YOSHUA 15 - Biblía Axweesantá Hhohho' ar Mungú 2004

Yaamaá taa tlahhoó Yuda i haniís

¹ Yaamaá taa tlahhoó Yuda i qasiís ar harqoomoó múk maraá dooín bihhaá basko ay digmuú Edomu, baskú kilae digma iri hardáh xaanxoó Sini.

² Digmuuín dír iwa iimu/ún bihhaá basko a afaá Tlawtá Diwi,

³ iri kumiít ay gongoamoó Akrabimu, afaá xaanxoó Sini guri ar óh, iri /ee/etín ay bihhaá basa awa Kadesh-barnea, ina waaraáhh ar Hesroni ay Adari. Karka ngari harweér.

⁴ Iwa Karkár wa tláy digma ina waaraáhh Asmoni, iri dáh yaaér Misri, yaaeedá' gari kón iri ti'iít baraá tlawtadá' ur ar Mediteranea. Wa/ángw digmuú tlahhoó Yuda basko ira uhín an kwí.

⁵ Bihhaá da/aawe digmuuín a Tlawtá Diwi iri kumiít ay didá' yaaér Yordani iwa dát baraá tlawi. Digmuuín bihhaá /iiko aqo didá' yaaér Yordani iwa dát baraá Tlawtá Diwi gana wa iimu/ún,

⁶ iri waaraáhh ar Bet-hogla ay bihhaá /iya awa Bet-araba ay tlaa/ár Bohani garmoó Reubeni.

⁷ Iri kumiít ay Debiri, baraá tla/ángw xatstá Akori gana ar waaraáhh, iri /iikú xuú' ay Gilgali, iisaapoó dindirmoó Adumimu guna ar óh, bihhaá basa awa duxa, iri hardáh ay dahhsantá ma'aá En-shemeshi ay En-rogeli.

⁸ Digma iri kumiít ay xatstá Hinomu bihhaá basa awa tloomár múk Yebusi, umuú hatlá' a Yerusalemu. Iri tsa/án ar gawaá ságw tlooma bihhaá /uwá wa ale awa xatstá Hinomu, iri ti'iít ar alhhe'eesoó xatstá Refaimu.

⁹ Iri gawaá tloomár xuú' ay dahhsantá ma'aá Neftoa, iri didá' wa tláy gawaá tloomár Efroni. Digma didae iri Ba'álár xuú', umuuwós oo hatlá' a Kiriat-yearimu.

¹⁰ Diirihe digmuuín iri /uwaá xuú' ay Seiri, bihhaá /iya awa tloomár Yerimu gina ar óh, umuuwós oo hatlá' a Kesaloni. Iri /ee/etín ay Bet-shemeshi, iri waaraáhh ar bihhaá Timna.

¹¹ Diirihe iri /iikú xuú', gongoamaadá' Ekroniro bihhaá /iya gina ar óh, iri harweerín ay Shikroni, iri waaraáhh ar bihhaá tloomár Ba'ala, iri ti'iít ay Yabne'eli, iri hardáh ay tlawtidár Mediteranea.

¹² Bihhaá /uwawo digmuuín a Tlawtá Tla/aangw. Gaarí an wa/aamér digmuú yaamaá ta tlahhoó Yudawí haniís ar harqoomoó tlahhay'ín.

Múk Kalebu yaamaá Hebroni nee Debiri kiwa hayóh

¹³ Aluuwo Kalebu, garmoó Yefune, kuna yaamaá Kiriat-arba i ka'aás baraá tla/ángw yaamaá tlahhoó Yuda wa ale, ar adoodá' Yoshua kura ádbáy nee AAKOÓ MUNGÚ. Gixsarí ta bay Kiriat-arba gana aál. Arba baabuú Anaki baraá gixsarí gana hoót. Laarí gixsarí kan babay Hebroni.

¹⁴ Kalebu tlahh'aá tám awa hhay Anaki gina tlatlahhaás baraadá' wa alé. Inooín an kuká': Hhay Sheshai nee hhay Ahimani, nee hhay Talmai.

¹⁵ Hebroni ngiwa hhe'eés hayooharo iri tláy yaamuloouusér baraá Debiri gari haraadáh. Gixsarí aáng kan babay Kiriat-seferi.

¹⁶ Kalebu iri oó', «Heé gixsár Kiriat-seferi ga hayóh aníng u dasir'eé' Aksa i haniís.»

¹⁷ Ala Otnieli, garmoó hhiyoó Kalebu, kudá' ta bay Kenasi gixsadá' gari hayóh, Kalebu guri iimbalaáx ar dasiirós Aska.

¹⁸ Bál duuxooro Otnieli Aksa gana harakeés baabá nguwa firiin qaymooro. Aksa aáng i gawaá daanduú daqwaay, iwa gawaá daqwáy wa awdit Kalebu gari yaahaás iri oó', «Kiíng ma slá', hato'?»

¹⁹ Dasi guri beér, «Aníng laqwaaláng, yaamuudá' basa awa Negebu kuúng aníng ira qeér ki kaahaar, qawáng sleeme yaamaá ma'aá kooma'a.» Aluuwo Kalebu gari qáy ar hhaleeraá ma'aá koomá' awa gawaá dindirma nee awa baraá tlapuwo.

Gixsadaá tlahhoó Yuda

²⁰ Gaarí an yaamuudá' taa aál nee tlahhoó Yuda ar adoodá' inooín i dirii'iya'.

²¹ Gixsadaá báskwí diriiá' baraá yaamaá Yudawo amór digmuú Edomu a kuká': Kabse'eli nee Ederi, nee Yaguri,

²² nee Kina, nee Dimona, nee Adada,

²³ nee Kedeshi, nee Hasori, nee Itnani,

²⁴ nee Sifu, nee Telemu, nee Bealoti,

²⁵ nee Hasor-hadata, nee Keriot-hesroni, umuuwós oo hatlá' a Hasori,

²⁶ nee Amamu, nee Shema, nee Molada,

²⁷ awa hatlá' a Hasar-gada nee Heshmoni, nee Bet-peleti,

²⁸ nee Hasar-shuali, nee Be'er-sheba, nee Bisiotia,

²⁹ nee Ba'ala, nee Iyimu, nee Esemu,

³⁰ nee Eltoladi, nee Kesili, nee Horma,

³¹ nee Siklagi, nee Madmana, nee Sansana,

³² nee Lebaoti, nee Shilhimu, nee Aini, nee Rimoni. Gixsaduuká' kaa haniís a mibeeri tsár nee gwaleél dinkwa nee ayeemoine.

³³ Gixsadaá baraá xátstí diriiá' a Eshtaoli nee Sora, nee Ashna,

³⁴ nee Sanoa, nee Enganimu, nee Tapua, nee Enamu,

³⁵ nee Yarmuti, nee Adulamu, nee Soko, nee Aseka,

³⁶ nee Sha'araimu, nee Aditaimu, nee Gedera, nee Gederotaimu. Gixsaduuká' kaa haniís a mibaá nee tsiyáhh dinkwa nee ayeemoine.

³⁷ Awa hatlá' a kuká': Senani nee Hadasha, nee Migdal-gadi,

³⁸ nee Dileani, nee Mispe nee Yokte'eli,

³⁹ nee Lakishi, nee Boskati, nee Egloni,

⁴⁰ nee Kaboni, nee Lahmamu, nee Kitilishi,

⁴¹ nee Gederoti, nee Bet-dagoni, nee Na'ama, nee Makeda. Gixsaduuká' kaa haniís a mibaá nee lahhoó' dinkwa nee ayeemoine.

⁴² Gixsadaá hatlá' a Libna nee Eteri, nee Ashani

⁴³ nee Yifta, nee Ashna, nee Nesibu

⁴⁴ nee Keila, nee Aksibu, nee Maresha. Gixsaduká' kaa haniís a gwaleél dinkwa nee ayeemoine.

⁴⁵ Ekroni sleeme kana haniís dinkwa nee gixsaduuwose nee ayeemowo.

⁴⁶ Gixsadu sleémeero nee ayeemowo kudaá inslaawoó Ashdodírí diriiá', iimír Ekronír wa tleemu ay tlawi.

⁴⁷ Awa hatlá' a Ashdodi nee Gasa dinkwa nee gixsadu nee ayeemoowose ay yaaér Misri ay afaá Tlawtá Tla/aangw.

⁴⁸ Gixsadaá gawaá ayeemaá gongoamaá koomá' a Shamiri nee Yatiri, nee Soko,

⁴⁹ nee Dana, nee Kiriat-sana, (inós an Debiri)

⁵⁰ nee Anabu, nee Eshtemoa, nee Animu

⁵¹ nee Gosheni, nee Holoni nee Gilo. Gixsaduuká' kaa haniís a mibaá nee wak dinkwa nee ayeemoine.

⁵² Gixsadaá hatlá' a kuká' Arabu nee Duma, nee Eshani,

⁵³ nee Yanimu, nee Bet-tapua, nee Afeka

⁵⁴ nee Humta, nee Kiriat-arba, (inós an Hebroni) nee Siori. Gixsaduuká' kaa haniís a gwaleél dinkwa nee ayeemoine.

⁵⁵ Awa hatlá' a gixsadaá Maoni nee Karmeli, nee Sifu, nee Yuta,

⁵⁶ nee Yesre'eli, nee Yokdeamu, nee Sanoa,

⁵⁷ nee Kaini, nee Gibea, nee Timna. Gixsaduuká' kaa haniís a mibaangw dinkwa nee ayeemoine.

⁵⁸ Gixsdaá hatlá' a Halhuli nee Bet-suri, nee Gedori,

⁵⁹ nee Ma'arati, nee Bet-anoti nee Eltekoni. Gixsaduuká' kaa haniís a lahhoó' dinkwa nee ayeemoine.

⁶⁰ Gixsadaá hatlá' awa taa haniís a Kiriat-ba'ali, inós sleeme kan babay Kiriat-yearimu, nee Raba. Gixsaduuká' kaa haniís a tsár dinkwa nee ayeemoine.

⁶¹ Gixsadaá baraá xaanxaay a Bet-araba nee Midini, nee Sekaka,

⁶² nee Nibshani, nee Gixsár Diwi nee Engedi. Gixsaduuká' dinkwa nee ayeemoine kaa haniís a lahhoó'.

⁶³ Ala múk Yuda múk Yebusi ngwa aleeslay'iiká tlatlahhasaro. Mukuú Yebusi aáng an yaamuloouusér Yerusalemu. Ala tam ay laarí mukuú Yebusi nee múk Yuda tan alhoot.