WARA'AMI 61 - Biblía Axweesantá Hhohho' ar Mungú 2004

Firo as baqmoó

(Wara'amtá Daudi)

¹ Mungú, /aa/ee'eé' axaaseek, firór'eé' iiárií qaaseek.

² Una i /aa/amiím niwa baraá hhapeemaá saawá' i dirii'. Qoomaadae niri mune sií'. Geeraharáng as niwa nahhaat baraá tlaa/ár ur.

³ Asma kuúng an dír guway'eé', baqmór /uuruú koom, ar wakusmooeé' iwa slayká.

⁴ An hoót baraá do'ók wa ale ay alhhe'eesay wasle. Ni goów niwa nahhaat baraá guruú hhampe'eeriwók i alé.

⁵ Mungú, kuúng al'axweesante'eé' aga axás, iga aalirók i hanís, tidá' ta hanmaamis dír kudá' umuuwók ngu ilaiwawa/á'.

⁶ Deelór waawutmo doogeek, waawuti'iimarós i kumaamit baraá qari sleémeero.

⁷ I waawuti'in ar alee/isoó Mungú ay alhhe'eesay wasle, nee ngu de'en ar sla'aarirós ar warqawaaká nee inkihhimuuwose.

⁸ Án kuúng umuú qoomaaro u daa'ángw xirfií daá', as al'axweesante'eé' ngiwa boo/ees umuúqo deelooro.