WARA'AMI 76 - Biblía Axweesantá Hhohho' ar Mungú 2004

Mungú a baalusmo

(Wara'amtá Asafu)

¹ Baraá Yudawo Mungú i xu'utiit, baraá Israeliro umuuwós ku qiitliiká.

² Xaftós i baraá Salemu, hotaarirós i Siyonírií dirí'.

³ Amoodá' an dír maheeraá mitsiihhá' ngiwa geqáy, tam gaambu nee paangadu, nee xooslaá slaqwara gina geqáy.

⁴ Kuúng tu xiríf, nee tu aleesleemu yaariír, ta xirfuú tlom'aá urene.

⁵ Miguuse ana mura' hayót, inooín nari slar/amiitiyé' gu'uteero adór múk aa qaatl, nari daba' tsatiitiyé'.

⁶ Kuúng, Munguú Yakobo, bara gahhát, múk faras ngwa i tsa/an nee farsuine nari slar/amiitiyé' /araraango.

⁷ Ala kuúng an dae tláq, kuúng kilók, kuúng bar aga búhh, heé sihhiít dír geeraawoge a heemá?

⁸ Kuúng sakwasleema ana gawaá doorií wa ó'. Yaamu nay da'ayuutiyé', niri xasliitiyé',

⁹ qoomár Mungú iwa sihhiít as sakwasleema ngiwa tleehhi nee kudá' baraá yaamuwo taa baramaanuusi ngiwa ba/amisi.

¹⁰ Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

¹¹ Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

¹² Inós geeraharuusér uren ga daba' tsaat, nee waawituú baraá yaamu nguri da'ayuutiyá'.