Biblia Todo Logo
Bìoball air-loidhne

- Sanasan -

Salmo 3 - Blaan Sarangani


I to là likò ku nun dmuen kenen
Ani lingag Dabid di kilan mdà di tingaan Absalom.

1 E Amugu Dwata, file i dad mnang nawa deg! Too dee nan dad mbaling dmuen deg!

2 Dee mangman gablà di deg, “Là kenen tnabeng Dwata.”

3 Kabay ge, Amugu Dwata, ge i klung di glibutgu; ge i fulê i dengeggu, na ge fulê i kgal nawagu.

4 Tafalbonggu i katlogu di Amugu Dwata du ftabeng agu di kenen, na fanlingen agu mdà di bulul gumnean.

5 Taman fakay agu milè na kudang na là agu likò; mukat agu na landè gaslokgu, du i Amugu Dwata i munung deg.

6 Na balù nun sfalò libu to dmuen deg di glibutgu, là agu likò.

7 Gasil ge, Amugu! Falwaam agu Dwatagu! Du ge falmo i dad to dmuen deg gambet kasféam i kakim dad lmanaf fan makét, na gambet katfoam i kifan dad to mimò sasè fye landè mgimòla.

8 I kagalwà mdà alò di Amuito Dwata. Banlém moon kafye i dad tom.

© 2014, Wycliffe Bible Translators, Inc. All rights reserved.

Wycliffe Bible Translators, Inc.
Lean sinn:



Sanasan