یعقوبی نامَه 4 - کتاب مقدس به زبان تالشی شمالیدنیا پرستی هُشدار 1 چِه چی باعث بَبی شِمَه میانه کا دعوا دَلَکِه و چِه چی باعث بَبی شِمَه میانه کا جَنگ و جَدَل دَلَکِه؟ مَگم شِمَه هوا هَوسِن نینه که شِمَه وجودی دیلَه کا، کارا بَجَنگِستین؟ 2 ایی چیی آرزو دارَه، امّا وختی اَیی بِه دَس نِورَه آدَم بَکِشتیرون. طَمع بَکَردیرون، امّا وختی نیمَشایَه اَیی بِه دَس بواَرَه جَنگ و دعوا راه دَرَفَنه، شِمَه نِدارَه، چوم که درخواست نِکَرَه! 3 اَ موقعی نی که درخواست بَکَردیرون، نِویگِرَه، چوم بَدَه نیّتی نَه پیستِرونه تا شِمَه هَوا هَوَسون را اِستفاده بِکَرَه. 4 اِی زناکارِن، بَگم نیمَزنه دنیا نَه رَفاقَت کَردِه، خِدا نَه دِشمنی کَردِه اِستَه؟ بَس هَر کسی که دنیا نَه رَفاقت کَردِه دومله اِستَه، اِشتَن، خِدا دِشمِن بَکَردی. 5 یا اِمکه خَیال بَکَردیرون مقدّس نیویشته بیخودی واتَشه که: «خِدا نسبت به روحی که چَمَه دیلَه کا نوعَشه، وِر غیرت اِستِشه؟» 6 امّا خِدا وِرتَر فیض بَبَخشستی، اِمی واسی بَواتی: «خِدا مَغرورون پیشی کا بَمَندی، امّا فروتَنون فیض بَبَخشستی.» 7 بَس اِشتَن خِدا تسلیم بِکَرَه. اِبلیسی پیشی کا مقاومت بِکَرَه، که اَ شِمَه کا دَوَزِه. 8 بِه خِدا نِزدیک آبییَه، که اَ نی شِمَه نِزدیک بَبی. اِی گناه کارِن، شِمَه دَسون پاک آکَرَه، و اِی دِ دیلِن، شِمَه دیلون پاک آکَرَه. 9 بِه حال زار دَلَکَه و داد و زاری بِکَرَه. شِمَه خورِسته ماتَم بَبی و شِمَه شادی غُرصه. 10 خِداوندی حضوری کا اِشتَن فروتن آکَرَه، که اَ شِمَه سَربِلند آکَرِه. 11 اِی بِرا اِن، یَندی کا بَدگویی مَکَرَه. هَر کسی که ایلَه بِرا ضِد بَد بوآجِه و یا اِشتَن بِرا داوری بِکَرِه، شریعتی ضِد بَد واتَشه و شریعتی داوری کَردَشه. ولی اَگم تِه شریعتی داوری بِکَری، تِه شریعتی داورییش نِه چَیی بِجا آوَرَندَه! 12 فقط ایی نفر اِستَه که شریعتی آدوعَشه و داوَر اِستَه، که اَ نی هَ کسی اِستَه که بَشای نِجات بِده یا هلاک بِکَرِه. بَس تِه کییش که اِشتِه خَمسوعه داوری بِکَری! یال یالَه گف ژَندِه صبَا درباره 13 و شِمَه که حِسَه بَواتیرون: «اوری یا صبا، اِم شهر اَ شهری را بَشیمون و ایی سال اوآ کا بَمَندیمون و تِجارت بَکَردیمون و وِرَه سود بَکَردیمون،» 14 با اِم حال شِمَه حتی نیمَزنه صبا چِه بَبی. شِمَه زندگی چَه؟ ایلَه بُخاری شیوار اِستیرونه که ایی لحظه ظاهر بَبی و دومله نیست بَبی. 15 بَس بَسی اِنتَه بوآجَه: «اَگم خِداوند پیستِشَه، زِنده بَمَندیمون و اِنتَه و اَتَه بَکَردیمون.» 16 اِنتَه که معلومه شِمَه، شِمَه تکبُّری نَه فَخر بَکَردیرون. اِنتَه رَه فَخر کَردِه بَد اِستَه! 17 بَس، هَر کسی بِزونِه چِه کاری درست اِستَه و اَیی اَنجام مَدَه، اِم اَ، آدَمی را گناه حساب بَبی. |
@ 2024 Korpu Company