YOBU 25 - Biblía Axweesantá Hhohho' ar Mungú 2004

Axweesantá Bildadi

¹ Aluuwo Bildadi kuduú Shuhitmo guri mu/aywaáts iri oó',

² «Waawuti'iima nee ilaiwa/ameero ar Mungú, nee inós wayda gun gawaá doorí wá tlehhiit.

³ Slaqwaruuseerós faarooro ka aleesláya? Heé gwa/aateemaawós na i hardihi'iiká a heemá?

⁴ Adór hee kur gana'amúwí harafaari nee Mungú? Heé /ameeni aa xwayluúr adór kur xaslxaansli wásl?

⁵ Ga/aaweek, dír Munguhe tam gwa/aateemaá slahhaangw sleeme i bu'umiitiiaaká, tam tsatse/ sleeme ku ló'wa hhohhoeeká.

⁶ Áx alók masasakmowuú hee a gár milá? Nee daxta an tsuuito'oorír heéwo!»