WARA'AMI 54 - Biblía Axweesantá Hhohho' ar Mungú 2004

Firór baqmoó as wakuuse

(Wara'amtá Daudi ar intsaahhasa, qoomár heé yaamaá Sifu iwa daqáy amór Saulo, nguwa báy, «Daudi aa nahhaát tla/angwrén i ale.»)

¹ Mungú, na'ás, án ba/amisáng ar umuuwók, án aleekalaa/áng ar aleesleemuuwók.

² Mungú, firor'eé' axaaseek. /ayma'aá afkwe'eé' iiárií qaaseek.

³ Asma hooma iga i haratleér, múk xaraásl i slafingw'eé' leelehhiit, inooín Mungú ngwa geerakawsi'iiká.

⁴ Qaytsiít, alee/isay'eé' an Mungú, asma Aakoó Mungú inós slafíngw'eé' gun taami kón.

⁵ Mungú muruuín kudá' tlákw i tlehhiitiya' amor'ín i ki/isek, Aakoó Mungú, inooín hhaamiiseek ar inkihhimuwók.

⁶ Aníng ilahhooár muruú ta tsu/i ngi kuúngií haniís ar muunuú /awaák. AAKOÓ MUNGÚ, aníng umuuwók u sluufiís as kuwa hhoó'.

⁷ Asma iga ba/amís umuúqo slahh'amko, nee hu'uumá wakuuser'eé' ngiri ár ilte'eene.