Salmo 15 - Blaan Sarangani

I to gablà mnè di Bong Gumnè Dwata

Ani satu lingag Dabid.

¹ E Amugu Dwata, simto gablà mnè di Bong Gumneam? Simto gablà mnè di bulul gumneam?

² Dunan i to too sikof kimenan i knayeam, na matlu i nimoan di kitem; too gsalig i galan man, du i kaglut too mnè di nawan,

³ na laan falmo i dademen to fagu di gmanan; laan fansasè i dademen to sgalak, na laan samtugad salék gablà di dademen.

⁴ Toon knang i sasè to kmagol Dwata, bay toon nafè i to nun klikò di Amuito Dwata. Toon dnohò i dad tafakangan balù tan i kalima di kdohoan dun.

⁵ Fdem kenen na laan fngà i fdeman. Na déén di gusfala laan banlé salà i to landè salà, balù nun to mayè tmaden kenen. Na nè i to mimò kdee ani, kenen i mnè di ifat Dwata kel di landè sen.