نامَه، عِبرانیه نَتاجَه مسیحیونرا 4 - کتاب مقدس به زبان تالشی شمالیخِدا آسایش دوعِه 1 بَس با اِمکه اَ وعدَه دیلَه دَشییِه چَیی آسایشی دیلَه حَلا پابَرجا یَه، بَترسیمون که نَبادا معلوم بِبو ایی نفر شِمَه دیلَه کا اَ وعده بِه دَس وَردِه را شکست بَرِه. 2 چوم بَمون را نی چَوون شیوار خوشَ خَوَر آرَستَه. امّا پِیغومی که اَوِن دَرَسِشونَه، چَوون را منفعتیشی نِبَه، چوم وختی که اَیی دَرَسِشونَه ایمانی نَه گوش نِدوشونَه. 3 چوم اَمَه که ایمان وَردَمونَه، دَشَم اَ آسایشی دیلَه. هَتَه که خِدا، مزموری دیلَه کا واتَشه: «بَس چِمِن خَشمی کا قَسَّم هَردِمَه اَوِن نان چِمِن آسایشی دیلَه،» هَر چَن، چَیی کارِن دنیا خلق کَردِه موقع نَه تمون آبَه بینَه؛ 4 چوم که اَ، ایی جِگایی توراتی دیلَه کا هفتمین روزی درباره اِنتَه بَواتی که: «و خِدا هفتمین روزی دیلَه کا، گِردِ اِشتَن کارون کا آسایش گِتِشَه،» 5 و هَنی اییا کا واتِشه: «اَوِن نان چِمِن آسایشی دیلَه.» 6 بَس، چوم حَلا بعضی اِن فرصت دارِن که بان چَیی آسایشی دیلَه، و کسونی که پیشتری خوشَ خَوَری دَرَسَشونَه، نافرمونی کَردِشونَه و دیلَه اومِه کا شکست هَردِشونَه. 7 خِدا هَنی ایلَه دییَر روز مخصوصی تعیین کَردِشَه، ’اوری‘، و وِرَه سالون دَوییَرده پَش مزموری کیتابی دیلَه کا و داودی زَوونی نَه، اِم کلمَه اون نَه واتَشه: «اوری، اَگم چیی سَسی دَرَسَه، شِمَه دیلی سِنگ آمَکَرَه.» 8 چوم اَگم یوشَع اَوون آسایش آدوعَش بِبو، دومله خِدا ایلَه دییَر روزی درباره اِنتَه گَف نِژَنی. 9 بَس خِدا قومی را مقدّسَ شنبه روزی آسایش، باقی بَمَندی. 10 چوم هَر کس که خِدا آسایشی دیلَه دَشَه، اِشتَن کارون دیلَه کا نی آسایش بَگتی. هَتَه که خِدا اِشتَن کارون کا آسایش گِتِشه. 11 بَس بایَه تَقَّلا بِکَرَم تا دَشَم اَ آسایشی دیلَه، تا هیچکس اِنتَه رَه نا اِطاعتی کا مَدَلَکِه. 12 چوم خِدا کلام، زِنده یَه و کار بَکَردی، و هَر دِ دَمَه شَمشیری کا تیجتَرَه، و جوری دَوِرِه که نفس و روح، و مَفصلون و مَزگ و اَستَه نی جِدا آکَرِه، و دیلی نیّتون و فیکرون تشخیص بَدای. 13 هیچ چیی خِلقتی کا خِدا چِمون کا نِین نییَه، بَلکَم گِرد چَیی چِمون پیشی کایَه، که اَمَه بَسی اَیی حِساب پَس آدییَم، لُخت و سوخت و آشکارَه. عیسی، کاهن اَعظم 14 اوآنَه که اَمَه ایلَه یالَ کاهن اَعظمی هِستِمونَه که آسِمونون را شَه کفا، یعنی خِدا زوعَه عیسی، بایَه چَمَه ایمانی اِعترافی مُحکم غَم بَرَم. 15 چوم که چَمَه کاهن اَعظم اَته نییَه که مَشا چَمَه ضَعفون نَه هَمدردی بِکَرِه، بَلکَم اَ کسی یَه که چَمَه شیوار هَر طرفی کا آزمایش بَه، بیدونِ اِمکه گناه بِکَرِه. 16 بَس اِطمینانی نَه بایَم فیضی تختی نِزدیک آبییَم، تا اَمَه رَحم بِبو و فیضی بِه دَس بواَرَم که اِحتیاجی موقع اَمَه کمک بِکَرِه. |
@ 2024 Korpu Company