Salmo 150 - Blaan Sarangani

Dnayen i Amuito Dwata

¹ Dnayenyu i Amuito Dwata! Dnayenyu Dwata ditù di Bong Gumnean; dnayenyu kenen di mgagid gumnean ditù di langit.

² Dnayenyu kenen mdà di dad gamtikeng mgimoan; dnayenyu i bong kdatahan landè gasngad dun.

³ Dnayenyu kenen fagu di kyufyu dad féwyu, na fagu di kbityu dad fuglung na arfayu.

⁴ Dnayenyu kenen fagu di kbagulyu i dad kulintang na fagu di ksayewyu, na fagu di kbityu dee bung agaf nun tafas, na fagu di kyufyu dad slali.

⁵ Dnayenyu kenen fagu di kbagulyu dad slagi; dnayenyu kenen fagu di kbagulyu dad malbang falimak.

⁶ Kdee nun nawa, dnayenyu Amuito Dwata. Dnayenyu Amuito Dwata!