YOSHUA 19 - Biblía Axweesantá Hhohho' ar Mungú 2004

Ka'asantá tlahhoó Simeon

¹ Tsawdór tsár tlahhoó Simeon guna sleér ar harqoomoó maray'ín. Yaamaá taa dir'íní ka'aás badu sleémeero kingina harweér nee yaamaá tlahhoó Yuda.

² Gixsadaá tlahhaywí aa aál a kuká': Be'er-sheba nee Sheba, nee Molada,

³ nee Hasar-shuali, nee Bala, nee Esemu,

⁴ nee Eltoladi, nee Betuli, nee Horma,

⁵ nee Siklagi, nee Bet-markaboti, nee Hasar-susa,

⁶ nee Bet-lebaoti, nee Sharuheni. Gixsaduká' nee ayeemoine dinkwaaro a mibaá nee tám.

⁷ Gixsadaá hatlá' a kuká': Aini nee Rimoni, nee Eteri, nee Ashani. Gixsaduuká' nee ayeemooine dinkwaaro a tsiyáhh,

⁸ dinkwaaro nee ayeemo sleémeero awa gixsaduká' ngaa harweeriye' nee gixsár Ba'alat-be'eri nee Ramár Negebu. Ayeemooká' sleémeero kina ka'aás dír tlahhoó Simeoní ale ar harqoomoó tlahhay'ín.

⁹ As yaamaá taa ka'aás dír tlahhoó Yuda kiwa úr nee yaamuudá' kiwa harslaaqaát faakaro, yaamuudá' kiri bahh ka'aás dír tlahhoó Simeon.

Ka'asantá tlahhoó Sebuluni

¹⁰ Tsawdór tám tlahhoó Sebuluni guna sleér ar harqoomoó maray'ín. Digmuú yaamaá ta dir'íní ka'aás ina hardáh ay Saridi.

¹¹ Iwa Saridír wa tláy, ina /uwaá xuú', iri ti'iít ay Mareali, iri waaraáhh ar bihhaá Dabesheti, iri hardáh ay baraá yaaeedá' niina ar Yokneamuro bihhaá da/aáwí dirii'.

¹² Didár Saridi digma da/aáw gana xuú' iri ti'iít ay Kislot-tabori. Iwa didá' wa tláy iri waaraáhh ar Daberati. Iri ti'iít ay Yafia.

¹³ Didár Yafiaro digma da/aáw gana xuú' ay Gat-heferi, ay Et-kasini, iri ti'iít ay Rimoni, iri Neár xuú'.

¹⁴ Bihhaá /iiko digma ina warqáy iri Hanatonír xuú', iri qwaár baraá tlapár Yiftaheli.

¹⁵ Ay diirí digmuuwí gixsadaá aa haraaóh a gixsár Katati nee Nahalali nee Shimroni nee Yidala nee Betilehemu. Gixsadu sleémeero awa taa haniís a mibaá nee tsár dinkwa nee ayeemooine.

¹⁶ Gaarí an yaamaá taa ka'aás dír tlahhoó Sebuluni nee gixsaduine ar harqoomoó tlahhay'ín.

Ka'asantá tlahhoó Isakari

¹⁷ Tsawdór tsiyáhh tlahhoó Isakari guna sleér ar harqoomoó maray'ín i dirii'iya'.

¹⁸ Yaamuuín gixsadaá naa haraoohiyé' a gixsár Yesre'eli nee Kesuloti, nee Shunemu,

¹⁹ nee Hafaraimu, nee Shioni, nee Anaharati,

²⁰ nee Rabiti, nee Kishioni, nee Ebesi,

²¹ nee Remeti, nee En-ganimu, nee En-hada, nee Bet-pasesi.

²² Digmuuín sleeme ina hardáh ay Tabori ay Shahasuma ay Bet-shemeshi, iri alhhe'eesuút baraá yaaér Yordani. Gixsadaá taa dir'íní haniís nee ayeemooine dinkwaaro a mibaá nee lahhoó'.

²³ Gixsaduuká' nee ayeemooine an kudá' taa múk tlahhoó Isakari haniís.

Ka'asantá tlahhoó Asheri

²⁴ Tsawdór kooán tlahhoó Asheri guna sleér ar harqoomoó maray'ín i dirii'iya'.

²⁵ Yaamuuín gixsadaá naa haraoohiyé' a gixsár Helkati nee Hali, nee Beteni, nee Akshafi,

²⁶ nee Alameleki, nee Amadi, nee Mishali. Bihhaá /uwawo digma ina hardáh ay Karmeli ay Shihor-libnati.

²⁷ Diirihe digma iri da/aáw xuú' iri ti'iít ay Bet-dagoni, iri hardáh ay digmuú Sebuluni nee xatstá Iftaheli. Diirihe digma iri /iikú xuú' ay Bet-emeki, iri ti'iít ay Neieli, iri /iíkwí kumamiít iri ti'iít Kabuli,

²⁸ ay Ebroni ay Rehobu ay Hamoni ay Kana, iri hardáh ay gixsadá' ur ar Sidoni.

²⁹ Diirihe digma iri warqáy iri Ramár xuú' iri ti'iít ay gixsár Tiro, tidá' taa tleéhh ar koo/ír gawit. Naagáy diirihe digma iri Hosár xuú', iri dáh baraá Tlawtá Tla/aangw. Gixsadaá hatlá' awa taa haraaóh a gixsár Maharabu nee Aksibu,

³⁰ nee Uma, nee Afeki, nee Rehobu. Gixsadaá taa haniís sleémeero nee ayeemooine dinkwaaro a mibeeri tsár nee tsár.

³¹ Gixsaduuká' nee ayeemooine an kudá' taa ka'aás dír tlahhoó Asherí ale ar harqoomoó tlahhay'ín.

Ka'asantá tlahhoó Naftali

³² Tsawdór lahhoó' tlahhoó Naftali guna sleér ar harqoomoó maray'ín i dirii'iya'.

³³ Digmuuín dír iwa iimu/ún a Helefu ay ti'ituú Sa'ananimu iri waaraáhh ar Adami-nekebu ay Yabne'eli, iri ti'iít ay Lakumu, iri alhhe'eesuút baraá yaaér Yordani.

³⁴ Diirihe digma iri /uwaá xuú' ay Asnot-tabori, iri hardáh ay Hukoki, bihhaá basko. Digmuuín tiri doogiyé' nee digmuú yaamaá Sebuluni. /Uwaawo tiri doogiyé' nee digmuú yaamaá Asheri nee digmuú yaamaá Yuda sleeme. Da/aawe digma iri alhhe'eesuút baraá yaaér Yordani.

³⁵ Gixsaduuín awa taa tleéhh ar koo/ír gawit a kuká': Sidimu nee Seri, nee Hamati, nee Rakati, nee Kinereti,

³⁶ nee Adama, nee Rama, nee Hasori,

³⁷ nee Kedeshi, nee Edrei, nee En-hasori,

³⁸ nee Yironi, nee Migdaleli, nee Horemu, nee Bet-anati, nee Bet-shemeshi. Gixsadaá taa dir'íní haniís dinkwa nee ayeemooine a mibaá nee gwaleél.

³⁹ Gixsaduuká' nee ayeemooine an kudá' taa ka'aás dír tlahhoó Naftalí ale.

Ka'asantá tlahhoó Dani

⁴⁰ Tsawdór faanqw tlahhoó Dani guna sleér ar harqoomoó maray'ín i dirii'iya'.

⁴¹ Yaamuuín gixsadaá naa haraoohiyé' a gixsár Sora nee Eshtaoli, nee Ir-shemeshi,

⁴² nee Sha'alabini, nee Aiyaloni, nee Yitila,

⁴³ nee Eloni, nee Timna, nee Ekroni,

⁴⁴ nee Elteke, nee Gibetoni, nee Ba'alati,

⁴⁵ nee Yehudi, nee Beneberaki, nee Gat-rimoni,

⁴⁶ nee Me-yarkoni, nee Rakoni, nee yaamuudá' iisaapoó Yopárií tseewá'.

⁴⁷ Múk tlahhoó Dani yaamuuín kiwa hayóh, inooín nina slaqwarár ayé' ay baraá gixsár Leshemu, mukdá' kuri baál slaqwaraaro, múk baraadá' sleémeero kuri hhaamiís, gixsadá' kari hayóh, ngari aaliyé' umuú gixsadá' nguri warqeesiyé', nguri bayé' Dani, umuú taatoó tlahhay'ín.

⁴⁸ Gixsaduuká' nee ayeemooine an kudá' taa ka'aás dír tlahhoó Dani ar harqoomoó tlahhay'ín.

Ka'amisuú alhhe'eesáy

⁴⁹ Xoorór Israeli yaamu sleémeero ka'amisuwo ngiwa hhe'és, aluuwo yaamaá Yoshua garmoó Nuni i aali ngiri slayé' baraá tla/angw'ín wa ale.

⁵⁰ Inooín nguri gixsaárí haniisiyé', tidá' inós aa waatlakweés ar adoodá' AAKOÓ MUNGÚ ngira oó'. Gixsadá' ka bay Timnat-sera, tidá' gawaá tlom'aá Efraímúwí dirii'. Yoshua gixsadá' gari /abeés tleehhamooro, iri baraadá' wa hoót.

⁵¹ Adoorí an adór kaahamusmoó Mungú Eleasari nee Yoshua garmoó Nuni nee geeraharuusér tlahh'aá Israeli yaamuudá' ngira ka'amiisiyé' ar loohír tsawdór naa tlehhiitiyé' dír geeraá AAKOÓ MUNGÚ wa ale, dír afkú heémár Mungú, tidár baraá Shilórí dirii'. Gawaá adoorihe yaamu niri hhooayé' ka'amisuwo.