WARA'AMI 87 - Biblía Axweesantá Hhohho' ar Mungú 2004

Xirfuú Yerusalemu

(Wara'amtá daaqoó Kora)

¹ AAKOÓ MUNGÚ iihhafirír gixsarós gaa tleéhh, gawaá tloomarós ar hhoohhoo'.

² AAKOÓ MUNGÚ gixsár Siyoni ga ak slaa', ta yaamu sleémeero awa Israeli.

³ Kiíng gixsár Mungú, Mungú kiíng i xirfayeemiis.

⁴ Baraá tla/ángw kudá' i xua'a, múk Misri i deer, nee oo Babuloni nee oo Filisti nee oo Tiro, nee oo Kushi, kuká' sleémeero kina baraadá' wa laqwaál.

⁵ Nee daanduú Siyoniro tan ooi, «Heewí nee kuqae kina laqwaál baraawós i ale.» Munguúdá' gáwtí dirií' an kudá' gixsarí ga gawdeés.

⁶ AAKOÓ MUNGÚ gi faar, qoomár bar xoordu ngi gooín iri ooi, «Kwí kuna baraadá' i laqwaál.»

⁷ Daauuse nee ni/imuuse sleémeero ta ooi, «Muruurén oo hhó' sleémeero amór i dahhi a Siyoni.»