یعقوبی نامَه 2 - کتاب مقدس به زبان تالشی شمالیفرق نوعِه گناه 1 چمِن بِرا اِن، شِمَه که بِه چَمَه خِداوند عیسایِ مسیح، اَ خِداوندِ جلالی ایمان دارَه، نَبی آدَمون دیلَه کا فرق بِنییَه. 2 چوم که اَگم کسی ایلَه طِلا اَنگِشتری و خاسَه خَلا نَه بومَی شِمَه مِجلسی دیلَه و ایلَه فَقیر نی کَنَه خَلا نَه دیلَه دَشَه، 3 و اَگم شِمَه اَ کسی که خاسَه خَلا دَکَردَشه وِرتَر تحویل بِگِرَه و بَیی نَه بوآجَه: «بِری اِم چاکه جِگا کا بِنِش،» امّا اَ فقیری نَه بوآجَه: «اوآ کا بومون!» و یا: «اییا کا چِمِن پا پیشی کا زمینی سَری کا بِنِش،» 4 مَگم شِمَه، شِمَه دیلَه کا فرق نوعَه نیرونَه و بَدَه فیکرون نَه قِضاوت کَردَه نیرونه؟ 5 عزیزَه بِرا اِن، گوش بِدییَه! مَگم خِدا اِم دنیا فَقیرون اِنتخاب کَردَه نیشه تا ایمانی کا دولتمند بِبون و اَ پاُتشایی بِه اِرث بِبَرِن که خِدا، بِه کسونی وعده دوعَشَه که اَیینه خِشینَه؟ 6 امّا شِمَه فقیرَه آدَمی بی‌حرمتی کَردَرونه. مَگم پولدارِن نینَه که شِمَه ظلم بَکَردین و شِمَه کَشونِن بِه مَحکَمه؟ 7 مَگم اَوِن کسونی نینَه که اَ شریفَه نومی که شِمَه سَری کا نوعه بییَه، کُفر بَواتین؟ 8 اَگم شِمَه راس راسی، شاهانه شریعتی، مطابق مقدَّس نیویشته اون اِم گفی بِه جا بواَرَه که بَواتی: «اِشتِه خَمسوعه نَه اِشتِه جانی شیوار خِش بِبَش،» چاکه کاری بَکَردیرون. 9 امّا اَگم فرق بِنییَه، گناه کَردَرونه و شریعت شِمَه تقصیرکار بَزنی و شِمَه مَحکوم بَکَردی. 10 چوم اَگم ایی نفر شریعتی گِردی اَنجام بِدَه امّا فقط ایلَه کا کم کاری بِکَرِه، اَ شریعتی گِردی کا گناهکار اِستَه. 11 چوم، اَ خِدایی که واتَشه: «زِنا مَکَه،» هِنتَه نی واتَشه: «قَتل مَکَه.» تِه اَگم حتی زِنا مَکَری، ولی قَتل بِکَری، شریعتی قانونی چاکِندَرَه. 12 بَس کَسونی شیوار گَف بِژَنه و عَمل بِکَرَه که بَزنین طبق آزادی یَه شریعت، بَر اَوون داوری بَبی، 13 چوم داوری نسبت بِه کسی که رَحم کَردَش مَبو، بی‌رحم بَبی. رَحم، داوری اَفجور بَبی! ایمان بیدون اَعمال مَردَه 14 چمِن بِرا اِن، اَگم ایی نفر اِدعا بِکَرِه ایمان هِستِشه، امّا اَعمال مَدارِه چِه فایده ای هِستِشه؟ اِنتَه رَه ایمانی بَشای اَیی نِجات بِدَه؟ 15 اَگم ایلَه بِرا یا ایلَه خالا، روزونه خوراک و خَلا محتاج بِبو 16 و ایی نفر شِمَه کا اَوون نَه بوآجِه: «بِشَه بِه سلامت، گَرم و سیر آبییَه،» امّا چَوون جِسمی نیازون آمَدَه اَوون، چِه فایده هِستِشه؟ 17 بَس ایمان خالی خالی، اَگم اَعمال مَدارِه، مَردَه. 18 ولی مُمکنه ایی نفر بوآجِه: «تِه ایمان هِستِرِه و اَز نی اَعمال هِستِمه!» تِه اِشتِه ایمانی بیدون اَعمال بَه مِن نیشون بِدَه و اَز چِمِن ایمانی اَعمالی نَه بَه تِن نیشون بَدایم. 19 تِه باور داری که خِدا ایلَه اِستَه. چاک بَکَردیش! حتی دیوِن نی اِنتَه رَه باور دارِن و تَرسی کا لَرزِن! 20 اِی نادون، پیستِرَه بِزونی چیرا ایمان بیدونِ اَعمال ثمرَه نیشَه؟ 21 مَگم چَمَه جَدّ اِبراهیم اَعمالی نَه صالح بِه حساب اومَه نییَه، اَ موقع که اِشتَن زوعَه اِسحاقی قِربونگاه سَری کا تَقدیم کَردِشه؟ 22 بَویندیش که چَیی ایمان و اَعمال یَندی نَه کار بَکَردین، و چَیی ایمان چَیی اَعمالی نَه کامل آبَه. 23 و توراتی اَ نیویشتَه اَنجام بَه که بَواتی: «اِبراهیم بِه خِدا ایمان وَردِشه و اِم اَییرا صالِح بییِه بِه حساب اومَه،» و اِبراهیمی نَه خِدا رَفِق واتِشونَه. 24 بَویندیرون اَعمالی نَه اِستَه که اِنسان صالح بِه حساب بومَی، نِه فقط ایمانی نَه. 25 هِنتَه نی مَگم فاحییشه راحاب، اِشتَن اَعمالی نَه صالح حساب اومَه نییَه، اَ موقع که قاصِدون پناه دوشَه و اَوون ایلَه دییَر راهی نَه رایی کَردِشه؟ 26 هَتَه که بَدن روح کا جِدا آبو بَمَردی، ایمان نی اَعمالی کا جِدا آبو، بَمَردی. |
@ 2024 Korpu Company