WARA'AMI 75 - Biblía Axweesantá Hhohho' ar Mungú 2004

Mungú kwasleema ga tsaat

(Wara'amtá Asafu. Daa'aangw)

¹ Mungú, atén kuúng un xirfayeemisaán nee un sluufmisaán. Asma kuúng tu tseéw dír kudá' tlehhmi'iiwók awa waa/oo/amo ngi alki/iitá'.

² Afiqoomaadá' aníng naa oó' bira xeér, aníng sakwasleema a tleéhh ar gan'amu.

³ Tam yaamu nee muruú baraadí dirií' sleémeero i dingitiye'. Aníng kilooeé' iihhafiirir'ín an gawdeés.

⁴ Kudá' naa daara/uutiye' ina báw, «Ma daara/aamara'.» Nee tlakuuse ngay báw, «Xoongirhúng ma tawo tleemisaara'.»

⁵ Miti kiloohúng xirfayeemisaara', sleeme ma axweesara' ar sagagawdu.

⁶ Asma xirif i da/aá dahhiiká laqaá /uwaá dahhiiká, tam i baraá xaanxoó dahhiiká, laqaá i baraá tlom'aá dahhiiká.

⁷ Ala Mungú an kudá' kwasleema ga tsaát, heewí gu niinawees nee kuqá' gu xirfayees.

⁸ Asma AAKOÓ MUNGÚ buhhtaawo aa qa/iít adór qwaree/amoó difaáiro aa haats, ar taa aleedoók ar muruú tsu/uút, inós gari wahaas ar múk tlákw ay dír ngay tsaanqasiya'.

⁹ Ala aníng tlehhmi'iiwók i alki/iít daqisleém, Munguú Yakobo un xirfuú i daá'.

¹⁰ Mungú ina oó', «Múk tlákw un aleesleemu hayóh, ala kudá' hota ganaa'á' in aleesleemuú i haniís.»