YOSHUA 12 - Biblía Axweesantá Hhohho' ar Mungú 2004

Waawituú taa baál nee Mose

¹ Mukwí an waawituú baraá yaamuudií dirií', kudá' xoorór Israeli aa bál slaqwaraaro. Yaamuuín kiri aál nee xoorór Israeli iimír bihhaá da/aáw awa yaaér Yordani, ay duxuú Arnoni ay tloomár Hermoni, nee yaamu sleémeero awa bihhaá da/aáw awa Araba.

² Waawutmoó geera a Sihoni kuduú múk Amori, kudaádá' baraá gixsár Heshboni gaa hoot. Inós ina waawuti'ín iimír gixsár Aroerír wa alé, tidár baraá xatstá Arnoni, ay amór yaaér Yaboki, tidá' digmuú yaamaá Amoni, waawuti'iimarós iri hardát ay tla/auhuú yaamaá Gileadi.

³ Sleeme ina waawuti'ín iimír iimu/úngw yaaér Yordani dír tlawtá Kinerotiro da/aáw, ay Bet-yeshimoti yaamaá Araba, ay amór bihhaá tlawtá Araba, ar ta bay Tlawtá Diwi, tay amór geetaawér tloomár Pisga.

⁴ Mose nee xoorór Israeli sleeme waawutmo Ogu oo Bashani nguna baaliyé'. Inós an kudá' naa meet baraá múk Refaiwo. Ina baraá gixsár Ashtaroti wa hoót nee Edrei.

⁵ Yaamaá aa sawaawuti'ín bihhaá /iko ay tloomár Hermoni, bihhaá basko ay gixsár Saleka. Yaamaá Bashani sleémeero a kós, ay yaamaá Geshuri nee awa Ma'akati bihhaá da/aawe, bihhaá /iko ay tla/auhuú Gileadi, bihhaá basko ay digmuú yaamaá waawutmo Sihoni oo Heshboni.

⁶ Mose nee múk Israeli, waawitaáwí tsár kuri baál, sagadiyusmoó AAKOÓ MUNGÚ, Mose yaamu giri qasiís dír tlahhoó Reubeni, nee bahh'ale dír tlahhoó Gadi, bahh'alé dír tlaqtá tlahhoó Manase, yaamuudá' tari kooín.

Waawituú taa baál nee Yoshua

⁷ Yoshua nee múk Israeli waawitá sleémeero kuduú bihhaá /uwa Yordaniro kuri baál, iimír Ba'al-gadi wa tleemu, tidár baraá xatstá Lebanoni, ay tloomár Halaki, tidár bihhaá basa awa iisaapoó Seiri. Yoshua yaamu giri qasiís dír múk Israeli, umuúqo tlahhaywo nee yaamuuwós.

⁸ Yaamuudá' Yoshua aa qasiís dír múk Israeli a kuká': Yaamaá gongoama' nee yaamaá xatsoowo, nee yaamaá Araba, nee geetaawér tlom'i nee xaanxaay, nee yaamaá Negebu. Yaamuuká' aáng awa múk Hiti, nee múk Amori, nee múk Kana'ani, nee múk Perisi, nee múk Hifi, nee múk Yebusi.

⁹ Múk Israeli waawituú gixsaduuká' guri baál, oo gixsár Yeriko nee oo gixsár Ai tidár iisaapoó Beteli.

¹⁰ Waawutmoó gixsár Yerusalemu, nee oo Hebroni,

¹¹ waawutmoó gixsár Yarmuti, nee oo Lakishi,

¹² waawutmoó gixsár Egloni, nee oo Geseri,

¹³ waawutmoó gixsár Debiri, nee oo Gederi,

¹⁴ waawutmoó gixsár Horma, nee oo Aradi,

¹⁵ waawutmoó gixsár Libna, nee oo Adulamu,

¹⁶ waawutmoó gixsár Makeda, nee oo Beteli,

¹⁷ waawutmoó gixsár Tapua, nee oo Heferi,

¹⁸ waawutmoó gixsár Afeka, nee oo Lasharoni,

¹⁹ waawutmoó gixsár Madoni, nee oo Hasori,

²⁰ waawutmoó gixsár Shimron-meroni, nee oo Akshafi,

²¹ waawutmoó gixsár Ta'anaki, nee oo Megido,

²² waawutmoó gixsár Kedeshi, nee oo Yokneamu, gixsár geetuú tloomár Karmeli,

²³ waawutmoó gixsár Dori oo baraá yaamaá Nafot-dori, waawutmoó gixsár Goi'imu oo amór Gilgali,

²⁴ nee waawutmoó gixsár Tirsa. Waawitaáwí dinkwaaro a mibeeri tám nee wak.