຍ-ປູງ. ເດສ໋ຍ ນິ່ນ ບົວ ໄຮ່ ດົ໊ວ ເມີ່ຍ ບົວ ປ໌າມ ຕສຸ໌ຍ ຕ່ອງ ເຢຍ. ເຊ ກ໊ອງ ເມີ່ຍ ບົວ ຕສັ່ງ ນິ່ນ ບົວ ເຍີຍ ຕສ້ຽນ, ເມີ່ຍ ບົວ ດົ່ງ ຫາຍ ຕສູ໊ງ ແຕສງ ຮລາງ ຮລົບ ເມີ່ຍ ບົວ ກັ້ນ ອ໊ະ.”