स्तोत्रसंहिता 124 - इंडियन रीवाइज्ड वर्जन (IRV) - मराठी

शत्रूंच्या तावडीतून सुटल्याबद्दल उपकारस्तुती

दाविदाचे स्तोत्र

¹ आता इस्राएलाने म्हणावे, जर परमेश्वर आमच्या बाजूला नसता,

² जेव्हा लोक आमच्याविरूद्ध उठले, तेव्हा जर परमेश्वर आमच्या बाजूला नसता तर आमच्या बाजूला कोण असते,

³ जेव्हा त्यांचा क्रोध आमच्याविरूद्ध पेटला, त्यावेळी त्यांनी आम्हास जिवंत गिळून टाकले असते.

⁴ जलांनी आम्हास धुवून दूर नेले असते; प्रवाहाने आम्हास पूर्ण झाकले असते.

⁵ मग खवळलेल्या जलांनी आम्हास बुडवले असते.

⁶ परमेश्वराचा धन्यवाद होवो, त्याने आम्हास त्याच्या दातांनी फाडू दिले नाही.

⁷ पक्ष्याप्रमाणे पारध्यांच्या पाशातून आमचा जीव मुक्त झाला आहे; पाश तुटून आम्ही मुक्त झालो आहोत.

⁸ पृथ्वी आणि स्वर्ग निर्माण करणारा परमेश्वर त्याच्या नावामुळे आम्हास मदत मिळते.