WARA'AMI 95 - Biblía Axweesantá Hhohho' ar Mungú 2004

Daa'ángw xirif

¹ Qwalaasé', AAKOÓ MUNGÚ u sa daa'aán, qwalaasé' a daa'aán ar afór qwal/uwo aa hats amór tlaa/ár atén taa ba/amis.

² Qwalaasé' a daqawán geeraawós ar ilahhooár sluufaay, qwalaasé' a daa'aán amoorós i ale ar afór qwal/uwo aa hats ar daa'ángw xirif.

³ Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

⁴ Tlapu baraá yaamuwo i gawaá dabaawós i dirii'iyá', tsitsenaá tlom'i sleeme a kós.

⁵ Tlawi a tós asma gana tleéhh, yaamaá kaahaar inós gina tleéhh ar dabaawós.

⁶ Qwalaasé', u diidi'iimisaán nee u i tumbarara'ataán, a tumbarara'ataán dír geeraá AAKOÓ MUNGÚ, kudá' atén taa tleehh.

⁷ Asma inós an Munguúrén, atén an mukós oo i de'en, nee a bee/ángw baraá qawtaantós. Ahaá, ka hhoóeéke laarí afoorós bara iiárií qás.

⁸ Munerhúng ma gawdesaara', adór kangwdá' aa tleehharuut didár Meribár wa ale, nee didár Masa baraá xaanxaay.

⁹ Amoodae aníng tina iiár nee baabi'iihúng as iwa waqaaqaiya', tam tlehhmi'iieé' kudaá waa/oo/amo ngaa geerií ari'i.

¹⁰ Baraá kureeraá mibeeraá tsiyahhe ana gurboo/áw as qartadá', nari oó', «Muksíng a múk aa hhitaruut baraá muner'ín, loohir'eé' ngaa gaár i xuii'iiká.»

¹¹ Gawaá adoorihe aníng nari buúhh, lo'o ngari /aáy nari oó', «Mukwí i dahiiaaká baraá amohhooar'eéni ale.»