1 เท​สะ​โล​นิ​กา 4 - ฉบับอักษรลาว

ຢຽມ ເສີຍ ຕສັ່ງ ຮນັ້ງ ຫາຍ ນໍ ປຸນ ທິນ-ຮູ່ງ ອະເຮນີ້ຍ

¹ ກໍ໋-ໂຢ໌ວ ອ່າ, ເຊດ ເມວີ໌ຍ ແອ໋ງ ມ່າຍ ເຕີ໋ຍ ຫວ່າ ກ໊ອງ. ເຢຍ ບົວ ອຈ໋າວ ເຈ໋ຍ ເມີ່ຍ ບົວ ຮນັ້ງ ຫາຍ ນໍ ຢຽມ ເສີຍ ຕສັ່ງ ໂຕສ໋ວ ຫອບ ທິນ-ຮູ່ງ ເຍີຍ ໂຮຍ້ວ. ເຊ ຮນັ້ງ ອີ້ ຕສັ່ນ ເມີ່ຍ ບົວ ຢຽມ ນໍ. ມປ່າ ອີ້ ຕສັ່ນ ເຢຍ ບົວ ເຫວີ່ຍ ຕສ໊ຽວ ເຢ​ຊູ ໂທ້ ເມີ່ຍ ບົວ ຢ່າ ຂວິນ ເມີ່ຍ ບົວ ອ໋ອຍ ຕສຸ ໂຕສ໋ວ ຈາ ທສ້ຳ ຈ໊ຽນ ຝາວ.

² ເມີ່ຍ ບົວ ຮິ້ວ ຕຸ໊ ເຢຍ ບົວ ຫລົ່ງ ຕສ໊ຽວ ເຢ​ຊູ ເຍີຍ ຫັດ ມ໌າ ຮນັ້ງ ຫາຍ ນໍ ພ້າຍ ຕສຢັ໋ງ ເມີ່ຍ ບົວ.

³ ທິນ-ຮູ່ງ ເຍີຍ ເອີ໋ຍ ເຊ ຮນັ້ງ ນ້າຍ. ນິ່ນ ອ໋ອຍ ເມີ່ຍ ບົວ ໂຕສ໋ວ ທສີງ-ເດສ່ງ, ຊິ້ມ ອກອຍ ຫຮຢຽນ ເຍີຍ ສີ່.

⁴ ເມີ່ຍ ບົວ ເກ໊າະ-ມ່ຽນ ອ໋ອຍ ຕສຸ ຮິ້ວ ຕຸ໊ ຮນັ້ງ ຫາຍ ນໍ ຫລົ່ງ ທສີງ-ເດສ່ງ ເຍີຍ, ທ່າຍ ເຍີຍ ຕສະເອີ໋ຍ ກຸ໊ນ ກັ້ນ ເຍີຍ ຊິນ.

⁵ ໄມ້ ຕູ໋ງ ເຊວີ່ຍ ກັ້ນ ເຍີຍ ໂຮຍ້ວ ຫັ່ນ ໂຕສ໋ວ, ຮນັ້ງ ໄມ້ ສຽນ ທິນ-ຮູ່ງ ເຍີຍ ມ່ຽນ ໂຕສ໋ວ ນໍ.

⁶ ຮນັ້ງ ໜ່າຍ, ຢຽມ ນ້າຍ ເຕີ໋ຍ ສີ່, ຫາຍ ເຕົ້າ ໄມ້ ຕູ໋ງ ໂຕສ໋ວ ຕ່ອງ ໄຟ ໂຕສ໋ວ ເຈ໋ຍ ດ່າງ ຫອບ ຕສຸ ໂຕສ໋ວ ເຍີຍ ປຸນ ນິ່ນ ເຍີຍ ກໍ໋-ໂຢ໌ວ. ນ້າຍ ເຕີ໋ຍ ຫວ່າ ຕສິ້ນ ດ່າງ ເຢຍ ບົ໋ວ ເຈ໋ຍ ເມີ່ຍ ບົວ, ຢ່າ ເຮນ້ຍໆ ເຍີຍ ຂວິນ ເມີ່ຍ ບົວ, ເຫວີ່ຍ ຕສຸ ຫາຍ ເຕົ້າ ໂຕສ໋ວ ນ້າຍ ເຕີ໋ຍ ສີ່, ວົ້ວ ເຕົ້າ ຕສ່ຽວ ຕສຸ ຕສ໊ຽວ ຕີ່ງ ຕສຸ໌ຍ ອ໊ະ.

⁷ ທິນ-ຮູ່ງ ເຫ່ວ ບົວ ຕ້າຍ ໄມ້ ເຕສີ໌ຍ ເຫວີ່ຍ ໂຕສ໋ວ ໄມ້ ທສີງ-ເດສ່ງ. ນິ່ນ ອ໋ອຍ ບົວ ໂຕສ໋ວ ທສີງ-ເດສ່ງ ເຍີຍ.

⁸ ຮນັ້ງ ໜ່າຍ, ຫາຍ ເຕົ້າ ເອກ້ມ ນ້າຍ ເຕີ໋ຍ ອຈ໋າວ ເຍີຍ ຫວ່າ, ວົ້ວ ເຕົ້າ ໄມ້ ເຕສີ໌ຍ ເອກ້ມ ປ້າມ ມ່ຽນ ເຊ ເອກ້ມ ທິນ-ຮູ່ງ, ຕົ້ງ ເຖສີຍ ສີງ ລີ່ງ ປຸນ ເມີ່ຍ ບົວ ວົ້ວ ເຕົ້າ.

⁹ ກ໊ອງ ເຖົາ ຮນ້ຳ ກໍ໋-ໂຢ໌ວ ເຍີຍ ສີ່ ເຢຍ ບົວ ໄມ້ ຕສຸ ເຟ້ຍ, ເຫວີ່ຍ ຕສຸ ເມີ່ຍ ບົວ ກັ້ນ ຕຸ໊ ທິນ-ຮູ່ງ ອຈ໋າວ ລິ໌ວ ເມີ່ຍ ບົວ ລ່ານ ອ໋ອຍ ຕສຸ ຮນັ້ງ ຫາຍ ນໍ ຮນ້ຳ ລ່ານ.

¹⁰ ເມີ່ຍ ບົວ ຕສູ໊ງ ຮນັ້ງ ນ້າຍ ນໍ ຮນ້ຳ ຢຽມ ກ໋ອມ ມາ​ຊີ​ໂດ​ເນຍ ແຊ້ງ ເຍີຍ ຕສວັ໋ງ ກໍ໋-ໂຢ໌ວ. ມປ່າ ກໍ໋-ໂຢ໌ວ ອ່າ, ເຢຍ ບົວ ຂວິນ ເມີ່ຍ ບົວ ອ໋ອຍ ຕສຸ ຈາ ຮນ້ຳ ນິ່ນ ບົວ ທສ້ຳ ຈ໊ຽນ ຝາວ.

¹¹ ອ໋ອຍ ຕສຸ ຫລຽບ ຕີ່ງ ໂຮຍ້ວ ໂຕສ໋ວ ປ໊ວນ-ສ່ວນ ມ່ຽນ, ໂກ໋ວ ກັ້ນ ເຍີຍ ດສະຮມຽນ ຢ່າ ຫລົ່ງ ກັ້ນ ເຍີຍ ປົ໌ວ ໂຕສ໋ວ ກົງ ຢູ໌ງ ແໝ່ງ, ຮນັ້ງ ຕສິ້ນ ດ່າງ ເຢຍ ບົວ ບົ໋ວ ເມີ່ຍ ບົວ ວົ້ວ ນໍ.

¹² ຮນັ້ງ ນ້າຍ ນໍ ໂຕສ໋ວ ເມີ່ຍ ບົວ ຕສ່ຽວ ຕຸ໊ ກະເຫຍ່ຍ ເຍີຍ ມ່ຽນ ທ່າຍ ເມີ່ຍ ບົວ, ຢ່າ ໄມ້ ຕສຸ ປັ່ງ ຫາຍ ເຕົ້າ ຕຸ໊ ເມີ່ຍ ບົວ ຖຈຽມ ຫລົ່ງ ເຍີຍ ກະນ້າຍ.

ຕສ໊ຽວ ເຢ​ຊູ ແອ໋ງ ຕ້າຍ ເຍີຍ ຕສຢັ້ງ ໂຫ່

¹³ ຕສວັ໋ງ ກໍ໋-ໂຢ໌ວ ອ່າ, ເຢຍ ບົວ ອ໋ອຍ ເມີ່ຍ ບົວ ຕສຽນໆ ເຍີຍ ຮິ້ວ ຕຸ໊ ໄຕ່ ມີ່ງ ເຍີຍ ມ່ຽນ ຮນັ້ງ ຫາຍ ນໍ, ເຫວີ່ຍ ປຸນ ເມີ່ຍ ບົວ ໄມ້ ຕສຸ ເດສົ້າ ຮນັ້ງ ວົ້ວ ເຕີ໋ຍ ໄມ້ ລ່ຳ ຮນ້ຳ ເຍີຍ ມ່ຽນ ເດສົ້າ ນໍ.

¹⁴ ເຢຍ ບົວ ສຽນ ເຢ​ຊູ ໄຕ່ ມີ່ງ ແອ໋ງ ນັ່ງ ຕ້າຍ ຕສ່ຽວ ສຽນ ທິນ-ຮູ່ງ ຢ່າ ອ໋ອຍ ຕໍ້ ຢຽດ ຕສູ໊ງ ສຽນ ເຢ​ຊູ ເຍີຍ ມ່ຽນ, ຕົ້ງ ໄຕ່ ມີ່ງ ວົ້ວ ເຕີ໋ຍ, ເຖສົາ ຈ໊ຽນ ເຢ​ຊູ ຢຽດ ເຈົ໊າ ແອ໋ງ ຕ້າຍ.

¹⁵ ອີ້ ຕສັ່ນ ເຢຍ ບົວ ບົ໋ວ ເມີ່ຍ ບົວ ເຍີຍ ເຊ ຕສິ໋ວ ຕສ໊ຽວ ອຈ໋າວ ເຢຍ ບົວ ເຍີຍ ຫວ່າ. ຕສ໊ຽວ ແອ໋ງ ຕ້າຍ ວົ້ວ ຮນອຍ, ບົວ ຖສໍ່ ຕສຢັ້ງ ຈ໊ຽນ ເຍີຍ ມ່ຽນ ຕສູ໊ງ ໄມ້ ຕຸ໊ ມີ່ງ ດ່າງ ໄຕ່ ມີ່ງ ເຍີຍ ມ່ຽນ.

¹⁶ ວົ້ວ ຕສັ່ນ ຕສ໊ຽວ ກັ້ນ ຕສ່ຽວ ຢຽມ ວົ້ວ ທິນ-ຕ້ອງ ເອຈ່ຍ ຕ້າຍ. ມ່າຍ ເຖຈຍ ຫັດ ບຸຍ ເຍີຍ, ແອ໋ງ ມ່າຍ ຟິນ-ມ່ຽນ ເປຢີ໊ຍ ເຍີຍ ເຖຈຍ ຢ່າ ມ່າຍ ທິນ-ຮູ່ງ ເຍີຍ ດສັດ ບຸຍ. ສຽນ ລິ໌ວ ກີ​ຕູ່, ໄຕ່ ມີ່ງ ວົ້ວ ເຕີ໋ຍ, ຕສ່ຽວ ນັ່ງ ດ່າງ.

¹⁷ ອກະຮ້າ ບົວ ຖສໍ່ ຕສຢັ້ງ ຈ໊ຽນ ເຍີຍ ມ່ຽນ ເຖສົາ ນັ່ງ ຕ້າຍ ວົ້ວ ເຕີ໋ຍ ຕສ່ຽວ ຝາວ ມີ່ງ ຢຽມ ບ໋ວນ ກະຍົ໌ວ ປວັ້ງ ຕສ໊ຽວ ຢຽມ ວົ້ວ ດ໊າມ-ລູ່ງ. ຮນັ້ງ ໜ່າຍ, ບົວ ຕຸ໊ ຢຽດ ລິ໌ວ ເຖສົາ ຕສ໊ຽວ ຢຽມ.

¹⁸ ເຫວີ່ຍ ນ້າຍ ອ໋ອຍ ຕສຸ ຫລົ່ງ ນ້າຍ ເຕີ໋ຍ ຫວ່າ ລ່ານ ອອນ ລ່ານ ເຍີຍ ໂຮຍ້ວ.