Salmo 93 - Blaan Sarangani

Dwata i harì

Ani satu lingag di kfangamfù

¹ Amugu Dwata i harì! Kamlaweh kenen i bong kdatahan na enegan, du toon fite di kgimoan i banwe; too mgagid i gufkahan dun, na là mgingok.

² Amugu Dwata, ge magot kdee mdà di katbuan; na di là fa matbù i kdee, tagnè ge déén.

³ Amugu Dwata, too lamyak i dad mahin; i luk i dad malbang lwekla too mgal.

⁴ Kabay Amugu Dwata ditù di langit, too mgal i kagotam i kdee, mgal fa di luk i dad malbang yéél, mgal fa di malbang lwek di mahin.

⁵ Kdee gmanam, landè kgumanan; na du matlu ge, Amugu Dwata, gablà ku matlu i kdee nimò di Bong Gumneam kel di landè sen.