WARA'AMI 8 - Biblía Axweesantá Hhohho' ar Mungú 2004

Xirfuú Mungú nee uroó hee

(Wara'amtá Daudi)

¹ AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero, kuúng xirfuuwók i haats dooriwo.

² Xirfuuwók ku daa' nee na/aá ninakw, nee awa du'uuma'a, as wakuuseerók kawa xasltis nee kudá' tlaampa'amisá'.

³ Doori bira i qaytsiít, kudaá gadiyér dabaawók, slahhaangw nee tsatse/ kudá' kuúng taa qás,

⁴ hee a gár milá kuwa inslasleer, laqaá na/oó hee a gár milá kuwa sadaawimit?

⁵ Kuúng ugwa uráy i hanís tsaxwaá tawa alqon nee malayke, kuri ilaiwa/amér úr i hanís nee xirif.

⁶ Ugwa qás as muruudá' sleémeero taa tléhh nguwa sawaawuti'in, mura' sleémeero ugwa qás baraá baalirós,

⁷ bee/aangw nee hikwawo sleémeero, tam makaá baraá sla/ato,

⁸ tsir/o nee siyó baraá tlawi, nee makay sleémeero awa slafá' awa baraá tlawi.

⁹ AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero.