Salmo 14 - Blaan Sarangani

I kafalwà Dwata dad ton

Ani satu lingag Dabid.

¹ I to ku manan di kton, “Landè Dwata,” too là fulung faldam, kdee fandam i to gambet én slame bigkò, na too sasè na magagyà i dad nimoan, na landè di dad to gambet én mimò fye!

² Meye i Amuito Dwata mdà di langit di kdee to, du neyen ku nun to fulung faldam, na ku nun to mayè gmadè kenen.

³ Kabay teenan i kdee to tatlas ale di glut dalan; kdeela kulang i nimòla; landè di dale mimò fye, balù satu, landè.

⁴ Na smalek i Amuito Dwata, manan, “Landè kè kaglabat i kdee to gal mimò sasè ani? Knalamla falmo dad togu na landè fandamla dmasal di deg.”

⁵ Kabay nun duh nkel ale i bong klikòla, du Dwata sa i samnagin dad to matlu.

⁶ Kayèla snamuk i fan nimò dad to landè, bay Dwata sa guflidung i dad mdanà to.

⁷ Too fye ku kel nan moon mdà di banwe Sion i kafalwà Dwata i dad ton, dunan i bel Israél. Too lehew kadang i bel Dyékob én, di kfulê i Amuito Dwata di dale i fye knèla. Too fye nan nawa i bel Israél.