WARA'AMI 70 - Biblía Axweesantá Hhohho' ar Mungú 2004

Firo as alee/isaay

(Wara'amtá Daudi. Tsuunqumis)

¹ Na'amaamís Mungú, án ba/amisáng! AAKOÓ MUNGÚ, án alee/iisáng ar gaanslaay.

² Ki mureekeesi i amoqwaariye', kudá' slafingw'eé' mitsiimá' nguwa qwaareesiya'. Ki alií ki/isi, ki mureekeesi, kudá' slahh'amaayer'eé' ngi saqwalaala/á'.

³ Kudá' aníng wa niqiimá' tawa kaahi, «Ha, ha, ha,» i hasl'amiitiye' mureero.

⁴ Ala kudá' sleémeero kuúng leelehhiitá', ta baraa/i, tu sa qwalaala/i, kudá' ba/amarók sla'á', deelo sleémeero ta ooi, «Mungú ku úr.»

⁵ Ala aníng a liitlakusmo nee a heé gaa wásl. Mungú, amor'eé' gaansluutang, kuúng an alee/isusmooeé' nee gweerusmooeé', AAKOÓ MUNGÚ, kuúng mindi tligaar!