نامَه، عِبرانیه نَتاجَه مسیحیونرا 3 - کتاب مقدس به زبان تالشی شمالیعیسی، موسی کا سرتَرَه 1 بَس اِی مقدّسَ بِرااِن، اِی شِمَه که آسِمونی یَه دَعوتی کا شریکیرونَه، شِمَه چِم بِه عیسی بِبو که اَ رسول و یالَ کاهِنَه، که اَیی ایمان هِستِمونَه و اِعتراف بَکَردیمون. 2 اَ نسبت بِه کسی که اَیی مُعیین کَردِشَه وفادار بَه، هَتَه که موسی نی خِدا کَ گِردی کا وفادار بَه. 3 چوم که عیسی، موسی کا وِرتَر لایق جلال بَه- هَتَه که، اَیی که کَ وَج آکَرِه اَ کَ کا وِرتَر حُرمت هِستِشَه. 4 چوم هَر کَ ایی، ایی نفری دَسی نَه وَج آبو، ولی اَ کسی که گِردِ چییون وَج آکَرِه خِدایَه. 5 حِسَه موسی خِدا کَ گِردی کا ایلَه خادمی شیوار وفادار بَه، تا اَ چیونی را که بَسی دومله واتَه بِبو، شهادتی بِدَه. 6 امّا مَسیح، ایلَه زوعَه ایی شیوار خِدا کَ را وفادارَه، اَمَه چَیی کَ ایمونَه، اَگم راس راسی چَمَه اِطمینان و اِفتخاری، چَمَه اُمیدی کا مُحکم غَم بَرَم. 7 بَس هَتَه که روح القدس بَواتی: «اوری، اَگم چَیی سَسی دَرَسَه، 8 شِمَه دیلون سِنگ آمَکَرَه، هَتَه که یاغی گری دورانی کا کَردِرونَه، آزمایشی روزی کا، ویاوونی دیلَه کا. 9 اوآ کا شِمَه دَده اِن، مِن آزمایش کَردِشونَه، و چِل سال چِمِن کارون ویندَشون بَه. 10 اِمی واسی، اَ نَسلی را خشمگین بیمَه و واتِمَه: ”اِمِن هَمیشه اِشتَن دیلی کا گمراهی نَه، و چِمِن راه اون آزونِستَه نیشونَه؛“ 11 بَس چِمِن خَشمی دیلَه کا قَسَّم هَردِمَه، اَوِن نان چِمِن آسایشی دیلَه.» 12 اِی بِرااِن، شِمَه هَواس جمع بِبو نَبادا که، شِمَه کا کسی شَرور و بی ایمانَ دیل بِدارِه که شِمَه خِدای زِنده کا دور آکَرِه. 13 بَلکم هَر روز، تا اَ موقع که اَیی نَه بَواتین ’اوری‘، یَندی نصیحت بِکَرَه، تا کسی شِمَه کا گناه دورع واسی، سِنگ دیل مَبو. 14 چوم که اَمَه مَسیح دیلَه کا شریک بَییمونَه، اَگم راس راسی اِطمینانی که اوّلی کا داریمون تا آخِر مُحکم غَم بَرَم. 15 هَتَه که مزموری کیتابی کا واتَه بییَه که: «اوری، اَگم چَیی سَسی دَرَسَه، شِمَه دیلی سِنگ آمَکَرَه، هَتَه که یاغی گری دورانی کا کَردِرونَه.» 16 چوم کسونی که دَرَسَشِونه ولی با اِم وجود یاغی گری کَردِشونَه، چه کَسونی بینَه؟ مَگم گِرد کسونی نِبینَه که موسی راهنمایی نَه مِصری کا اومینَه بِرون؟ 17 و چِه کَسونی را چِل سال خشمگین بَه؟ مَگم کسونی نِبینَه که گناه کَردِشونَه و چَوون جَنازه اِن ویاوونی کا دَلَکینه؟ 18 و چِه کَسونی را قَسَّم هَردِشه که نان چَیی آسایشی دیلَه؟ مَگم کسونی واسی نِبَه که نا اِطاعتی کَردِشونَه؟ 19 بَس بَویندیم که چَوون بی ایمانی واسی بَه که نِشاستِشونَه بان دیلَه. |
@ 2024 Korpu Company