رومی کلیسارا نامه 12 - کتاب مقدس به زبان تالشی شمالیزِنده قِربونی اِن 1 بَس اِی بِرااِن، خِدا رَحمتون واسی، شِمَه کا خواهیشت بَکَردیم که شِمَه بَدنی زِندَه قِربونی شیوار، مقدّس و خِدا دیلی باب، تقدیم بِکَرَه که اِم شِمَه روحانی یَه عبادتَه. 2 و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده. 3 چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه. 4 چوم هَتَه که اَمَه گِرد ایلَه بَدن هِستِمونه که وِرَه اَعضا کا وَج آبییَه و اِم اَعضا کار ایی جور نییَه، 5 بَس اَمَه نی که وِریمونَه، مسیح کا ایلَه بَدنیمونَه و گِلَه گِلَه، یَندی اَعضا ایمونَه. 6 طبق اَ فیضی که بَمون را بییَه، جور بَه جوره عطایا هِستِمونَه. بایَه اَوون بِه کار بِگِرَم: اَگم نبوّت کَردِه یَه، اَیی چَمَه ایمانی قَدَر بِه کار بِگِرَم، 7 اَگم خدمت کَردِه یَه، چَمَه خدمتی کا. اَ کسی که تعلیم بَدای، تعلیم بِدَه. 8 اَ کسی که تشویق بَکَردی، تشویق بِکَرِه. اَ کسی که کمک بَکَردی، دَس دیل بازی نَه کمک بِکَرِه. اَ کسی که رَهبری بَکَردی، اِم کاری غیرتی نَه بِکَرِه. و کسی که دییَرون را رَحم بَکَردی و میهروونی بَکَردی، شادی نَه اِم کاری بِکَرِه. واقعی یَه مسیحیون نیشونه اِن 9 محبت بَسی خالِص بِبو. بَدی کا دوری بِکَرَه و مُحکم دَچیکَه اَ چیی که چاکَه. 10 بِرااون شیوار یَندی نَه خِش بِبییَه. یَندی اِحترام نوعه کا پیش دَلکَه. 11 هَرگِز شِمَه غیرت خِدا را سُست آمَبو؛ روح کا پُور حَرارت بِبییَه و خِداوندی خدمت بِکَرَه. 12 اُمیدْی کا شاد بِبییَه، مُصیبَتون کا صبور بِبییَه و همیشه دعا بِکَرَه. 13 مُقدّسون نیازون برطرف کَردِه کا شریک بِبییَه و میهمون نواز بِبییَه. 14 کسونی را که شِمَه اذیت آزار بَکَردین، بَرکت بِپییَه؛ بَرکت بِپییَه و لَعن مَکَرَه! 15 کَسونی نَه که شادی نَه، شادی بِکَرَه، و کَسونی نَه که داد بَکَردین، داد بِکَرَه. 16 یَندی نَه مُدارا بِکَرَه! مغرور مَبییَه، بَلکَم کسونی نَه که سادَه و ضعیفی نَه رفت و آمد بِکَرَه. هرگِز شِمَه دانا مَزونه. 17 هیچکسی بَدی عوض، بَدی مَکَرَه. بَلکَم کاری بِکَرَه که گِردی نظری کا مُحترمَه. 18 اَگم بَبی، تا اوآ که شِمَه مربوط بَبی، گِردی نَه صُلح و صفا کا زندگی بِکَرَه. 19 اِی عزیزِن، هَرگِز شِمَه اِشتَن اِنتقام مَویگرَه، بَلکَم اَیی خِدا غَضبی واگذار بِکَرَه. چوم توراتی کا نیویشته بییَه که: «خِداوند بَواتی: ”قِصاص چِمِن شِنَه؛ اَزیمَه که سِزا بَدایم.“» 20 بَرعکس، «اَگم اِشتِه دِشمن وِشی بِبو، بَیی غذا آدَه! و اَگم تِشی بِبو، بَیی آو آدَه بِنجِه! اَگم اِنتَه بِکَری جوری اَیی پَشیمون آکَری که اِنگاری چَیی سَری کا داغَ پَسینه اون نوعَرَه.» 21 بَدی اِشتِه اَفجور مَبو، بَلکَم چاکی کَردِه نَه، تِه بَدی اَفجور بِبَش. |
@ 2024 Korpu Company